صفحة 1 من 5 123 ... الأخيرةالأخيرة
النتائج 1 إلى 10 من 41

الموضوع: تقرير وصور عن سفرة باريس - دوسلدورف - فرانكفورت - ميونخ

  1. #1
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560

    تقرير وصور عن سفرة باريس - دوسلدورف - فرانكفورت - ميونخ

    السلام عليكم ورحمة الله وبركاته

    غالبية الصور معمارية وهذا اللي أكثر شيء اشوف الجمال فيه مع بعض المعلومات المفيدة بإذن الله

    سافرنا يوم 22/4 على ما اعتقد أو قبل او بعد بيوم على القطرية الى باريس .. بسبب سهولة حصول الفيزة لفرنسا وما حبيت اخالف واحرج نفسي أو اطيح في مشكلة .. هالمرة هذي الأُولى اللي نترك العيال وتكون السفرة أنانية بس انا وأُمهم واسترجعت ذكريات الشباب أول زواجي وسفري لأمريكا حيث تزوجت في آخر فترة الدراسة

    سكنا كان في باريس في فندق انتركونتننتال لو غراند واللي يعرف المنطقة قريب من غاليري لافيية ومنطقة أسواق حوله .. الفندق راقي وجميل والفطور جيد يرفع السكر سرعة ما عدا الغرفة عذرهم هذي الوحيدة الموجودة وكانت صغيرة لكن تمشي الحال مقارنة بباقي الفنادق اللي سكناها

    أول الصور حسب التسلسل لغالري لافييه ولفتت نظري القبة الزجاجية الملونة الكبيرة





    القبة فيها شغل يدوي فني رائع وأكيد تفاصيل تحتاج كتاب كامل ويبي لها بحث واتوقع استوت معلم لهذا السوق التراثي الرائع

    وهذا فيديو للغاليري ما ادري يطلع أو لا





  2. #2
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    ما طلع الفيديو ونزلته في اليوتيوب


  3. #3
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    المنطقة كلها حلوة ومريحة للمشي وكل شيء قرب الفندق .. فيه مطعم هندي قريب كذلك بس المشكلة أوقاتهم محدودة ويسكرون سرعة إحنا ريوقنا متأخر وغدانا لازم يكون بعد 3 وانا احب الغداء خفيف أي سندويش يمشي الحال معاي .. العشاء غالب المطاعم بالحجز والمسافة للشانزليزيه قصيرة التاكسي يوصلكم بسرعة ولا احتجت لسيارة لباريس ومسوي حجز مسبق من ايفس لسيارة في مطار دوسلدورف

    دوم اللي يبي يحصل سيارة جيدة بسعر زين يحجز لفترة طويلة فوق العشر أيام ويحجز سيارة من فئة شوي فوق الاقتصادية .. لين وصلهم يطالب بسيارة أفضل وأوسع لأن عنده شناط وما يبي يغير تأجير السيارة يعطونه ترقية في العادة بدون زيادة سعر ومهم البعد عن العرب والحجز من شركات عالمية ومهم ياخذ تأمين شامل بس مع جزء معين يدفعه لو هو أخطأ حتى التأمين يكون معقول ويحدد التأمين في الحجز المسبق ولا يوافق على تأمين آخر يغير العقد بالكامل ويدفع أكثر بدون داعي

    كان في واجهات الفندق وكثير من الغرف شغل صيانة قوي بس الازعاج قليل وفي أوقات النهار كان وهذا فيديو للشغل خارج الفندق .. شغلهم منظم ودقيق


  4. #4
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    وعليكم السلام ..

    الحمدلله عالسلامة اخوي معماري ..
    جميله الصورة والفيديو .. نبي صور اكثر الله لايهينك
    تُنسى ، كأنَّكَ لم تَكُنْ ..

  5. #5
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة sara jsm مشاهدة المشاركة
    وعليكم السلام ..

