ابي اسماء مطاعم بحرية ممتازة ومب غالية

**كشمه** · 22-03-2018 10:49 AM

انتوا ماتعرفون تاكلون

جربوا مطعم سنيار في ام صلال محمد

او مشوار الخليج في غزه

وممكن

"بيت امي الكويتي " حلوه حمساته

ومستر برياني - برياني الربيان

بالنسبة لي مطعم ياسمين التايلندي في سوق واقف ونوقف !

**معماري قطري** · 22-03-2018 05:35 PM

المشاركة الأصلية كتبت بواسطة النهار

اووووووووووه ايام كنت زبون دايم عنده يوم كان في شارع النصر

ولد خالتي الله يغفر له مأسسه

حتى كراسيه مسوينهم محل تنجيد كان له وباعه قبل ليطلع من شارع المرقاب

اللي يدل مكانه الجديد يدليني وشاك يمكن يكون ياسمين اللي في سوق واقف بس سوء وائف هيدا ما بعرف كيف أروح له

**بوخالد911** · 22-03-2018 10:18 PM

السمك المفضل بشارع النصر
عليك بصالونة الروبيان
وخذ لك ميكس هامور مع روبيان مشوي

شي من الآخررررررررر

**بـن عدوان** · 28-03-2018 02:58 PM

اشكركم يالربع ماقصرتوا

بمر عليهم واحد واحد ونجرب

**ورد الدوحه** · 02-04-2018 10:14 AM

انا طايحة هالايام في مطعم أسماك الخليج في بوهامور مجابل مانغو طلعت
لذيذ والله واسعاره معقولة
بس اعتقد مافيه جلسه داخل
انا كله تيك اوي

الموضوع: ابي اسماء مطاعم بحرية ممتازة ومب غالية

أدوات الموضوع

عرض

ضوابط المشاركة