مشكلة في بلاط الصاله ومتوهق

[PGR]

السلام عليكم ، صارلي فترة من عقب ماسكنت سنتين تقريبا وبورسلان الصاله قام يطلع من مكانه تركيبه زيرو جوينت، البلاط متركب على صبيات خرسانه بالصمغ المخصص، امس اشوف وصل لين المجلس وفي ثلاث بلاطات منكسره والمشكلة هالبلاط مب متوفر لانه كان بالطلب وحتى لو بطلب الشركة ماقامت توفر هالالوان، حد يفيدني الله يجزاكم خير لاني متحير من الموضوع

[لمت اب]

عليك يالاستشاري
هو المسؤل ؟
الله يعينك تلف السوق وتجيب بلاط مقارب

[Azizuk]

الله يعينك

بالنسبة لمعالجه المشكلة مثل ماقال اخونا لمت اب أدور لون مقارب

الحل الثاني تعمل تشكيلة في البلاط ،،،،، يعني تشيل بعض البلاط وتعمل تشكيلة براويز مستطيلة وبنوع ولون اخر

أتوقع المشكلة لانه تركب زيرو جوينت ونوع مادة الغراء ماكانت مناسبة

أو

ان في اعمال حفر جنب بيتك أدت الى تحرك البلاط أو ان اعمال حفر المترو مار تحت بيتك

في نوع غراء يستخدم للأماكن الارضيّة المتحركة ،،، يجي على شكل لزج مطاطي ويستخدم لابلاط المقاسات الكبيرة

وفي نوع يخلط بمواد كيميائية يعطيعها قوى اكثر

على العموم يوجد كثير من الحلول ان شاالله باقي الأعضاء يفيدونك فيها

اخونا معماري قطري صارت معاه من كم شهر نفس مشكلتك وطرح علينا مشكلته وعالج المشكلة ومعماري ماراح يقصر معاك عنده الخبره مهندس معماري واشترك في العديد من مشاريع الدولة

ممكن ترجع لمواضيع السابقة لخونا معماري قطري راح تحصل منزل موضوع لهاذا الخصوص مع الصور

[معماري قطري]

صارت معي نفس المشكلة والمشكلة كان فلم رعب وفجأة قامت عدة بلاطات كبار متر وعشرين في ستين سنتيمتر وكانت بصوت قوي خرع عيالي وهم في الصالة

الحل كان بازالة غالبيتها وتنظيفها وإعادة تركيبها بمونة جيدة خذت العملية حول ست ساعات ومبلغ بسيط

المشكلة بعض البلاطات تقوست من الضغوطات الحرارية وبقت شوي مرتفعة من طرف معين لكن حالها ماشي

وصارت معاي بعد ما يزيد عن عشر سنين واتوقع حلها بترك فاصل تحت النعلة للتمدد وملئه بماستك او سيليكون

الله يعينك ويوفقك ولو تبي رقم الاشاوس اللي صلحوا عندي موجود

[PGR]

مشكورين الجميع على الردود بس جبت المقاول اللي ركبلي وقالي هاي اثار هوى طلع من الارض ممكن يصير لانه الدفان في الاساس ما كان مدكوك عدل وانه الكشره مانشالت كلها فيصير هالشي,, قلتله له خلاص شوفلي حل ردهم مكانهم

اخوي معماري انا ماعندي اللي عندك البلاط عندي اصلا ماتقدر تشيله من كثر ماهو لازق في الارض

[بوخالد911]

الله يسهل عليك.

ما قصروا الاخوان بالردود الطيبة.

[معماري قطري]

مشكورين الجميع على الردود بس جبت المقاول اللي ركبلي وقالي هاي اثار هوى طلع من الارض ممكن يصير لانه الدفان في الاساس ما كان مدكوك عدل وانه الكشره مانشالت كلها فيصير هالشي,, قلتله له خلاص شوفلي حل ردهم مكانهم

اخوي معماري انا ماعندي اللي عندك البلاط عندي اصلا ماتقدر تشيله من كثر ماهو لازق في الارض

سهل الله يسلمك شيله عند العمال المختصين وحتى تنظيفه من المونة اللي لاصقة فيه وعن تجربة حديثة

انا توقعت الشغل بيحتاج فترة طويلة لكن اثنين وخلال ست ساعات خلصوه وكان يحتاج تنظيف وفك بعض البلاطات بدون كسرها خذ وقت وشوي شوي بمطرقة ربر وبسكين خاصة تم فكها .. وحدة انكسرت شوي بس احتدينا نركبها وهي مكسورة والبلاطات وزنها كبير وصعب شيلها الا شخصين يشيلونها

نفس الوضع اللي مركب على دفان والا على خرسانة .. اللي على دفان لو انكشف الدفان بيوصخ البيت ويمكن أسهل للفك لأن بيشيلون البلاطة مع المونة اللي لاصقة تحتها وبيزيلون المونة في الحوش

أنصحك تشيل البلاط كامل وتتأكد من التمديدات الكهربية وتشيل حتى الدفان وتسوي بداله كله اسمنت بدون أي دفان ولو تحت تدك وترتب حق صبية بسمك مناسب 10 سم أو أكثر حسب المساحات عندك وبعدين تركب على الصبية الخرسانية .. الشغلة ممكن اتمامها في يومين أو ثلاثة بس تحتاج تنتظر تجف الخرسانة أو تطلب نوع خاص من الخرسانة قليلة الماء ولا تحتاج ترشها بالماء وفيها مواد مقوية ومضادة للتشقق

[لطيف الروح]

مشكورين الجميع على الردود بس جبت المقاول اللي ركبلي وقالي هاي اثار هوى طلع من الارض ممكن يصير لانه الدفان في الاساس ما كان مدكوك عدل وانه الكشره مانشالت كلها فيصير هالشي,, قلتله له خلاص شوفلي حل ردهم مكانهم

اخوي معماري انا ماعندي اللي عندك البلاط عندي اصلا ماتقدر تشيله من كثر ماهو لازق في الارض

اولاً لو المشكلة من الدفان كان صار عندك هبوط في البلاط و الخرسانة المركب عليها
ثانيا مافيه شي اسمه هواء طلع من الارض و اعتقد والله اعلم ان المشكلة في التركيب مادام هذا كلام المقاول

[معماري قطري]

اولاً لو المشكلة من الدفان كان صار عندك هبوط في البلاط و الخرسانة المركب عليها
ثانيا مافيه شي اسمه هواء طلع من الارض و اعتقد والله اعلم ان المشكلة في التركيب مادام هذا كلام المقاول

كلامك صحيح 100% والمقاول أكيد يبرر وحتى الاستشاري لو عربي لازم بيبرر تبريرات غير منطقية

عن اللي عندي انا السبب واضح استعملوا لاصق قليل ويمكن بعض البلاطات حطوها بدون شيء .. وإحتمال الحفريات والهدم قريب من بيتي كان لهم تأثير خصوصاً خط الريل مار تحتنا

ميزة اللي يحط خرسانة بدون رمل يكون عنده المكان نظيف وسهل يشيل البلاط ويبدله لأي شيء ثاني حتى الباركيه ممكن يركب مباشرة على الخرسانة وحطيت صور وقتها للي صار والشغل اللي تم في أحد المواضيع هنا من حول سنة تقريباً