حسن الساعي مغرد عن التامين الصحي

[بوخميس]

انتوا مب متابعين

اليوم صفحة كاملة في جريدة الراية عن هالشركة

حسن الساعي الظاهر قاعد يسو دعاية ويمكن مدفوعة

[يمامـة]

حسن الساعي وتغريدته عن التأمين الصحي تبتدي 30 ابريل ،وتغطيه علاج بالخارج على التأمين ،،الكلام صحيح ولا مثل العاده بيع حجي

التأمين الصحي المذكور في تغريدة الساعي..

هو تأمين يغطي 70% من تكاليف العلاج باشتراك سنوي بسعر 500 ريال للفرد..

بمعنى ان الشركة هذه تأمن فيها باشتراك سنوي 500 ريال دافعها دافعها
سواء مرضت و لا ما مرضت..

و اذا مرضت لا سمح الله راح تدفع عنك الشركة 70% فقط من كل مرة

يعني عانيت من تعب كلف تشخيصك و علاجك 1000 ريال هم بيدفعون عنك 700 و انت تدفع باقي الالف
و اللي هي 300 ريال..

سويت عملية مثلا كلفتك لاخر يوم في المستشفى 100 الف
هم بيدفعون عنك 70 الف و انت بتدفع 30 الف ..

الحين مثل هالعرض قد يسيل لعاب المقيمين.......> اذا نسوا الخدمات الصحية و الطبية الحكومية..

لكن بالنسبة للقطري..

منهو هالقطري العاقل اللي بيترك الخدمة الصحية الراقية و المرفهة في الحكومة علشان
يشترك بتأمين يدفع هو 30% من قيمة علاجه؟

عني بعد ملاحظتي و تسجيلي اعجابي و امتناني بالخدمات الكبيرة و العظيمة و المرفهة في الحكومي
مستحيل افضل الخاص عليهم و انا عندي التأمين اللي يغطي لي كل علاجي و ما ادفع فيه ريال
و ما بالكم اني اشترك و ادفع 500 ريال و فوقه ادفع 30% من قيمة علاجي..

فنصيحة لله.. استمتعوا بالخدمات الصحية و الطبية الحكومية فالدولة الله يعز حكومتنا
و يعز اميرنا و لا يعز عليه.. ترانا عايشين في عز و خير و علاج و اهتمام ما بتلقونه في أي مكان ثاني..

[Riku3]

^
مب صحيح انها 70% لكل شي .. محدده بنسب مختلفة على حسب المرض والمركز ونوع الخدمة .. وتنزل لين تغطية 20% او حتى 10% من القيمة فقط .. واكثر الاحيان لو طلبت من الدكتور مباشر بتحصل نفس هالخصم لو مب اكثر .

للاسف نشر مثل هالموضوع احسه دعاية لا اكثر .

[يمامـة]

^
^
^
^
^

ما عندي فكرة عن باقي تفاصيل التأمين هذا.. و لكن
وضحت ما هو مكتوب في تغريدة الساعي..

في الأخير ما اشوف أي دعاية في الموضوع
بدليل ما في أي تشجيع للمشاركة في التامين هذا..

الإشكالية ان الناس ظنوا ان التأمين الحكومي رجع و الإعلان
هذا مب للتأمين الحكومي..

فعلى أي شخص حاب يشترك انه يسأل و يقرأ العقد و الالتزامات المالية
و الامراض اللي بيغطيها التأمين..

و شكرا لك..

[الدوحه1]

انا شفت السعر 500 ريال سنويا قلت يابلاش !!!!

ولكن للأسف نسبة التغطيه "للعلاج" لاتتجاوز في المتوسط ال 30% (من 10% الى 35%)؟؟

مركز واحد فقط نسبة تغطية العلاج 50% !!!

[يمامـة]

انا شفت السعر 500 ريال سنويا قلت يابلاش !!!!

ولكن للأسف نسبة التغطيه "للعلاج" لاتتجاوز في المتوسط ال 30% (من 10% الى 35%)؟؟

مركز واحد فقط نسبة تغطية العلاج 50% !!!

يعني مسويين نفس سالفة إعلانات التنزيلات
يكتبون تنزيلات تصل الى 50% تدخل المحل تلقى خصم ال 50% بس على شي واحد و مب مرغوب..

[جبر ال جبر]

ترى مثل هالدعايات ضحك ع الذقون انا من غير أي شي يعطوني هالخصم ,, الشرهه مب عليهم الشرهه على بعض الاعلامين الي يرجون لشي وهم مب عارفين تفاصيله مما شكل لبس للجميع يليت يكون محاسبه لهم قبل غيرهم

[ورد الدوحه]

مع احترامي حق اللي حاط التغريدة
كل جماعة السوشيل ميديا همهم الفلوس
والشهره
زيادة الفلورز
وكل أخبارهم اخرطي
واحنا مصدقينهم ونراكض وراهم
الله يهدينا بس

[غايه الطواش]

حسن الساعي وايد يتسرع فالامور
وكانه الموضوع سبق صحفي

[ورد الدوحه]

اليوم من الصبح امغرد عن الفيمتو القطري روعه انه نزل

رحت جمعية جيان حياة بلازا قالوا مانزل شي