محتاج خبرتكم يالمتزوجين

[عاهد بن علي]

توكل على الله
بعد الاستخارة

[العقل المدمر]

اسمع نصيحت اخوك الكبير

حاول انت وزجتك تدخلون دورات في بناء الاسرة

لا تستهين فيها ابدآ

فيها المفتاح الحقيق لبناء الاسرة

والله يوفقكم يارب

دخلت عشان اقترح هالاقتراح
واهم شي انتوا الاثنين
لان الدورات اغلب المتواجدين فيها من النساء
اذا مافيه دعم وفهم من الزوج مراح تكمل العلاقة من طرف واحد
وفيه مصادر ثانية فيديوهات اونلاين او كتب
بس اهم شي لا تاخذ بتجارب العاديين خذ الكلام من المختصين
ومبروك مقدماً

[مـحـمـدـ]

وَعَلَيْكُم السّلام وَرَحْمَة اللهِ وَبَرَكَاتُه

الله ييسر لك امر الزواج


اولا : تخير الزوجة ذات الدين مثل وصية النبي ﷺ فهي اللي بترتاح معها

ثانيا: المهر القليل هو اللي فيه البركة، وحاول تتفق مع الزوجه على هالموضوع ، اما التكاليف الثانية فتجنبوا فيها التبذير و الاسراف والبذخ الزايد ، وخل عرسك خالي من المحرمات حتى تنطرح فيه البركة

ثالثا: عمر الزوجة مب مقياس، الاهم عقلها و تربيتها..


رابعا: الزواج مسئولية فلازم تتثقف عن الحياة الزوجية ثقافة تعينك على الاستمرار فيها
من الناس الموثوقين اصحاب التخصص و الخبرة ومب من أي أحد
وكذلك زوجتك لابد لها من هذا
واعرفوا احكام الشرع فيه


موفق..

بخصوص النقطه الرابعه عندك شخص اقدر اتواصل معه او كتاب استفيد منه ؟

ومشكورين استفدت من ردودكم وماقصرت يا qatarman8008

[راجي الْعفو]

بخصوص النقطه الرابعه عندك شخص اقدر اتواصل معه او كتاب استفيد منه ؟

ومشكورين استفدت من ردودكم وماقصرت يا qatarman8008

من أشهرها كتاب اداب الزفاف ( للشيخ محمد ناصر الدين الالباني )
http://ia800301.us.archive.org/13/it...qazsm/azsm.pdf

ظ¢- كتاب الزواج للشيخ العثيمين
https://books.islamway.net/1/50/12788.pdf

——-

أشخاص: ما اعرف احد بس مره حضرت لمستشار ينقال له مبارك الهاجري ان ما اخطأت هو في الاستشارات العائلية

اسلوبه شبابي في توصيل المعلومة

[راجي الْعفو]

وهذه مقاطع بتستفيد منها انصحك بها :



1- النصيحة لمن يقبل على الزواج
الشيخ الدكتورعبدالله البخاري


https://safeshare.tv/submit?url=http...%3DlF7ZV0tzYjA

——-

2- أهمية تحمل الشاب لمسؤولية الزواج-للشيخ الدكتورعبد الله البخاري


https://safeshare.tv/submit?url=http...%3Dvzf0njPYkds


——-

[معماري قطري]

الله يوفق كل من ينوي الزواج

ودوم انصح بالاعتدال في مصاريف الزواج وهذي فلوسكم ما تصرفونها على ليلة بس دايما تجري النساء بما لا تشتهيه الرجال

ما شاء الله صالات الأعراس زحمة .. أمس مريت عرسين وصالات الرفاع كلها مشغولة وكل الشكر لكل من قام على هذا المشروع .. والعرس الثاني كان في شارع العرضات .. الله يبارك لهم وقطر كبيرة جداً جداً جداً وعصية جداً جداً جداً عليهم

[nooora]

الله يوفقك ويسر لك الزواج
احرص كل الحرص بأنكم ترضون رب العالمين اولا واخرا في كل شي ثم لا تقارنون انفسكم مع الغير ،،،
وكثر من القراءة في امور الزواج فالعلم نور

[حمد بن سعد]

روى أبو داود والنسائي عن أبي هريرة رضي الله عنه: قال النبي صلى الله عليه وسلم: "تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك".

