استفسار عام عن افضل عياده او دكتور/دكتورة اسنان

[Bo Turky]

السلام عليكم ورحمة الله وبركاته

اسفسار عام بخصوص العيادات ودكاترة الاسنان وخاصه من المجربين

عندي كذا ضرس يبيلهم زراعه وابغي اسوي باقي الاسنان فينيل او تركيب

اللي مجربين الفينيل والتركيب ممكن يعطوني رايهم في شنو الافضل

وشنو افضل ماده ك كواليتي لان سمعت ان في كذا ماده لتصنيع التركيبات

وبغيت اعرف افضل واشطر دكاتره في قطر في هالمجال وما تكون اسعارهم مبالغه

ان شاء الله انا شهر 9 الجاي مسافر لندن دراسه 4 سنوات وبغيت احل مشاكل اسناني من
الحين قبل لا اروح وخاصه هناك العلاج يكلف الكثير ومن سنتين سويت حشوه هناك ب 600 باوند
فقلت اسوي اسناني هني كلهم وادفع 40 او 50 الف وارتاح

ممكن نصيحه منكم وخاصه من المجربين واسف على الإطاله

وربي يوفقكم ويحفظكم جميع

[مالي عذر منك]

والله من كثرتهم تحتار فيهم
ولله الحمد مالي تجربة افيدك فيها
بس سمعت يمدحون مركز الخراشي
بس يقولون غالي

[sara jsm]

وعليكم السلام اخوي ..
عن نفسي ومن خلال تجارب احب اروح عند الاطباء الهنود في اي عيادة مايهم ..
بس هالجنسية وااايد شطار في الاسنان ..
تقدر تروح مركز نسيم الربيع للاسنان صوب السوق المركزي وتسال عن الاسعار ..
كل اطبائهم هناك استشاريين وجراحين حق الاسنان ..
وبالتوفيق ان شاءالله .. ماعليك شر

[Qtr37]

كثير منهم تجاريين

افضل مكان وانظف مكان رميلة حتى لو المواعيد تطول..

[aloosh]

انا عن تجربة جربت كنج لاني بسوي زراعه شلت اسناني اللي فوق كلها وبعضها متكسر ومتساوي معا لثه شالهم كلهم بدون ما احس بشي
دكتولر فوق العياده رقم 3 هندي

المكان عند دوار السويدي المعيذر الجنوبي

[عطر فرنسي]

افضل مكان مستشفى أستر الهندي

[عابر سبيل]

للزراعة لنا تجربة مع عيادة الاسنان
في مركز المغربي..
و تحديدا
د.شاربل (لبناني)..

لنا ثلاث تجارب..
انا و اهلي..
و جربه صديق لي..

و على مديات متفرقة..
يعني انا من ظ4 سنوات
و صديقي عقبي بسنة..
و الاهل السنه الماضية..

كلها كانت تجارب طيبة
و الحمد لله..

[بو خليفه 123]

للزراعة لنا تجربة مع عيادة الاسنان
في مركز المغربي..
و تحديدا
د.شاربل (لبناني)..

لنا ثلاث تجارب..
انا و اهلي..
و جربه صديق لي..

و على مديات متفرقة..
يعني انا من ظ4 سنوات
و صديقي عقبي بسنة..
و الاهل السنه الماضية..

كلها كانت تجارب طيبة
و الحمد لله..

أنت من بعد ماسويت ابتسامة هوليود عند مسيو شربل و أنت منت بالأولي

اشتقنا لك يا غالي


من ناحيتي اشوف العيادات التابعه للمركز الصحي ممتازه . والله يعزهم ولا يعز عليهم

[Bo Turky]

يعطيكم العافيه جميع على الردود وتجاربكم مع الدكاتره

والله ودي اسوي في الرميله بس مواعيدهم تتأخر وانا شهر 9 ان شاء الله مسافر دراسه
وابغي اسويهم كلهم واخلص خلال شهر او شهرين بالكثير

[qatarman8008]

مركز شام ممتاز..
دكتور اوس..