ماذا تفعل اذا كانت زوجتك احدى تلك النساء؟

[BigBrother]

الاولى تحاول تضبطها بجميع الطرق و الوسائل
ما استجابت فالله يحفظها ، تسريح بإحسان
لان الحياة الزوجية هي تأسيس أسرة كاملة تنصر الاسلام و ترفع من شأنه


الثانية ألماس و تاج تنحط ع الراس
واذا كان النبي ﷺ أوصى بالنساء عموما
فما بالك بالزوجة الصالحة؟
تستاهل اعلى مراتب الاهتمام و الإحسان المكافأة


ومن البداية:

لا تاخذ امرأة لا تعينك في دينك و دنياك وتقدم مصلحتها الشخصية على زوجها و بيتها

وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ

[محمد سعيد]

موب لازم سبب عشان يتزوج اربع

[Flowers]

موب لازم سبب عشان يتزوج اربع

ولو ان المشاركه خارج سياق الموضوع، ولكن بقولك انه الناس بتدور الاسباب ، وبتم تسال ليش تزوج مره ثانيه وثالثه ورابعه دام انه متزوج !

[راجي الْعفو]

ع طاري الزوجين .. فائدة:


قال الشيخ العثيمين -رحمه الله تعالى- :

" السعادة الزوجية لا تأتي بالعنف وفرض السيطرة ، فإن هذا من الخطأ ، ولكن يجب أن ينظر الزوج إلى زوجته على أنها قرينته وأم أولاده وراعية بيته ، فيحترمها كما يحب هو أن تحترمه ".

[] نور على الدرب (13/19) []

[ameeer3]

ويستمر البحث عن الزوجة ذات السيناريو الثاني ...

[الحياة الخالدة]

ويستمر البحث عن الزوجة ذات السيناريو الثاني ...

هههههههههه موفقين

[يمامـة]

موب لازم سبب عشان يتزوج اربع

الرجل من نفسه مب مؤمن انه ممكن يتزوج من غير ما يوجد سبب للتعدد..
فتلقاه ما يدري عن بيته ولكن بيعدد لأنه يتهم زوجته بعدم اهتمامه فيه

[سالم الزهران]

اعذرني اخوي فلاورز بس اذا قلبك وزك تحب فلانه (حتى لو تمشي بالشارع وسيئة) فبتغاضى مثلما يقول عيون الرضى عن كل عيب كليلة! والعكس اذا قلبك وازك على تركها ( حتى لو كانت زوجتك) الله يعافي الجميع.

لكن الرجال بعد يختلفون فيهم اللي جاي من عند اهله يبي نفس المستوى ونفس الاشياء صح غلط يبيها! مايبي ينقص عليه منها شيء؟ وفيه اللي متسامح و يمشي أموره.

وش قال عليه الصلاة والسلام في معنى حديثه ( لا يفرك مؤمن من مؤمنة، ان كره منها خلقاً رضي منها غيره).

فتلقى رجال مقتنع يخلي زوجته معه لو ما وجد فيها غير خصلة وحدة جيدة.

وتلقى رجل عكس الأول لو اختل عنده عنصر واحد من صوب الزوجه يحس نفسه تعيس الحظ الوحيد بالدنيا! وهذا من الشيطان .
.............

انا اشوف في نطاق الأهل بعض الاخوان شغلته دايماً يسوي فحص للزوجة ،، كأنه يختبر ولائها و تفانيها وينطر لي يتجمعون خواتها و يقوم يطلع لها شغلة ولا يعزم ناس! وشلون تدور واجباتك في اصعب الظروف؟

ما نهانا الدين انا نطرق بيوتنا بالليل؟ حتى اهلك يستعدون لك ؟ معناها ان حالة عدم الاستعداد في البيت أمر وارد ؟

يا اخوان انا ما ابي أستطرد لكن من كثر اللي شفنا ... فيه ناس يحتفظ بزوجه مهملة و يصبر وأجره على الله

وفيه ناس تدخلنا غصب في بيوتهم كونهم اقاربنا عشان ما يخربون بيوتهم بأيديهم و واحد نجحنا معه و واحد فشلنا (والحقيقة هو اللي عاند) والله يشهد انه مكلمني قبل فتره يبي يراجع ؟ الدنيا مب فوضة

اللي يشوف اني أكثرت الكلام على الرجال فذا من باب نصلح اللي من جهتنا

اسأل الله أن يوفق الجميع

اسأل الله أن يصلح الجميع

اسأل الله أن يهدي الجميع

[يمامـة]

اعذرني اخوي فلاورز بس اذا قلبك وزك تحب فلانه (حتى لو تمشي بالشارع وسيئة) فبتغاضى مثلما يقول عيون الرضى عن كل عيب كليلة! والعكس اذا قلبك وازك على تركها ( حتى لو كانت زوجتك) الله يعافي الجميع.

