عقد الاجار

[الخيالة]

سلام عليكم
ممكن حد يساعدني اذا عندكم فكرة
احنا ساكنين في مجمع و من كم يوم سمعنا من الجيران ان نزلوا لهم اجار البيت لما اخوي راح كلمهم قالوا لنا انتوا مايصير الحين لان العقد مالكم ساري للحين انزين يعني مايصير مره ثانيه يسوون و يكتبون عقد يبتدي من هالفترة؟ الناس اللي ساكنين جنبنا بعد مب قدامي نفسنا من سنتين ساكنين ابي اعرف فعلا مستحيل ان يسوون عشان بس عقد بيتنا ساري؟ يوم رحنا نجدد العقد قالوا لاتجددون سنة يمكن عقب يرتفع الحين جددنا سنتين و طلعوا منزلين السعر حق البعض و حقنا يقولون عندكم ساري

[@north_star@]

شي طبيعي اذا العقد ساري مالكم حق بتنزيل قيمة الايجار الا اذا المالك يبي يغير العقد يقدر

[الخيالة]

مشكور اخوي ع الرد لان ماعندي فكرة عن هالامور و بغيت اتاكد

[MAZEN37]

المالك يقدر يساعدكم المهم توصلوا له وكلموه ووضحوا الامور واذا انتم ملتزمين بالاجار ان شاءالله بساعدكم وبغير العقد وبغير الشيكات اذا فيه المهم كلموا المالك لانه وكيل المالك اكيد ماراح يكون متعاون معاكم

[qatarman8008]

اذا المالك حب يساعدكم نعم ..
اما قانونيا فالايجار ماشي مدة صلاحية العقد..
طبعا من حقكم ان تكلمون صاحب المجمع وتطلبون منه ان ينزل لكم الايجار مثل بقية المستاجرين..

[بو خليفه 123]

ابلغوا المالك ابلاغ خطي قبل انتهاء مدة العقد ب 60 يوم طالبين فيه تنزيل مبلغ الايجار . بما انه هو الان يمشي على القانون امشوا معاه على القانون .

الطلب شفهياً لا يؤخذ بعين الاعتبار