تجاربكم بخصوص الداكت سبليت

[SouthK]

السلام عليكم ورحمة الله وبركاته ..

والله ياخوي الدكت سبليت افضل لتوزيع الهواء والبرودة فالفيلا, انا حاليا مركب دكتات (كارير) وبصراحة احس كل مكان بالفيلا بارد، مع اني مشغل عدد بسيط جدا من المكيفات ..

هو فعلا ياخذ حيز من ارتفاع السقف ( نص متر تقريبا ) ولكن تتغلب عليه اذا كان سقف بيتك مرتفع، وبإمكانك توزع الدكتات في اطراف السقف وتسوي الجبس 2 ليفل ..

انا سويته فالسقف للصالات والاماكن المفتوحة, وسويته فالحائط تحت الجسر للغرف، والحمدلله في كل الحالتين احس ان المكيف مغطي كامل المنطقة ..

عيب الدكت في صيانته لأنها أعلى تكلفة من السبليت رغم انها بسيطة ومش معقدة، ولكن السبب إن اللي يشتغلون فيه عددهم محدود وماتلقى ناس وايد تتجرأ وتشتغل عليه، وواجهت أيضا مشكلة المكثف (كاباسيتر) وهو اللي يشغل المكيف، اكثر من مرة اخترب علي في معظم الوحدات الخارجية وتصليحه سهل جدا والقطعة رخيصة ولكنهم مبالغين بسعر التركيب ..

وبالنهاية اذا عندك قدرة على تركيب دكت سبليت أو دكت مركزي فـ توكل على الله، وإذا احتجت أي مساعدة أنا حاضر وبالخدمة ..

اشلون اتواصل معاك؟؟

[بوجاسم_قطر]

مساكم الله بالخير جميع..

مريت اليوم على المحل الي نصحنا فيه السهم مدينة الكهرباء. مدير المحل قالي خذ الميستوبيشي ومتوفر عنده كارير بعد.
الميستيبشي الي عنده غير عن ألي في التيسير بس على قولته من نفس المصنع وتجميع تايلندي .

مريت على كارير ألي بطريق سلوى وعطيتهم السكتش عشان يقدمون لي العرض. راح اشوف اكثر من عرض وبعدين نقرر باذن الله.

[Mitsubushi]

السلام عليكم

ماعليكم امر ممكن تنقلون لنا تجاربكم بخصوص الداكت سبليت من ناحية افضل الشركات, الاسعار, التركيب والصيانة الدورية ..الخ

وهل تنصحون في الداكت سبلت عن المكيف السبليت العادي.؟!!

تحياتي للجميع

السلام عليكم
بالنسبه لمكيفات الدكت سبليت هي الافضل طبعاً للتكييف، حيث تعطي بروده متجانسة لكامل الغرفه والمنزل ايضاً، الصيانه تكون في الحمامات وليس في الغرف، طبعاً عدم نسيان الهدوء الكامل في كل البيت وخصوصاً في غرف النوم
https://www.facebook.com/unitcoqatar/
تقبل التحية