لكن الرجال بعد يختلفون فيهم اللي جاي من عند اهله يبي نفس المستوى ونفس الاشياء صح غلط يبيها! مايبي ينقص عليه منها شيء؟ وفيه اللي متسامح و يمشي أموره.

وش قال عليه الصلاة والسلام في معنى حديثه ( لا يفرك مؤمن من مؤمنة، ان كره منها خلقاً رضي منها غيره).

فتلقى رجال مقتنع يخلي زوجته معه لو ما وجد فيها غير خصلة وحدة جيدة.

وتلقى رجل عكس الأول لو اختل عنده عنصر واحد من صوب الزوجه يحس نفسه تعيس الحظ الوحيد بالدنيا! وهذا من الشيطان .
.............

انا اشوف في نطاق الأهل بعض الاخوان شغلته دايماً يسوي فحص للزوجة ،، كأنه يختبر ولائها و تفانيها وينطر لي يتجمعون خواتها و يقوم يطلع لها شغلة ولا يعزم ناس! وشلون تدور واجباتك في اصعب الظروف؟

ما نهانا الدين انا نطرق بيوتنا بالليل؟ حتى اهلك يستعدون لك ؟ معناها ان حالة عدم الاستعداد في البيت أمر وارد ؟

يا اخوان انا ما ابي أستطرد لكن من كثر اللي شفنا ... فيه ناس يحتفظ بزوجه مهملة و يصبر وأجره على الله

وفيه ناس تدخلنا غصب في بيوتهم كونهم اقاربنا عشان ما يخربون بيوتهم بأيديهم و واحد نجحنا معه و واحد فشلنا (والحقيقة هو اللي عاند) والله يشهد انه مكلمني قبل فتره يبي يراجع ؟ الدنيا مب فوضة

اللي يشوف اني أكثرت الكلام على الرجال فذا من باب نصلح اللي من جهتنا

اسأل الله أن يوفق الجميع

اسأل الله أن يصلح الجميع

اسأل الله أن يهدي الجميع

عاد شتفهم و شتقول؟!!

ما يعرفون يتعامل مع الزوجة بمنطق
"شل ده من ده وحط ده على ده "وامورك بتصير ف الاكسلنس..
مشاركتك من ذهب.. الشاطر اللي يطاوع ظروفه لصالحه مب اللي
تلقاه يبحث عن زوجة ثانية او ثالثة وهو من فشل الى افشل..

فاللي ما قدر يضبط أمور عادية في زواجه الاول ما راح يضبط أمور غير عادية في زواجه الثاني..

ولا يظن الرجل ان التعدد سهل..
تراه صعب..
صعب عليه هو قبل أي حد لأنه هو اللي مطالب بالعدل..
اما الزوجة 99% من الزوجات بعد كم سنة يقولون لنا زين منه تزوج
افتكينا من حنته و يومه اللي مب عندنا راحة..

فلا تظن انك لو عددت بتبقى نفس ذاك الزوج اللي راس مال الزوجة
و انك بتصير اغلى عندها.. بالعكس هي راح بتشعر باستقلالية اكبر في عدم وجودك
و بتشعر اشلون كانت ظالمة نفسها علشان تكسب رضاك و اخرتها تتزوج عليها..

تراني مب ضد التعدد.. و لكن لا تبيع زوجة مهتمة في بيتك و عيالك لأن تبيها كاملة
في كل شي في حياتك..

وشكرا لكم..

[Flowers]

المشكلة ان المؤمن يلدغ من الجحر مرتين !!

ولما يلدغ مره ثانيه يحاول (يرقع ) ويظبط اموره مع (الاولى ) بعد فوات الاوان وبطريقه غلط بأنه يسيء (للثانيه ) على اساس انها المحرضه وانها سبب المشاكل وانها اللي اركضت وراه وخلته يتزوجها !
والمحصله النهائيه انه صار مكروه من الاولى والثانيه ومحد يبيه