الشي اللي استغرب منه انه اسعار البترول عندنا صار قريب جدا من اسعار البترول في امريكا (مع العلم هم يستوردونه من الشرق الاوسط وزد عليه تكاليف النقل والتخزين)المشاركة الأصلية كتبت بواسطة SouthK
سعر الجالون في شرق امريكا هو 2.530 دولار
سعر الجالون في غرب امريكا هو 3.130 دولار
سعر الجالون عندنا في قطر هو 2.030 دولار
المشكلة انه طلعت اشاعات كثيره انه ممكن يوصل 4 ريال قبل 2020 ..... يعني البترول عندنا بيصير اغلى من امريكا!!!!! شلووووون!!!!
نسيت احط المصدر
https://www.eia.gov/petroleum/gasdiesel/
سعر الجالون يختلف من محطة لمحطة وهذا أكيد معدل .. هناك السوق مفتوح وفيه منافسة من قبل شركات عالمية والسعر كذلك شامل كم ضريبة ولازم يخضع لقوانين حكومية وقوانين ولايات محددة .. هناك عندهم فدرالي ومحلي
لو نفكر فيها بطريقة ثانية يتم بيع البرميل ب 63 دولار + أو - والبرميل يحتوي على 42 جالون .. يعني يطلع لنا الجالون خام بسعر 1.5 دولار يبقى لنا حول نص دولار تكاليف التكرير والتوزيع وهي معقولة وأتوقع مدعومة والحكومة معتبرة سعر أقل للبرميل للاستهلاك المحلي
أتوقع الحكومة محددة حدود عليا للارتفاع وما يصير نشوف سعر اللتر 4 أو 5 ريالات لو وصل البرميل ل 120 دولار مثلاً الا في حال صار مبلغ 120 دولار مساوي لل 60 دولار كنسبة تضخم .. كذلك لازم تكون البيئة المحلية مهيأة لإستخدام الريل في الوقت القريب واللي متأمل يكون سهل الاستخدام وممتع للكل حيث بدأنا نشوف بوادر بوابات المحطات العملاقة المنتشرة حول الطريق .. فصرنا نشوف عدة بوابات حول التقاطعات لسهولة الوصول وأتمنى نشوف مواقف كفاية في هذي المحطات لتسهيل وقوف السيارة فيها وركوب الريل لأي وجهة معينة
كانوا مجهزين لمحطة قرب بيتي بس وقفوا العمل فيها وفي توسعة الحديقة كذلك ولا ادري الى متى والخوف تكنسلت هذي المحطة بالكامل
معدل متوسط الضرائب على البترول في أمريكا حوالي 0.50 دولار/جالون( حوالي 1.8 ريال للجالون)
متوسط سعر الجالون في أمريكا حولي 2.5 دولار( 9.1 ريال/جالون).
لو خصمنا الضرائب بيكون السعر دولارين للجالون(7.3 ريال للجالون) يعني تقريبا نفس اسعارنا مع ان هناك السعر يشمل تكلفة الشحن !!!
اشولون البترول مدعوم من الحكومه والسعر تقريبا نفس اسعار امريكا؟؟؟
الكلام هذا اللي قاعدين تتناقشون فيه بالاسعار بينا وبينهم مامنه اي فايده للمواطن هنا في قطر.
السؤال هو ماهي الحلول لهذا الموضوع .قصدي ارتفاع البترول شهريا؟
صحيح انها نسبه ارتفاع بسيطه فالشهر ولكن على المدًى البعيد من سنه الى سنتين اعتقد ان الاسعار بتكون كارثيه اذا استمر الارتفاع بهذه الطريقه.
شكرا
امريكا وقفت استيراد البترول من 3 سنوات
لا و صارت تصدر بترول ايضا
وهذا اللي خلى الاسعار تنهار سابقا
لانك خسرت عميل لاوبك يشتري + هالعميل صار يصدر مثلك مثله فزاد العرض وانخفض الطلب
النفط الصخري كان تكاليف استخراج البرميل 80دولار ف لذلك امريكا ما كانت تستخرجه
طوروا التكنولوجيا وصار يكلف عليهم حاليا 40_45 دولار للبرميل
وناويين يطورون اكثر مستقبلا ليزيد هامش الربحيه عندهم
طبعا فالخليج التكاليف اقل من 10 دولار واحيان تصل 8
ولكن الميزانيات هي اللي تجبر الدول انها تضع ميزانياتها على اساس سعري 48 في قطر مثلا
وغي بعض الدول الاخرى 60 _65 دولار
لما كان سعر البترول 40 كان سعره عندنا 1.60
الان 70 وسعره عندنا 1.95 ريال
اذا وصل 100 يكون سعره 2.30 ريال
نتمنى من الدوله الالتفات على الاقل لاصحاب الدخل المحدود اهل الضمان والمتقاعدين وصرف علاوه لهم 1000 ريال
التعديل الأخير تم بواسطة مضارب دوسري ; 02-03-2018 الساعة 11:41 AM
الدعم انشال من يوم قالوا بيكون حسب الاسعار العالميه واعلنوا عن ذلك
معدل متوسط الضرائب على البترول في أمريكا حوالي 0.50 دولار/جالون( حوالي 1.8 ريال للجالون)
متوسط سعر الجالون في أمريكا حولي 2.5 دولار( 9.1 ريال/جالون).
لو خصمنا الضرائب بيكون السعر دولارين للجالون(7.3 ريال للجالون) يعني تقريبا نفس اسعارنا مع ان هناك السعر يشمل تكلفة الشحن !!!
اشولون البترول مدعوم من الحكومه والسعر تقريبا نفس اسعار امريكا؟؟؟
كان الاجدر ان يكون السعر
1.50 ريال للتر مادام الاسعار العالميه فوق 60
1.80 مادام السعر العالمي بين 40_60 دولار
2.10 ريال مادام السعر العالمي اقل من 40
يعني اذا ارتفع السعر والدوله مرتاحه يتم ثابت وبسعر 1.50 للتر
نزل عن السعر اللي محددته الدوله يزيد على المستهلك عشان يشارك الدوله في العسر
او ان تختصرها الدوله وتضع علاوه لكل مواطن 1000 ريال شهريا وترفعه لين توصله 2.30 عادي
التعديل الأخير تم بواسطة مضارب دوسري ; 02-03-2018 الساعة 11:42 AM
الله يعيننا ويعين أصحاب الدخل المحدود، لكن أكيد الموضوع مدروس
لكن الحل بالنسبة لنا أن نقلل طلعاتنا ونستخدم سيارة وحدة
انا سيارتي صالون واول مرة اعبي ب100 ريال
الحمدلله
ضوابط المشاركة
رد مع اقتباس