تعديل أسعار خدمات Ooredoo اعتباراً من 5 ابريل الجاري

[shadad]

عميلنا العزيز، سعياً منا للارتقاء بجودة خدمات البرودباند الجوال غير المحدودة التي نوفرها لك، يرجى الملاحظة بأنه اعتباراً من تاريخ تجديد باقتك القادم، سيتم تعديل سعر خدمة البرودباند الجوال غير المحدودة لديك من 400 ر.ق ليصبح 500 ر.ق شهرياً. المزيد في www.ooredoo.qa/tariffadjustments !

أنا شفت عميلنا العزيز استانست قلت بس .. أخيراً بيطلع منهم شي يبرد القلب
وآخرتها مزيدين الأسعار
امحق بشارة بس

نفس الشيء. استغربت مثلك قلت بقطعه اول ما يعدلون بالبيت الخط الارضي. صراحه مو مستفيد منه وايد. نص اليوم بالدوام وربعه برا او بالصاله. ما يسوى علي. والمشكلة السرعه باليالله توصل 50 او 60 . على الخدمه 4جي بلس والمعلومات المتوفره عليها والجهاز اللي المفترض انه يوفر السرعه والتغطيه اللي هي المفترض انها تككون محترمه المفترض ان السرعه اقل شي توصلي لي 120 ميجا بت اقل شي.

[monatee]

حراميه حراميه حراميه

واختها الثانيه نفسها

ولازالت الاسعار غاليا جدا
واعتقد احنا اغلى دوله في العالم لسعر الانترنت الجوال
والخدمه مقابل القيمه زززززززفت

مايقهرني الا وناستهم واحتفالاتهم بخدمه 5 جي
انتوا بالاول خلوا ال 4 جي يوصل لكل المناطق وبسرعه عدله مثل الناس*

وللعلم مافي شي عند اوريدو وفودافون انترنت غير محدود

كله محدود تحت مسمى استخدام العادل .. لما يوصل العميل ل 50 جيجا تحميل ، تقفل عنده الخدمه ويتم تنزيل السرعه حتى الفاتوره القادمه

[monatee]

اوريدو الكويت عندها باقات انترنت حجمها 100 جيجا و 500 جيجا
واسعارها على 200 ريال و 300 ريال

وعندنا يقولك 50 جيجا استخدام عادل في الغير محدود
وسعرها 500 ريال

[shadad]

اوريدو الكويت عندها باقات انترنت حجمها 100 جيجا و 500 جيجا
واسعارها على 200 ريال و 300 ريال

وعندنا يقولك 50 جيجا استخدام عادل في الغير محدود
وسعرها 500 ريال

بالضبط ..

[الدوحه1]

أسعار باقة الانترنت في الدول الاسيويه والخليج(ديسمبر 2017)

[الحاقول]

من الأفضل ان يكون العنوان
زيادة أسعار خدمات Ooredoo اعتباراً من 5 ابريل الجاري
وليس
تعديل أسعار خدمات Ooredoo اعتباراً من 5 ابريل الجاري
لان التعديل قد تعني انخفاض الأسعار وليس الزياده

[وحيد-الشوق]

الناس تنزل الاسعار وهم يرفعون الحمدلله والشكر مب صاحيين

[السيف5]

اوريدوا مفتكرينا بقرة حلوب
ليش زيادة الاسعار هذه ...لابارك الله في من اتخذ هذاالقرار اللي يقهر
حتى التجوال الدولي مخفضينه 1 جيجا ليش عاد

امحق قرارات صج طماعين ولاتهمكم الا مصلحتكم

[الحياة الخالدة]

لا وبكل قواة عين .. صار لهم يومين حارقين علي الجوال وانا مطنشتهم
آخر شي اليوم يوم لوعوا جبدي رديت إلا تقول الموظفة : أنا من قسم التسويق أبي أعرض عليج باقاتنا .. عندج دقيقتين ؟؟!!
قلت لها : مشغولة .. قالت يناسبج أكلمج المساء ؟؟ قلت لها أنا على طول مشغولة قامت شكرتني وسكرت

الحين من زين خدماتكم من زين أسعاركم .. يا ويه استح .. لكم ويه بعد تعرضون علينا نشترك أكثر ما احنا مشتركين .. وانتو توكم رافعين الرسوم

[qatarman8008]

ليش زيادة الاسعار لان الناس مضطرين يستخدمون انترنت..