    الحمدلله عالسلامة اخوي معماري ..
    جميله الصورة والفيديو .. نبي صور اكثر الله لايهينك
    إن شاء الله إختي الكريمة

    والله يسلمج ويحفظج

    منور زجاجي مسطح ومقسم قطع صغيرة موصولة بفريم خاص وأسلاك تثبيت في داخل الفندق





    أبواب تفصل بهو الفندق عن منطقة الرسبشن



    المنور الهرمي الكبير في وسط بهو الفندق



    لحسن الحظ المنور غرفتنا تطل عليه وتم تصويره فيديو من فوق


  6. #6
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560


    اللي يلاحظ التفاصيل الغنية والمعقدة في البناء ويعيش معاملة موظفي وعمال الفندق يعرف إن التكلفة عادلة للسكن فيه .. كان هذا الفندق هو الأغلى بين الفنادق اللي سكناها لكن غرفته عادية .. فندق دوسلدورف جاينه إن شاء الله انا اعتبره الأرقى في كل شيء وكان أرخص فندق .. كنت متخوف منه على إنه جديد علينا كإسم غير معروف وماركة ألمانية لكن طلعوا الألمان عندهم فن وذوق وكرماء للغاية وجايين إن شاء الله للتفاصيل

  7. #7
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    المنور الهرمي كبير وماخذ مساحة في وسط تجويف خاص تطل عليه الغرف .. مصنعيته يدوية واضحة وبمواد قديمة مثل النحاس ونوعيات حديد ما يصدي





    طاولة دائرية فخمة يسارها الرسبشن وعليه تشكيلة زهور مستحيل حد يدخل ما يلاحظها وكثير يصورونها



    فوقها هذي القبة والثريا تكمل المنظر



    صالة المصاعد



    وما صورت وايد صراحة وكان المفروض اصور الغرفة لكن مستواها مب لين هناك والى هنا تنتهي سفرتنا لباريس وبشوف أُم عبدالله يمكن صورت أكثر وبنكمل للجزء الثاني اللي صوب دوسلدورف

  8. #8
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    أحلى ما في اسم فندقنا في دوسلدورف هو هوف وأسهل كلمة الأولى طويلة وهذا الإسم مكتوب على المدخل



    وهذي الغرفة الواسعة اللي تفتح النفس والتلفزيون فيه قنوات عربية كثيرة بينها قطر والجزيرة



    الستارة تتسكر بالكهرباء والزر باللمس في شاشة صغيرة في درج قرب السرير مع كافة أزرة التحكم من الانارة للتكييف لعدم الازعاج



    جهة الثلاجة والثلاجة قبل لتسكنون أثناء الحجز يسئلونكم شنوعية المشروبات اللي تحبونها ويخلونها مليانة دوم ومجاناً لإستخدامكم



    السرير اعطيه 10 من 10 في النظافة والرائحة العطرة و 9 من 10 في الراحة

    بس هنا شوي معتفس





    مدخل الغرفة على اليسار الحمام وعلى اليمين الكبت



    الحمام مقسم من داخل وكبير



    الباب القزاز ينفتح في الاتجاهين داخل وبرا ومنطقة الكرسي فيها بديه بعد



    الإضاءة قوية كفاية









    اللفتات والرخام تحفة فنية وفيه لوبي داخلي للضيوف بس فيه جرائد بينهم عربية وفيه كتب وفيه بوفيه خفايف وفواكه وكله مجان ومتوفر للنازلين وكذلك مساعد يخلص أي معاملة تبونها ويجاوب عن أي سؤال .. على مكتب فخم والكراسي اللي حوله وايد فخمين







    من اللوبي الخاص بالنزلاء والدخول له يكون بالمفتاح



    صورة من مطعم الفطور الراقي وتطل على الشارع بواجهة زجاجية كبيرة .. تعشينا فيه مرة والمطعم راقي وسعره معقول لبعض الأكلات فيه لحم وز شوي غالي وغزال كذلك غالي



    ما قدرت اصور أكثر وبشوف باقي الصور بعدين ان شاء الله


  9. #9
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    الفندق هذا من تطلعون منه مقابلكم سوق على بعد 15 متر تقريباً .. الكفوف متعدد أدوار فيه كل شيء ومتصل مع محطة قطارات تحت الأرض .. اللي يروح يسار يوصل لشارع مشاة ومحلات ومقاهي ومطاعم من ضمنها تركي ولبناني راقي وكذلك مطعم أسماك

    يمين بعد أسواق ومحلات كثيرة منها بري مارك .. يعني لا تحتاجون سيارة ولا تكسي مشي كفاية وورا الكفوف فيه حديقة حلوة صورت فيها كم صورة باحطها ان شاء الله

  10. #10
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    فيه ميزة نسيت اقولها .. يتصلون بكم بعد الحجز بكم يوم ويرحبون بكم وانتوا في قطر ويقولون متى بتوصلون .. يوم وصلنا بالتكسي من محطة القطار استقبلوني وشالوا الشناط ورحبوا بي باسم العائلة .. متوقعين وصولي لأني قلت لهم عن الوقت التقريبي .. يحسسونك إنك في بيتك

صفحة 1 من 5 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •