السلام عليكم
بغيت رايكم عن افضل الاماكن الي تفصل مطبخ للملحق الخارجي
وعن النوعيات مثلا المنيوم او ستيل.
شاكر لكم
السلام عليكم
بغيت رايكم عن افضل الاماكن الي تفصل مطبخ للملحق الخارجي
وعن النوعيات مثلا المنيوم او ستيل.
شاكر لكم
عليكم السلام ورحمة الله وبركاته
الله يوفقك السوق كبير ومتغير ونشوف اللي معلوماتهم محدثة ممكن يفيدونا
أكيد السعر بيحكمك ولازم تشوف بروحك وتقارن وطريق سلوى فيه عدة محلات مختصة مثل عالم المطابخ ومحل مختص قريب من تقاطع الغانم وانت جاي من الدوحة يسوي ستانلس ستيل وعنده عدة خاصة بالمطابخ ما اذكر اسمه
هلا اخوي بوعبدالله
الله يوفقنا وياك
المشكلة المحلات كثيره وصعب اني اروح لها كلها
بس بحاول بمر عالم المطابخ بشوف كم محل بعد ان شاء الله الشباب مايقصرون
وبعد تصدق نسيت الشفاط الي فوق الفرن مادري في محلات مختصه تسويه
لان الشفاط اذا ماكان ممتاز ولا تصير حكره في المكان
ياليت تفيدونا ولاتهونون
هلا ومرحبا فيك
صادق تمشي على السمعة والتوصية أكيد أحسن والسوق مثل ما قلت لك متغير بصفة دائمة
الشفاط آخر مرة ركبت من محل حق رفيجي اثنين داخليين وسكر المحل يقول ما يسوى التعب .. وركبت عند محل في الجسرة خارجي من الحديد المغلفن والمروحة كانت كأنها مروحة أُم أحمد أيام صحتها واختربت بسرعة بس التهؤئة جيدة بدونها لأن الدخان يرتفع على فوق وتطلعه القناة الحديدية وبعد هذا المحل سكر وطغت عليه محلات سوق واقف
يقولون اينوكس عندهم زينين وكذلك الدرويش
خذت لفه طويله مع محلات المطابخ بالدوحه للأسف ماعجبني شي ابدا كله تصاميم عاديه جدا ونفس التصميم تلاقيه عند كل المحلات
بعد دراسه وتحليل للمواد المستخدمه قررت اني اسوي المطبخ الخارجي ستانلس ستيل كامل من عند المانع للمطابخ اللي بمحطة بترول الجزيره بطريق سلوى.
Apple's User
هلا اخوي بوعيسى الْيَوْمَ مريت بيت واحد من الربع مسويه كامل المطبخ من بالميرا اللي في المرخية مع المدخنة الخاصة فيه وطاوله في النصف ستانستيل مع جرانيت عليها تواير ... عجبتني الفكرة كهارد ديوتي بس السعر كان شوي غالي ( قبل الحصار ) كان في حدود 65 الف والمطبخ 4 في 6 ....عطنا رأيك في عالم المطابخ لو تكرمت او اَي محل اخر عشان انا بعد أدور مع خالص شكري وتقديري .... دمتم بود
كيو كيتشن .. طريق سلوى
غـفـوت بـأمـان وحــولــي رفــاقــي . . واســتـيـقــظــت، فـلـم أجــد حــولــي سـوى الــذّئــاب.. لا أعــلم هــل أكــلـت الـذّئــاب رفــاقــي، أم أنّ رفــاقــي تـحـوّلـوا إلــى ذئــاب ..!.
المنيوم او ستيل
عند
كيتشن استوديو
في شارع سلوى
شغلهم ممتاز
الله يعينكم ويوفقكم ولا تبخلون علينا بتجربتكم وبصور لو أمكن مع تفاصيل الشغل والتكلفة حتى يستفيد كل من ينوي تنفيذ مطبخه