زين انك رحت وشفت بعيونك ..
وضحلى اخوى بو يوسف شنو الى ما اعجبك بظبط
زين انك رحت وشفت بعيونك ..
وضحلى اخوى بو يوسف شنو الى ما اعجبك بظبط
والله ماني متذكر العقد زين عشان اقدر انقده بس على العموم طريقة الدفعات حيث ان الدفعة الاولى 25% اعتقد ثم تتم كامل الدفعات مع التسليم وهناك شرط انه في حالة التأخر يتم الحجز على المبلغ او شي من هذا القبيل..
والله لو ها معاي كنت اقدر اتكلم فيه بطريقة افضل
بس على العموم انه بشتري في مشروع ثاني
اخوى بويوسف مثل ماقلت لك انا افضل ان الواحد الى يبى يشترى في اللؤلؤه اتكون افلوسه كااش ولا الايشترى و انا اخوك و ذلك عشان مايتعرض لصغوطات و مشاكل لان المبالغ كبيره مب هينه عشان الواحد يقترض ..
وانشاء الله تشترى في مشروع ثانى و بسعر ارخص واحسن و الله يوفقك ياخوى
السلام عليكم ..
على فكره انا من اوائل الناس اللي زاروا المشروع ..
من ناحية المشروع نفسه فهو ممتاز ..
لكن الاسعار و بنود العقد بوق عيني عينك ..
بالنسبه عن الاسعار تتكلم عن نفسها ما يحتاج اوضح ..
اما بنود العقد بذكر لكم كم بند و انتو حكمو ..
احد بنود العقد يلزم انك تدفه 2% من قيمة الشقه او البيت كل سنه كأجور صيانه !!
يعني دافع دم قلبك و بعد كل سنه بتدفع لهم ..
و في بند ثاني يقول انه اذا بغيت تبيع شقتك او بيتك لازم اول شي تعرض سعرك على ادارة المشروع و اذا عجبهم السعر يشترون منك و اذا ما عجبهم يلزمونك انك ما تبيعه لأحد ثاني بسعر اقل من اللي عطيتهم..!!
يعني دافع ملايين و يتحكمون فيك تبيع بكم و لمن..!!
و اترك الحكم لكم
المشاركة الأصلية كتبت بواسطة السهم الازرق
اي والله بوق صدقت والله أخوي
الفردان يجي وراه خير
الأخ هتلر .. شخبارك .. حبيت أوضح نقطة بخصوص مشروع اللؤلؤة وهو ان أول شي المشروع ينقسم إلى أربع مراحل وبالنسبة لأسعار الفلل والشقق والشاليهات تختلف من مرحلة لأخرى بمعنى ان السعر في المرحلة الأولى هو أرخص شي وبعده المرحلة الثانية .. الخ مع ملاحظة ان المساحة هي نفسها لكن بسبب الدفان في البحر تزيد التكلفة بنسة 40 - 70 % تقريبا .. والمشروع الآن في المرحلة الثالثة ونجاحه اقل من المرحلة الثانية نظرا للتكلفة العالية و إنخفاض البورصة ( مافي سيولة ) .. و اسف على الإطالة ...
شكرا هتلر على المعلومات الدسمه عن المشروع بصراحه الاسعار معقوله واضم صوتي لصوتك استثمار جيد للي يبي يستثمر فلوسه والعقار مب خساره رايح فوق Qtri