خدمه نسمعك عشان أنطنشك من وزاره الصحه

[Rider]

كل الوزارات والأقسام والهيئات الحكومية بدأت تتطور وتتسنع الا الصحة والمراكز الصحية يفشلون من قلب
أكرر اللي في الإستقبال يشتغلون يبيلهم دورات في خدمة العملاء من شركات عالمية
وبمعايير عالية علشان نتخلص من الأنفة الزايدة اللي موجودة والضحك والإستهتار اللي ما تغير من التسعينات

مشكلة هالموظفات عايشين الدور تفكر نفسها دكتورة ترى اخر شي موظفة استقبال والبعض حتى شهادة ثانوية ماعندها

[هيليوم]

الله يشافي اختك

الملاحظة الأولى هي سياسة المركز وهذا شي لاحظته اكثر من مرة ان المركز الصحي ما يعتبر الحرارة حالة طارئة ما ادري شلون مع ان الحرارة تهد جسم الانسان وتخليه يحس انه مكسر وما فيه حيل والملاحظة الثانية هي أسلوب موظفات الاستقبال أسلوب سيئ بالمعني الحرفي للكلمة كلام مثل حمدي ربج وروحي انطري عند باب الغرفة هل هذا أسلوب شخص قاعد يتعامل مع مرضى !!
النقطة الثالثة هي السيستم لاحظت ان الشخص اللي يجي بدون موعد يسجلون له موعد ضمن المواعيد ويدخلونه على الدكتور بس يحتاج ينطر و اعتقد هذا هو سبب المشكلة اللي صارت معاج ان المواعيد المتاحة لين اخر الدوام خلصت بس طبعا أسلوب الموظفات السيء ما يعطي مجال للفهم

[JN000N]

اذا الكلام عن مركز الوكرة الصحي
فعلا نفسيه ولا اخس منها

[R 7 A L]

وزارة صحه
مؤسسة حمد
مؤسسة الرعاية الصحية

كل جهه تختلف عن الاخرى
ولها سياسة تختلف

المريض يتلعوز ويضيع حقه

[@north_star@]

وللاسف حتى خدمة حياك اللي بالمراكز الصحية اسلوبهمالبعض منهم مب شي ومالهم خلق يردون على الاستفسارات وهالخدمة بالذات لازم الموظف يكون لبق بالكلام وعلى الاقل يبتسم بوجه المرضى أو المراجعين

[حمــد]

مشكلة هالموظفات عايشين الدور تفكر نفسها دكتورة ترى اخر شي موظفة استقبال والبعض حتى شهادة ثانوية ماعندها

اي والله صادق .. والمضحك تلاقيهم متجمعين لا شغله ولا مشغله وحاطين كل الشغل على متطوعه من المدارس شايله الشغل كله مسكينه لا ويعلمونها فشلهم قص ولصق

[brwnzya]

الله يسلمكم جميع و الله يجزاكم خير
الموقف صار معانا في مركز عمر بن الخطاب الصحي
والله كرهته ولا داني ادخله لان جد جد تعاملهم مو محترم وطريقتهم مو حلو كلش ولا يراعون ان الي جايهم مريض وتعبان لين اليوم وانا منقهره