تحذير من مركز q dent للاسنان

[طلعة الروح]

السلام عليكم...

احب اقولكم تجربتي مع مركز الاسنان المذكور وموقعه في شارع الوعب مقابل فيلاجيو اللي يطالعه من برع يقول مافوقه فوق.
اول شي انا دخلته ع اساس اني مستعجله وابي اغير حشوة اسناني طبعا انا اول مره اشوف هالمركز وماكنت سامعه عنه وبالصدفه ادخله لكن للاسف واضح ان طاقم الطبيبات اللي فيه جديدات على المهنة وقاعدين يجربون ويتعلمون في اسنان المرضى.. اول جلسه غيرت لي الحشوه الدايمه وهو سن مشيول منه العصب اصلا وتمت فوق الساعتين تشتغل وعقب ماخلصت شغلها حسيت ان الحشوه كانت خشنه رجعت لها ثاني يوم لاني ماكنت مرتاحه ع الحشوه وملمسها قامت قالتلي بضيف لج زيادة حشوه طبعا يوم ضافت لي قمت صرخت لان الحشوه صارت كبيره وقامت تضغط ع الاسنان المجاورة واللثه تنزف قتلها شيليها الحين قامت من الخرعه تشيلها وعقب ماشالتها جابت الجهاز اللي ينعم الحشوه ونعمت لي الحشوه وسطح السن الامامي من الخلف صار ملمس السن من الخلف انعم من الاسنان الاخرى طبعا انا معصبه من الاجراء وعرفت ان الاجراء غير صحيح وان المركز ذي دكاترته اي كلام وخاطري اشتكي وطبعا العلاج ع التأمين وانا هالشي مايهمني قد مايهمني ان شغل الدكاتره مش مضبوط بهالمركز واخاف اروح لها مره ثالثه وتخرب لي شي ثاني....

حبيت ابلغكم ان محد يعالج اسنانه عند اي مركز مش معروفه سمعته ولا شغله لان هاذي اسنان مب لعبه ولا يغتر بشكل المركز من برع ولا موقعه قبل مايسال ويستفسر... وانا الحين افكر اروح عند الدكاتره اللي اثق فيهم ومتعامله معاهم من قبل عشان اصلح اللي خربته لي الدكتورة الهندية في مركز كيودنت. اعترف اني استعجلت في اختيار مركز علاج عشوائي نفس هذا والله المستعان..

وعلى فكره لحد يقولي هاي تشهير في المركز لان المركز ماعرف يختار الدكاتره الخبرة اللي يشتغلون صح ويعرفون شغلهم من اول جلسه بدون ماتضطر تراجعهم وتعلمهم شغلهم نفس ماصار معاي وانا عارفه ان اجراء الدكتورة غلط من واقع خبرتي
وشكرا لمروركم.