[ضوى]

اخي محمد ، بما انك مقبل عالزواج باذن الله نسال الله لك التوفيق من عنده وحده وباعطيك تجربتي في هالموضوع

توني زوجت ولدي البكر 25 سنة الله يحفظه ويوفقه ويسهل اموره الجاية ، اخترت له بنت صغيرة تقريبا بالعشرين ، اعرفها عدل واختياري جا بعد ماعاشرتها سنين عرفت اطباعها واخلاقها بحكم الجيرة والصحبة مع بنتي ، وعرفت اهلها امها ابوها اخوانها يعني تقريبا كل شي عرفته عنهم ، ولما ان الاوان طلبناها للزواج وتم ولله الحمد ، بمعنى اختيارك خلي بناء على خبرات الامهات والخوات ، الا اذا انت في بالك حد معين شايفها بمكان والا انتبهتى لها بمكان شغلها يعني ، اهم شي لو صغيرة 18 سنة او اكبر اصغر من جذي ماينفع صعب تتحمل مسؤولية خاصة بوقتنا المعاصر ، المهم لجيت بتسال اسأل عن دينها واخلاقها وهاي صعب انت تعرفه لازم احد الحريم يقوم بهالمهمة اسال عن ابوها اخوانها ، تعليمها مهم حتى لو عندها ابتدائي ، لاحظ لبسها اذا راعية ماركات وكشخة فهذي عالاغلب راح تكون متطلبة طبعا مب دايما الا من رحم ربي .
نجي للتكاليف اخوي محمد ، زواج ولدي كلفه 500 الف زايد شوي ناقص شوي بس بهالحدود العرس كامل من بداية الملجة لين شهر العسل وحفل الاستقبال للعروس هذي تكلفته شامل مهر وشبكة وخطوبة وعرس رياييل وعرس حريم وشهر عسل واستقبال العروس ولله الحمد والمنة ، لانه من البداية قلنا لهم امكانياتنا كذا حدودنا كذا ووافقوا ، والحمد لله ماضطر يتسلف من البنك ولا ياخذ قروض كله من اللي وفره من راتبه والعينيات اللي حصلها من خالاته وعيالهم ونسايبنا ، ولا سوي شي فوق المعقول وبشهادة الجميع عرس الرياييل كان جدا راقي وعرس الحريم جدا راقي وكله بفضل الله ومنته ، هذي تجربتي باختصار شديد اتمنى تفديك وتفيد غيرك

[مـحـمـدـ]

اخي محمد ، بما انك مقبل عالزواج باذن الله نسال الله لك التوفيق من عنده وحده وباعطيك تجربتي في هالموضوع

توني زوجت ولدي البكر 25 سنة الله يحفظه ويوفقه ويسهل اموره الجاية ، اخترت له بنت صغيرة تقريبا بالعشرين ، اعرفها عدل واختياري جا بعد ماعاشرتها سنين عرفت اطباعها واخلاقها بحكم الجيرة والصحبة مع بنتي ، وعرفت اهلها امها ابوها اخوانها يعني تقريبا كل شي عرفته عنهم ، ولما ان الاوان طلبناها للزواج وتم ولله الحمد ، بمعنى اختيارك خلي بناء على خبرات الامهات والخوات ، الا اذا انت في بالك حد معين شايفها بمكان والا انتبهتى لها بمكان شغلها يعني ، اهم شي لو صغيرة 18 سنة او اكبر اصغر من جذي ماينفع صعب تتحمل مسؤولية خاصة بوقتنا المعاصر ، المهم لجيت بتسال اسأل عن دينها واخلاقها وهاي صعب انت تعرفه لازم احد الحريم يقوم بهالمهمة اسال عن ابوها اخوانها ، تعليمها مهم حتى لو عندها ابتدائي ، لاحظ لبسها اذا راعية ماركات وكشخة فهذي عالاغلب راح تكون متطلبة طبعا مب دايما الا من رحم ربي .
نجي للتكاليف اخوي محمد ، زواج ولدي كلفه 500 الف زايد شوي ناقص شوي بس بهالحدود العرس كامل من بداية الملجة لين شهر العسل وحفل الاستقبال للعروس هذي تكلفته شامل مهر وشبكة وخطوبة وعرس رياييل وعرس حريم وشهر عسل واستقبال العروس ولله الحمد والمنة ، لانه من البداية قلنا لهم امكانياتنا كذا حدودنا كذا ووافقوا ، والحمد لله ماضطر يتسلف من البنك ولا ياخذ قروض كله من اللي وفره من راتبه والعينيات اللي حصلها من خالاته وعيالهم ونسايبنا ، ولا سوي شي فوق المعقول وبشهادة الجميع عرس الرياييل كان جدا راقي وعرس الحريم جدا راقي وكله بفضل الله ومنته ، هذي تجربتي باختصار شديد اتمنى تفديك وتفيد غيرك

يعطيك العافيه والله استفدت من ردك بصراحه والله يوفقهم ان شاء الله في حياتهم الزوجيه وعقبالنا ان شاء الله