السياحه الى سنغافوره

[هبوب الكوس]

سفره لمدة اسبوع لها مع العيال شنو تصحون في السكن يكون قريب من المرافق العامه والاماكن السياحيه فيها الاهم
وعن المواصلات هل التكسي غالي وانا صراحه ماحب الميترو هههه
ياريت اتكون عن تجربه من الاعضاء

[ذكي جدااا]

بشكل عام سنغفوره صغيره لكن اذا عندك أطفال ممكن تسكن بجزيرة سنتوزا وتختار فندق قريب من يونيفيرسال استوديو

[(عبدالله)]

أنا رحت مع العيال .. وأنصحك تعمل لك برنامج مرتب بالتوقيت حتى تستفيد... نظمت الرحلة بحيث نقوم من الصبح 7 ونطلع 9 او 10 والنوم في الليل بالكثير 10 او 11...

السكن أنصحك تسكن في جزيرة سانتوزا لأن مراكز الترفيه والتسلية فيها + مول كبير قريب منها + ماله داعي تكاسي ومواصلات في الروحة والردة كلها مسافة مشي

باذكر لك تجربتي وانت رتب بالطريقة اللي تناسبك

اليوم1: توقيت الوصول الى سنغافورة رتبت إني أوصل الظهر بحيث ألهي العيال لين السعة 7 وينامون، وصلت 11 طلعت من المطار 12 وصلت السكن 12:30 طلعنا 1 رحنا متحف Trick Eye + الأكويريوم + Images of Singapore + كلنا عشا ورجعنا السكن

اليوم2: يونيفرسال ستوديوز يفتحون من 10ص لين 8 الليل كان ذاك الوقت إجازة الصينيين ومسببين زحمة فخذت الfast track اللي يخليك تتجاوز طوابير الانتظار على كل لعبة.

اليوم3: كيدزانيا+ تمشي في سنتوزا + حضور عرض عالشاطئ lake of dreams

اليوم4: 4 حدائق خارج سنتوزا هي (حديقة الحيوان+ حديقة الطيور+السفاري الليلي + شي رابع نسيته)

اليوم 5: رحت مدينة جوهور باهارو الماليزية تبعد اقل من ساعة بالسيارة مع الحدود ونزلنا الفندق في ليجو لاند وعلى طول دخلنا LEGOLAND Aqua Park

اليوم 6: يوم كامل في Lego Land Theme Park

اليوم7 و 8: العودة إلى سنغافورة والسكن في شارع أورتشارد (يوم كامل تسوق وتمشاية)

اليوم9: العودة إلى الدوحة

في أماكن ثانية لكن شفت مالها داعي وكان هاذي ابرزها

بالنسبة للمواصلات استخدم تطبيق أوبر اوفر لك واحسن لك

والله يوفقك

[هبوب الكوس]

يعطيكم العافيه
تقارير استفت منها

[qatarman8008]

هي اغلب الفعاليات في جزيرة سنتوسا..
انا رحت ثلاث مرات مرتين سكنت في الجزيرة نفسها ومرة سكنت عند شارع العرب..
من ايجابيات السكن في الجزيرة ان كل اماكن الترفيه بتكون على بعد خطوات منك ماتحتاج تستخدم المواصلات..
حتى لو تعبت وحبيت ترجع الفندق تريح شوي بيكون ماعندك مشكلة..
من سلبياتها ان الفنادق غالية جدا واكلهم ابدا ابدا مو حلو ولافيه اي خيارات ثانية يعني مطاعم الحلال محدودة وكل شي الاكل صيني تقريبا..
لو باسافر مرة ثانية باسكن عند شارع العرب لانه فيه كثير مولات ومطاعم عربية ..
انصحك اخوي دامك مسافر الى سنغافورة انك تمر الى ماليزيا جوهور باهرو المسافة فقط 30 كيلو وتستغرق 45 دقيقة..
فيها ليجو لاند ومدينة العاب مائية رائعة والتسوق فيها ارخص بكثير بكثير من سنغافورة..