خزان الماي فوق السح

[معماري قطري]

السلام عليكم جميعا
اول شي الحمدالله على السلامة اخوي معماري قطر..

بخصوص القانون الجديد الصراحة ماعرف شنو الحكمة منه, وفعلا مثل ماتفضلتوا شكله بس مطبق على بعض البلديات مب الكل. بعدين موقع التانكي تقدر تغيره بعد البنيان لذلك انا مستغرب من القانون

انا افكر احط التانكي تحت الارض, بس احاتي الصيانة..

عليكم السلام ورحمة الله وبركاته

الله يسلمك ويحفظك اخوي بو جاسم

اللي في الحوش مع البرشر يكفي ما دامك خايف من الصيانة خله مكشوف في الحوش .. حتى تحت البيت لو بتسويه ذكرت تسوي مدخل ومكان واسع للصيانة ولو تبي تقدر تحطه ورا البيت حتى في ارتداد مترين يكفي بس لازم تمدد بيب 4 انش يوصل له من الشارع للدنكر لو دعت الحاجة ووصلة الماء بتكون طويلة ممكن ما توافق عليها كهرماء

تحت البيت في بيسمنت جزئي خدمي ذكرت المحاسن كلها ومنها كل بيباتك تكون مخفية تحت البيت في ممرات خدمية تقدر تشوفها وتعرف أي تسريب وين وتبدلها بسهولة لو مسوي دكتات للحمامات .. كذلك تتجنب قرب الحائط الخارجي سواء للصرف الصحي أو لتوصيل المياه بحيث تقدر تسوي دريشة عريضة لو حبيت أو تسوي جزء بارز من الحمام .. بعبارة أُخرى تكون عندك حرية معمارية أكثر

بعدين انت ما تكون سويت بيسمنت بالمعنى المتعارف عليه ارتفاع متر و70 يكفي وفيه خزانات مناسبة لهذا الارتفاع وبدون تشطيب اسمنت وخرسانات

بيوت الأُوروبيين والأمريكان غالبيتها معمولة بهذي الطريقة وفيها ما يسمى ب crawl space تحت البيت وهذي مساحة نازلة يدخل فيها الواحد يحبي على ركبته لتشييك الخدمات وصيانتها

عندنا نحفر غزير للأساسات ونرجع ندفن ليش ما نستغل جزء من اللي حفرناه لهذي الخدمات

[معماري قطري]

بعضنا يحفر مترين ويؤسس شيخسر لو ما دفن حول بعض الأساسات الوسطية وعمل درج نازل من الحوش لهذا المستوى وممرات بسيطة ويخلي الأساسات تبين تحت حتى يقدر يستغل أطرافها لبعض المعدات مثل صخان الماء .. يحتاج فقط يسوي صبية انشائية لأرضية الدور الارضي .. يعني البيسمنت الخدمي عنده بيكون مع حد الأساسات السفلي وتحت صبية الأرضية وبارتفاع بحدود متر و 70 سم يكفي للطول العادي

[Ahmedalhussi]

اظن الامر تجنبا لارتفاع درجة الحرارة وتاثر المياة بالمادة المصنعة للخزانات

[عضو قديم]

انا توني مركب خزان فوق السطح ظ،ظ*ظ*ظ* جالون وجاني مفتش اشغال ومفتش البلدية ولا حد قال شي

[معماري قطري]

هو فوق حل مناسب فوق بس في وجود البرشر والكهرباء مستمرة ما تنقطع نخليه تحت حتى لو محفور له في الحوش .. مثل الغرفة السفلية مع قابلية الدخول للصيانة .. وحتى تكون البمبات تحت والسخانات .. مب شرط تحت البيت .. اللي يبي يقدر يسويها في الحوش .. بعرض مترين وعمق مترين وطول حسب الحاجة والمتاح ممكن حتى 4 أو 5 حتى ممكن يستغني عن تبريد الماء لو ركب درام فايبر قلاس يفقد الحرارة أو أي مادة ثانية .. الروتومولد عازل للحرارة ولا يفقدها بسهولة يجي الماي حار ويبقى حار فترة طويلة