المشاركة الأصلية كتبت بواسطة ابو عبدالله.
السعر سيتجاوز الريالين شوي واذا نبي نعرف متى بيوقف. نشوف اسعار البنزين بامريكا وهذا سعره العالمي وطبعا يختلف في بعض الدول بحسب قوانين تحديد التلوث و الزحام و رسوم المركبات لانها جزء من تكاليف القياده. وكمثال. الموتر بلندن تدفع عليه الف باوند تقريبا تجديد استماره غير التأمين لسياره صغيره الفين باوند بالمتوسط
هذه المصاريف لازم ندخلها في تكاليف الموتر عشان نحدد اي موتر نشتري كل ما كبر الموتر و حجم المكينه زادت تكاليفه السنويه
موضوع الديزل سمعت عن خطه في دوله اوروبيه او اكثر ستخفض عدد السيارات لضرر الديزل على البيئه و الصحه و اعتقد بنسبه كبيره خلال كم سنه
تكاليف النقل و البضائع ستزيد بلا شك لكن كل مجتمع يتأقلم و يجد طرق بديله لاغلب الامور مثل الشراء بالجمله لتقليل التنقل و الاعتماد على سيارات بمحركات اصغر او ديزل الخ
لاحظ ان هناك سوق جديده للطاقه الشمسيه للمخيمات و العزب و بيوت البر لانهاء الاعتماد على المكائن و البترول المكلف حتى بالصيانه
امس اكتشفت سوق جديده لاغذيه الحلال ومنها الشعير المستنبت داخل العزب و المزارع. حل غير مكلف ابدا و وفر على المربين شراء كميات مكلفه من الاعلاف من السوق و النقل و العماله و الصيانه الخ واعتبره تكيف للمجتمع مع ارتفاع التكاليف من وقود و عماله و معدات
يعني ارتفاع اسعار الوقود اخرج ابداع المجتمع في التكيف. و اعتبره احدى ايجابيات ارتفاع الوقود