عندك فلوس ماتبيها! ادخل السوق وبتخسرها

[محمد بن أحمد]

السلام عليكم ورحمة الله وبركاته

[جبر ال جبر]

صدقت...

[تاجر كشخة]

عندك فلوس ادخل الان بشرط الاسهم الي تحت ال 9 ريال وخلهم كاستثمار طويل المدى سنتين الى خمس سنوات السوق فرص والي ما يغتنم الفرصة يندم بعدين

[atiq]

كلام غير صحيح

[محلل منطقي]

وجهة نظري الابتعاد عن هذا النوع من طلب النصح
لاحظت الفترة الاخيرة ناس يسالون عندنا فلوس وين ندخل ؟ .. هذي فلوسك تسأل الناس وين تدخل ؟ لو تسأله عن السوق بيكون جاهل

اما عن فكرة ان فلوس فايضة وودخلها السوق .. السوال من هو الشخص الي بيدخل فلوس ؟ عنده دراية بالبورصة من كل النواحي ؟ ولا لانه عنده فلوس ويدخلها بكل جهل فالبورصة ؟

الموضوع مب سهم ترا .. فالنهاية الي مايتعامل مع السوق كتجارة محترمة ماراح تحترمة

اذا الشخص مايعرف وين يحط فلوسه مصيبة

باختصار المطلوب من الشخص اولا يعرف كافة التفاصيل بالنسبة للمضاربة والاستثمار في سوق الاسهم


اما الي يقول البورصة تخسر او محرقة اموال .. فتأكدو ان هو تسبب في حرق امواله او خسارتها
بالتوفيق

[mohd.talat]

السوق صحيح تعبان ولكن هذا شيء ايجابي لو قارنت عائد شركات قطر بامريكا اكبر سوق بالعالم العائد مقابل السعر افضل لكل شركات قطر. اذا الهدف استثمار طويل فاتوقع بورصة قطر ممتاز والافضل عربيا بالوضع الراهن.

[محلل منطقي]

السوق صحيح تعبان ولكن هذا شيء ايجابي لو قارنت عائد شركات قطر بامريكا اكبر سوق بالعالم العائد مقابل السعر افضل لكل شركات قطر. اذا الهدف استثمار طويل فاتوقع بورصة قطر ممتاز والافضل عربيا بالوضع الراهن.

ترا اغلبهم مضاربين

والي يقولك مستثمر يا خسران .. او فعلا خذ بسعر مناسب وهذول اقلية ..

الي يبي يشتري سهم يدرسه من الجانب المالي والفني وعقب يتوكل على الله

[نمر بن عدوان]

كلام صحيح للي يدخل ويطلع على عماها.

[alshammari]

نعم كلام صحيح للي يجهل السوق

واللي يفهم بالسوق طلع ارباح ممتازة جداّ

[مساهم متدرب]

في المضاربات ، دائما بيكون في رابح وخاسر ، الرابح ياخذ ربحه من الخسران ، لأن المضاربة وسيلة لانتقال الأموال وليست عملية انتاجية