هل صحيح شورى تدرس وضع المتقاعدين

[SouthK]

هم يدرسون كيفية رفع الاسعار بحيث تشمل المتقاعدين !!
الله المستعان

[بريق الحق]

فقط دراسة في دراسة
الحل موجود لكن الله يهديهم

[aloosh]

الحد الادنا للمتقاعد كم من قطر للبترول

[شيخ القبيلة]

بدل السكن وبدل طبيعة العمل من اهم البدلات اللي ممكن تحقق التوازن لراتب المتقاعد وهاي من حقه انسانيا من حق المتقاعد اللي خدم الدولة سنوات طويلة من عمره من حقه في النهايه يكون الراتب هاي تكريم له ومنحه حتى الراتب كامل نعم كامل تقديرا لجهوده مب اجي اقص من راتبه واخليه يولي وكأن المتقاعد اذا تقاعد تختفي اسرته ويعيش هو بروحه وماعنده مصاريف واعباء المعيشه
المتقاعد لديه اسره والتزامات مثل ماكان في ايام دوامه هي هي الالتزامات بل يمكن تزيد بعد التقاعد لان ماله اي مصدر دخل اخر
زين ولين متى المواطن المتقاعد راتب اساسي وعلاوة اجتماعية
على الاقل اضافة بدل السكن وطبيعة العمل يامسؤولييييييييين بسكم دراسة يرجى التنفيذ

[sendarala]

وعليكم السلام

الحمدلله يعني يبي لنا 5 سنين عشان نشوف شيء على أرض الواقع

لا حول ولا قوة الا بالله
ليش عاد
خلونا نفرح بالخبر

[sendarala]

بدل السكن وبدل طبيعة العمل من اهم البدلات اللي ممكن تحقق التوازن لراتب المتقاعد وهاي من حقه انسانيا من حق المتقاعد اللي خدم الدولة سنوات طويلة من عمره من حقه في النهايه يكون الراتب هاي تكريم له ومنحه حتى الراتب كامل نعم كامل تقديرا لجهوده مب اجي اقص من راتبه واخليه يولي وكأن المتقاعد اذا تقاعد تختفي اسرته ويعيش هو بروحه وماعنده مصاريف واعباء المعيشه
المتقاعد لديه اسره والتزامات مثل ماكان في ايام دوامه هي هي الالتزامات بل يمكن تزيد بعد التقاعد لان ماله اي مصدر دخل اخر
زين ولين متى المواطن المتقاعد راتب اساسي وعلاوة اجتماعية
على الاقل اضافة بدل السكن وطبيعة العمل يامسؤولييييييييين بسكم دراسة يرجى التنفيذ

اي والله
الله يسمع منك
يكفي دراسة خلاص تعبانه من الدراسات وما نشوف على الواقع شي

[مضارب دوسري]

المتقاعدين واهل الضمان يحتاجون سعر تفضيلي فيما يخص سعر البنزين
مب خساره فيهم توفير 500 لتر شهريا بسعر 500 ريال واصدار بطاقه لكل واحد فيهم (او مبلغ 1000 ريال شهريا على رواتبهم)


يحتاجون الى بدل السكن ايضا


اهل الضمان يحتاجون راتب بحد ادنى 10000 ريال


ومن عقبها ما يبون منكم يالشورى لا دراسات ولا خطابات

[السفير العربي]

عندما أوقف العمل عن تطبيق الضمان الصحي قيل ان الحكومة ستعيد دراسة آلية تطبيقية وسيعاد بعد ظ¦ أشهر !! الان مضى على وقفه سنتين ولا حس واغلب الظن انه لن يخرج الى النور ثانية ، لا يختلف الوضع عن دراسة وضع المتقاعدين والقضية هي تخدير بخبر يسعد القلوب ولن يطبق ، والحق ان هذا الأسلوب يجعل المواطن متشككاً وتنعدم ثقته في مثل هذا الأحوال .

[SH.FLOWERS1]

مع الاسف الي سوى ذا القانون هذا واقترحه مافيه خير والله لا يسامحه لا دنيا ولا اخره.

عقب ماخدم الدولة وتعب المسكين ينقط كذا مقابل اعباء الحياة الي كل سنة اكثر له من الاول من تراكم الديون والاقساط.

ياخي مفروض الي مثل هالفئة تكرم وتصير لها حقوق اكثر من غيرهم ورواتبهم ماتنقص الا تزيد لانهم يستاهلون كل خير.

[البيروني]

بدل السكن وبدل طبيعة العمل من اهم البدلات اللي ممكن تحقق التوازن لراتب المتقاعد وهاي من حقه انسانيا من حق المتقاعد اللي خدم الدولة سنوات طويلة من عمره من حقه في النهايه يكون الراتب هاي تكريم له ومنحه حتى الراتب كامل نعم كامل تقديرا لجهوده مب اجي اقص من راتبه واخليه يولي وكأن المتقاعد اذا تقاعد تختفي اسرته ويعيش هو بروحه وماعنده مصاريف واعباء المعيشه
المتقاعد لديه اسره والتزامات مثل ماكان في ايام دوامه هي هي الالتزامات بل يمكن تزيد بعد التقاعد لان ماله اي مصدر دخل اخر
زين ولين متى المواطن المتقاعد راتب اساسي وعلاوة اجتماعية
على الاقل اضافة بدل السكن وطبيعة العمل يامسؤولييييييييين بسكم دراسة يرجى التنفيذ

المتقاعد كيف تسير له بدل طبيعة عمل !
يمكن تقصد بدل غلاء معيشة