شخابيط (مضارب)

[معماري قطري]

الأمريكان حاطين أمل في المنقذ .. ما عليك منهم الروس والإيرانيين يفكرون بعد ويعرفون شيسوون مب كله الفلم بطولة أمريكا

بس سوقنا شكله من صجه يدور قاع وله فترة والله المستعان رقل رقل يوم قرب على ال 15000

[مضارب دوسري]

الحمدلله ماشي تمام ولا جديد يُذكر لين نشوف السوق فوق مستويات 13000 ان شاء الله

منطقة المقاومه 1
13100_13150

منطقة المقاومه 2
13500_13600



المنطقتين صعبين بس ان شاء الله يروح للثانيه اذا ضبط
(وهناك منطقة 13800 ولكن اعتقد حظوظ الوصول لها ضئيله والله اعلم)


منطقة التوازن 12870 ينبغي الحفاظ عليها وشفنا كيف اليوم يعديها ويرجع تحتها يعديها ويرجع تحتها تقريبا اكثر من 7 مرات هذا غير الاوقات اللي انشغلت فيها ههه


الدعوم اعتقد كلنا حفظناها

15 يوم مرت وتلاعب بالنفسيات كان بين 12900_12800
مع ثبات ومليارات
ولكن وصل اخيرا الى منطقة المقاومه 1

الاسبوع الجاي بيكون فيه يوم فوتسي ونشوف ان شاء الله

[مضارب دوسري]

ونزيد على يوم فوتسي ايضا اخبار رفع الفايده في امريكا اللي راح تصدر يوم الاربعاء

يعني عندنا خبر جيد وخبر غير جيد ونشوف كيف التفاعل هذا الاسبوع وان شاء الله خير

الاهم حاليا ان المضارب يكون حذر في تحركاته واتخاذ قرارات مدروسه مبنيه على تحركات المؤشر العام

[مضارب دوسري]

للأسف واضخ انه اكتفى ب 13099 كمنطقة قمه

الان نبحث عن القيعان
ونفتح ملفات الدعوم
12500_12400 متوسطات 200 يومي بسيط واسي
12352_12210 متوسطات 50 اسبوعي بسيط وأسي

[مضارب دوسري]

وصل 12210
ونزل تحته
عادي

المهم نشوف الحين هل يرتد ويبقى فوق 12210 ولا لا

كسر السوق اللي حصل بداية التداول كان غير طبيعي وغير متوقع ابدا


المهم الان ما يغلق تحت 12210 وايضا المطلوب ان يقلص الانخفاض ويذهب قريب ال12300 مو بس يبقى قريب من الدعم

[مضارب دوسري]

بعد اللي حصل اليوم نفتح ملف دعوم جديده

11788 شهري على الايشميوكو
منطقة ما بين 11600_11500 دعوم قويه على الاسبوعي على الايشميوكو ومتوسط 100 اسبوع اسي

والله اعلم

[مضارب دوسري]

الظاهر والله أعلم بنمر هالايام بفتره مضاربيه (مراجيح)
رايحين رادين
معاهم معاهم عليهم عليهم

========

تداول الامس مثلا اعلى نقطه وصل لها المؤشر كانت 12235 بالقرب من 12210 ومن بعدها رجع ونزل ليغلق عتد 12076

هالفتره يكون التوتر عالي فيها للمتداول وتضيق النفوس (فتره نفسيه) الواحد يكون فيها ممكن متفائل ويكون له اسبابه الواقعيه وممكن متشائم ويكون ايضا له اسبابه الواقعيه

عن نفسي اخترت كمضارب المدرجات والتفرج الى ما بعد العيد ان شاء الله
ولا مانع عندي ان اشتري والسوق مثلا فوق 12700 او 13000

الاهم بالنسبة لدي ان تكون الرؤيه واضحه والامور مستقره

[مضارب دوسري]

اللي حصل اليوم هذا هو التداول النفسي
ينام الواحد على وقع ارتفاعات الداو القويه وتوقعات ان اليوم سيعوض جزء جيد مما خسر الايام الاخيره

يصحى الصبح يلاقي النفط نازل 5 %
ويكملونها الصناع في الاسهم الشعبيه للمضاربين والمستثمرين ويكسرون النفسيات بهبوط مجنون فيها

[مضارب دوسري]

الظاهر والله أعلم بنمر هالايام بفتره مضاربيه (مراجيح)
رايحين رادين
معاهم معاهم عليهم عليهم

========

اليوم فعلا شفنا مراجيح
اسهم اول السوق هبوط قاسي ثم ارتفاع اكثر من 3%
ثم عوده لهبوط 4% ثم تقليص

مراجيح وكل ما تنفس سهم
واجهته عروض لتركيعه
وكل ما تم تركيعه واجهته طلبات لرفعه

مثل اللي عارض عتد سعر 0.500 ويقول اتحداكم تشلون اسهمي

والثاني طالب تفس كمية عرضه الاول عند 0.450 ويقول اللي يبي يبيع حياااه عندي

وما بين الرقمين مراجيح بينهم هم الاثنين واحيانا ربما يكون الاثنين هم نفس الشخص

[مضارب دوسري]

المطلوب احترام مستويات 11883 و 11714 في الاسبوع القادم اللي راح يكون فيه يومين تداول اربعا وخميس

لان كسر المستوى المذكور يومين متتاليين يفتح الباب لمستويات متوقعه ما بين 11200_10800 قمم سابقه وقف السوق عندها طويلا لسنوات قبل ان يبدا ارتفاعاته التي حصلت العام الماضي

طبعا السوق ككل صاير يمشي خلف المؤثرات الخارجيه اسواق عالميه ونفط
اللي تتغير كل يوم ما بين السلبيه والايجابيه
وهذا يؤثر على التحليل الفني بحيث انه ليس من السهل توقع اي مسار للاعلى او الاسفل لان الوضع يعتمد على المؤثرات الخارجيه في المقام الاول