ايش رأيكم : تراخيص مهنية للعمال

[بوخالد911]

عن نفسي
أفضل التعامل مع آسيوي
ولا أتعامل مع العربي.

[SouthK]

عن نفسي
أفضل التعامل مع آسيوي
ولا أتعامل مع العربي.

الاثنين حراميه يا الغالي!

[Riku3]

الي اشوفه ان مراقبة الشركات وتحركات عمالتها خلال وخارج اوقات الدوام او الشركات الوهمية الي تقط عمالها في الشارع او العمل لدى الغير اهم من وضع تراخيص مهنية .

مرات ننصدم بالواقع الي يمنع مثل هالفكرة .. في 2012 تعاقدنا مع شركة متخصصة ومصنع في الهند وبغينا ندخل في بعض الامور المتخصصه وحصلنا فرصة في مطار حمد .. بس للاسف وزارة العمل رفضت طلب فيز العمالة الهندية ! ..

حتى بعد ما رحت وقابلت المسئول وشرحت بالعقود وكل التفاصيل اني ابي عمال من الشريك الهندي مباشرة من المصنع لان الشغل متخصص ومحتاج عمالة متدربه !! ..

وبعد يوم تغير رفض فيز العمال ولكن الصدمه ان معطيني موافقات من سيرلنكا ومن النيبال ! .. يعني اكيد بتكون العمالة غير مدربة ولازم ادربها وما تدري الي بيجيك فاهم والا ما يفهم شي ..

وطبعاً بسببهم اختربت الشراكة وصار خلاف والموضوع وقف ولين اليوم رأس مال الشركة معلق في البنك لان التوقيع مشترك .. وسنين وانا اعاني مع المالية علشان موضوع الضرايب لين ما قدرت ادفع من كم شهر مع ان الشركة ما اشتغلت اصلاً .

اكثر العمالة الي تجيك من البلدان الاسيوية غير مدربة .. مثلاً تلاقيه طول عمره مزارع وما شاف سيارة .. وفجأة وكالة سيارات تجيبه ميكانيكي وتدربه على مواترنا هههههه .. وعادي يسافر بلاده وعقب يرجعلنا ويشتغل في المقاولات @_@ .