شخابيط (مضارب)

[مستثمر درويش]

قراءات كانت اثناء التداول
ونشوفهم قادم الايام على ايش بيقررون
مب من مصلحتهم الاستمرار بالنزول وتدوير تداولات وملايين عشان يبيعون فالنهايه صافي 40_45 مليون

بالنسبه لي انا اشوف المحافظ القطريه حاكره الاجنبيه بزاويه وخانقتهم

ان رفعوا السوق باعت عليهم
وان زعلوا وقرروا يبيعون قالولهم يالله انزل 1000 نقطه عشان تبيع محصلة 200 مليون ريال

الحل الوسط يهدون اللعب ويخلون السوق يرتفع ولا سنصل لنتيجه انفصال القياديات وكأنهم بسوق لحالهم يديرون معاركهم بروحهم
ويكون هناك سوق موازي يتحرك على حسب النتايج والتوزيعات من الشركات الاخرى

خلال ايام النزول عملت تحليل اوزان لبعض الشركات ومواجهتها لهبوط السوق وكيف انها يا انها ارتفعت او اعطت هبوط بثبات وتوازن مع وجود قابليه ونزعه للارتفاع

كلام موزون وعين العقل

[مضارب دوسري]

في حال استمر بالنزول نذكر بعض الارقام اللي ممكن تمسك السوق

متوسط 100 شهر (8سنوات و3 شهور تقريبا)
10580_10510
متوسط 200 شهر (16 سنه ونص تقريبا)
9550_9313

واذا جدت ايجابيه ان شاء الله بذكرها
بس الوضع اصبح مرتبط بالعوده فوق ال11000

وصل السوق اليوم لمتوسط 100 شهر
وارتد فالمزاد

نتمنى ان ينفض الغبار ويتحرك للاعلى ويبعد عنا سيناريوهات سلبيه تقودنا لما تحت ال 10000

تداول اليوم جيد
نتمنى يكون بكره بداية الارتداد

[مضارب دوسري]

الحمدلله ان شاء الله يكون اول الغيث

[بو هيا88]

الحمدلله ان شاء الله يكون اول الغيث

ما صدقت المحافظ القطرية عالبيع يوم شافت ارتداد

[مضارب دوسري]

حاليا المؤشر يحتاج اختراق مستوى 10991 والاغلاق فوقه للمزيد من العطاء ان شاء الله

[مضارب دوسري]

اغلق امس فوقها
الان نبي الاستمرار فوق الرقم 10991 كشرط اساسي لفتح الطريق صوب ال11287_11310

[مضارب دوسري]

اعتقد اقتربنا من منطقة مطبه صعبه اختراقها يفتح الباب لاهداف طيبه والرجوع عنها على حسب ممكن يكون تصحيح صحي وطبيعي وممكن يكون لا !!


شمعة اليوم غير جيده اذا تبعها تداول هبوط + (عندي تخوف من تفاعل السوق مع نتايج الريان)

اتمنى يكون بكره يوم ارتفاع يكسر حاجز الخوف او على الاقل اذا كان هبوط يكون هبوط خفيف ما يزيد عن 50 نقطه

[بو هيا88]

اعتقد اقتربنا من منطقة مطبه صعبه اختراقها يفتح الباب لاهداف طيبه والرجوع عنها على حسب ممكن يكون تصحيح صحي وطبيعي وممكن يكون لا !!


شمعة اليوم غير جيده اذا تبعها تداول هبوط + (عندي تخوف من تفاعل السوق مع نتايج الريان)

اتمنى يكون بكره يوم ارتفاع يكسر حاجز الخوف او على الاقل اذا كان هبوط يكون هبوط خفيف ما يزيد عن 50 نقطه

سبحان الله نفس تخوفي
اعلان الريان وتفاعل سهمه حتكون الموجه لحركة السوق الفترة القادمه

[alkaldi]

صحيح اخوي مضارب الخوف من نتائج الريان
احنا ما صدقنا بدى الموشر من كم يوم ماشي نقول على الاقل مطمئن شوي
وتجيك النتائج تنسف كل شي نسف
ان شاء الله يكون فيها شوي ايجابيه وخاصة ان اعلانه يوم احد وايام اخر نهاية الاسبوع تكون سيئه
نقول الله كريم

[مضارب دوسري]

كذا قمه لموجه تتحقق تكون اقل من سابقتها
وكذا قاع يتحقق يكون اقل من القاع اللي يسبقه

اعتقد فالمستقبل ان احنا رايحين لمستويات ما بين 9600_9300 (مناطق للاستثمار ويكون التداول حينها ممل لين تتيسر مع نهاية الربع الثالث او ربما نهاية 2023)