السلام عليكم ورحمة الله وبركاته
حبيت استفسر عن السعر التقريبي لمتر الصبغ الرملي
وشنهي افضل نوعيه؟
يعطيكم العافية
السلام عليكم ورحمة الله وبركاته
حبيت استفسر عن السعر التقريبي لمتر الصبغ الرملي
وشنهي افضل نوعيه؟
يعطيكم العافية
ابعد عن جوتن خرررررررطي سعر غالي عالفاضي
طبعا اقصد اصباغهم الخارجيه
الداخليه ماعليها كلام طبعا
الخارجي انصحك بهمبل الرملي
تسعيرة الشغل انت وشطارتك
انا مثلا اجيب عمال يصبغون لي اتحاسب معاهم شغل اليد ب 4000 انا اجيب كل شي ك اغراض
اذا البيت جديد
اذا البيت مصبوغ من قبل اجيبهم على 3000
الصبغ الخارجي ما يبيلها فلسفه ولا حرفيه
اي واحد يقدر يشتغله حتى لو انه فيتري او حارس عماره
التعديل الأخير تم بواسطة مضارب دوسري ; 25-02-2018 الساعة 09:28 PM
انا جربت جوتاشيلد من حول 3 سنين وكان وايد زين .. توفقت فيه بحدود 23 ريال للمتر عمالة ومواد وكانت شركة معطتني سعر 110 وشكلهم مانين علي وناويين يزيدون وحصلت شركة بحدود ال 80 ريال
جوتاشيلد يتكون من عدة طبقات منها بعد البرايمر رش بتشكيلة انت تختارها وبعدين طبقة صبغ وبعدين طبقة صبغ مع لمعة خفيفة تعكس الشمس
لو تحب تشوف صور الشغل حطيتها في موضوع أخطاء الصبغ بتحصله بعد حول 7 صفحات ويمكن أكثر
باتفرغ إن شاء الله باشوفه لك
سو بحث باسم الإخت sweet qatar هي كاتبة الموضوع وانا مشارك فيه
وعن السعر انا سواه لي مقاول اعرفه من زمان ومسكين حسيت إنه تورط لأن الشغلة مب سهلة وأكيد شامل كل شيء .. اتوقع لو تبيه بتحصله بحدود 80 وفوق ألحين .. الرملي بدون إزالة وتأسيس لتسويه لأن بيخرب كل شيء وبيبين القديم مبقع
الجوتاشيلد طبقة الرش تغطي أي كراك وتعطيك نسبة عزل حراري كذلك وانصحك بدرجات الأبيض