السلام عليكم
اخواني ايش رايكم بجهاز
Orbi Wi-Fi NETGEAR
من
Ooredoo
هل هو قوي في ويستاهل ....افيدونا للي ج
السلام عليكم
اخواني ايش رايكم بجهاز
Orbi Wi-Fi NETGEAR
من
Ooredoo
هل هو قوي في ويستاهل ....افيدونا للي ج
أخوي فالبيت عندنا السرعه 300 بس الي يوصلك عالأغلب 200 و مرات 150 لأغلب الأجهزة و فالبيت كله.
كنت بشتريه من النت لقيت سعره فالدوحة ارخص من الباقي قد يكون فامريكا ارخص بس البلك غير.
شريت الكت الي يجي راوتر و ستالايت و اقترحت عليهم طبعا رفيجك اصمخ لأنهم يبيعون الكت rbk50 "راوتر و ستالايت واحد" و أغلب هل قطر اذا صج يبون الفايدة لازم يشترون rbk53 "راوتر و اثنين ساتالايت".
بداية تركيبه لوعه جبد و كنت معصب و ما كان يشتغل بس ثاني يوم قعدت عليه صح و اكتشفت اخطائي و ضايف 2 ستالايت و الحمد الله الحين البيت كامل يوصله الأرسال و الأمور طيبه مشكلتي معاهم فالسرعه بس, جبت 2 من موظفين اوريدو عندهم السرعه باجهزتهم اعلى من جهازي فيمكن البلا عندي البيت محد اشتكى بالعكس الكل مستانس و حتى التلفزيونات مشبوكه.
اذا البيت 3 طوابق انصحك عالأقل تاخذ الكت و فوقه 2 ستالايت, بتخسر من السرعه مادري ليش بس ما بتلاحظها وايد, عن نفسي اكون دايما اشوف اونلاين 4كي و غير انه عندهم عده اتصالات بنفس الوقت.
اول ما تركبه بيقولك استخدم الابلكيشن فالجوال النصيحه بتكون اول شي وصله فالراوتر الحالي عن طريق الـــEathernet cable و خل كل الأجهزة الستالايت بنفس الغرفه فقط للبرمجه و عقب وزعهم فالبيت على راحتك أول ما تغير الباس و اسم الشبكة و يكون كلشي ممتاز شيل القديم تماما و اشبكه فراوتر اوربي و استمتع
اشكرك اخوي على التوضيح ....
بس ممكن اتوضح اكثر كيف طريقة التركيب ؟
شكلي بصور و بحط الصور بعدين بس الحالي الخطوات.
الراوتر يتركب بالـــواير مع جهاز الوايرلس الحالي.
بعدها بنفس الغرفه او على بعد غرفه اخرى تركب كل الستالايتات الي عندك على حسب اقل شي بيكون عندك واحد و مافي اكبر عدد.
بعدها الرئيسي الراوتر بتلقى فيه اسم الشبكة و الباسورد.
تنزل برنامج على جوالك الأوربي و بيطلعلك كلشي شرط اول شي تشبك عليه.
و اهو بيسوي كلشي, اذا ما صار و الأحسن تفتح اللابتوب و موجود الموقع و كلشي مفصل فالشرح المرفق مع الأجهزة
اهم شي اذا شبكت النت و امورك طيبه الي تسويه انك تشيل الوايرلس القديم و مدخل الأنترنت تحطه فالأوربي و كان الله غفورا رحيم.
بعد حاول انك ما تسوي ابديت للفريم وير, و شوف السرعه اذا عالية ممتاز اذا لقيتها نازلة عقب سو ابديت للفريم وير.
يعطيك الف عافيه على المساعده
شكرا لك
شكرا لكم وعندي سؤال بخصوص Orbi Wi-Fi NETGEAR
يدعم تردد 2.4 و 5 ؟
كم اقصى مسافه بين الراوتر والستلايت تقريبا ؟
هل أقدر أضيف DNS و VPN ؟
آخر حبه للي تحبه
ما تعاملت مع الـــDNS و الVPN للبيت كامل علشان ما احط نفسي بمشاكل و بنفس الوقت عنندي اشتراك بفلوس و مرتاح منه.
عن ال2.4 و الـــ5 ترا ما تحس بالفرق إلا اذا قاعد تنزل ملفات كبيرة بحيث الـــ2.4 المسافرة اطول بس السرعه محدوددة إلى 100mbps بس اذا انت قريب و فمسافة الـــ5 جيجا هيرتز السرعات توصل قريبة جدا من اللي انت ماخذهذ من اوريدو احنا فالبيت 300ميجا و سرعه التنزيل اذا شابك على 5 جيجا اتكون حروة الــ270 ميجا و اذا على الـــEathernet 300 صافي بالظبط.
كله يعتمد على شكل و حجم البيت و الطوف تلعب دور كبير جدا جدا جدا الربع فشققهم او بيوتهم المفتوحه امورهم طيبه مع 2, احنا 4 و مع ذلك توه صاير ممتاز بعد التوزيع و السبب كثة الغرف و كل طوفة ما شاء الله نظام البنيان القديم كله مسلح و مقوى مو طابوق.
الحلو فالأوربي يدعمهم اثنينهم و تقدر تضيف للضيوف شبكه خاصه بس الأحلا انه في شبكه ثالثه بين الأجهزة فما تأثر عليك ولا انت تتأثر نفس الأجهزة الثانية الـــbackhull network ايضا يتكون من 5 جيجا بس اذا الستاليت بعيد يتحول لــ2.4 و يبين عندك فالموقع كلشي احسن من ابلكيشن الجوال