ما شر الله يسلمك الموضوع متصلالمشاركة الأصلية كتبت بواسطة Rider
|
ما شر الله يسلمك الموضوع متصل
عسى ماشر الموضوع قطريين ومدخل هذا فيه؟
والله ياخوي معماري الظاهر ماحد صوبنا والقطري بيظل غريب في بلاده الوظائف كلها لغير القطريين واذا قطري موظف يذلونك دوارات بعد ياليت خارجيه داخليه ويقولون ترقيتك بتوقف اذا ماتاخذ هالدورات وياليتها في مجال العمل اهم شي عندهم دورة يعني تخبط واضح واخر شي من درجه لا درجه اخرى 800 ريال ولا 1000 حسب انت على اي درجه وغير القطري رواتبهم خياليه والكل يشتغل الزوج الزوجه العيال وانت تعال دور وظيفة حق زوجتك ولدك مافيه
بصراحة أرد ورفع الموضوع مره اخرى قسم بالله تعبنا من هالشي يامسؤولين وين التقطير والله ياخوان ماكتبت هذا الموضوع لا من قهر فيني وانا اتكلم عن جهة عملي والله فيه وظائف اداريه وسهله لي من المفترض يكونون قطريين شغالين عليها مب غير قطريين تعالوا يامسؤولين مستعد اقولكم وين اشتغل علشان تشفون بعينكم للاسف ناس من غير القطريين تخطوا الستيين وكل سنة يجددون لهم لاحظوا اتكلم عن وظائف ادريه وسهله اكررها مب شي صعب علشان لحد يقول يمكن وظيفة القطري مايقدر لها وزارة التنمية صباح الخير وين تقطيركم وين لا القرار او التعميم لي من سنتين او اكثر بخصوص التقطير في الوظائف الادارية للاسف سيدي سمو الامير يقرر أشياء كثيره لكن لا تنطبيق من المسؤولين وهذا الواقع
طبعا مابغي اتكلم عن غير القطريين من الطبقه المخمليه لي يشتغلون في وظائف والقطري قد هالوظائف الحمد لله بلادنا اختلف اختلاف كبير في كل المجالات وصار عندنا خريجيين في كل التخصصات والقطري بيكون حريص على بلاده اكثر من الغريب لي فالنهاية نقص عليه شوي في البدلات شوف وش بيسوي اسف بس من القهر الصباحي
الأجنبي بستوعب إنه يسعى للأجنبي من نفس جنسيته أو الجنسيات إلي يحبها
لكن الي صعب نستوعبه و للأسف "البعض" من القطريين يجلسون للقطريين إن كان بتوظيفهم أو لما يكون موظف ناجح ومعهم بالوزارة.
بعضهم يكره الناجح و هم غالبا يامن دافع الغيره والحسد أو الغباء أو كلهن سواء
الحمد لله الذي عافانا مما ابتلوا به وفضلنا على كثير مما خلق تفضيلا.
المعركة الحقيقية هي معركة الوعي و الإحتلال الحقيقي هو إحتلال السفهاء للمنابر.
فن التعامل مع الآخرين جاء في ثلاث عبارات قرآنية في آية واحدة
﴿خُذ العَفْو، وَأْمُرْ بالعُرْف، وَأَعْرِضْ عنِ الجاهلين﴾
نعم كلام صحيح لكن ياختي من قرب هالوافدين غير القطري ليش هالقطري مايطبق القرارات لي تجيه وين الوظائف الادارية لي المفروض يكون عليها قطري ولا كلام بس موضوع اختي القطري واقف لقطري مثله ويحارب النجاح هذا يبغي له موضوع ثاني ترى القلب متروس
لتطليف الجو..... مرة واحد يكره الفلسطينيين و يشوف العمى ولا يشوفهم... شاف بالصدفة مصباح علاء الدين وهو ماشي بالشارع
راح فرك المصباح و طلع المارد يقوله شبيك لبيك عبدك بين ايديك
قاله ابيك تخفيلي كل الفلسطينيين الموجودين بالبلد ما ابي اشوف رقعة ويه واحد منهم
رد عليه المارد: ليش يا اخوي ....كاعديدن على كلبك احناااااا (قاعدين على قلبك احنا)
اخوي خلدون طبعا هذا مب تلطيف الجو بس انت جبتها على انها تلطيف جو المهم اخوي انا اتكلم عن قرار صدر من تقريبا سنتين عن تقطير الوظائف الادارية وحددو نوع الوظائف المفروض يكون عليها قطريين وتوقع هذا من حق القطري سمح لي اخوي خلدون ترى فيه قطريين وانا اتكلم بالذات عن لي عندهم ثانوية قاعدين يدورن وظائف طبعا انا ماقلت شيلو الكل والقطريين بيمسكون كل الوظائف هذا مستحيل واذا مصدق انه فيه قطريين يبغون يتوظفون مر على وزارة التنمية الادارية وسالهم كم عدد طلبت القطريين للتوظيف
والله العظيم ما قصدت شي الا انه المشاركه ذكرتني بنكته فقولت اقولها و الا والله لا اقصد لا غمز ولا لمز ولا لي بالسالفه كلها لاني طول عمري اشتغل بشركات خاصة مع اني طول عمري بقطر ...من يوم كان عمري شهر و حتى الان و لله الحمد
ولا اخفي عليك حزني اني الاقي وافدين جدد يدخلون قطر و يشتغلون بوظائف حكومية و برواتب لا احد يحلم فيها و انا مكانك سر .... لا قدرت اشتغل بالواسطه ولا بدون واسطه في القطاع الحكومي....شسالفه ....وين الخلل؟؟!!! مني و الا منهم
اما بخصوص الموضوع فأنا اقدر اقولك سبب رئيسي لعدم رؤية التقطير بشكل جدي و ملموس و هو إبقاء المدير القطري على الوافد او المقيم في الوظيفه سواء كان هذا الوافد يستحق المكان اللي هو فيه او لا يستحق
انا حطيت مشاركه فوق بالموضوع انه في مقيمين يشتغلون و أعمارهم 67 سنة و مازالوا على رأس عملهم....بينما قطريين يتم الاستغناء عن خدماتهم اول ما يصيروا 60 او يمكن قبل ....ليش؟؟!! من وين هالدعم؟؟.... بكل بساطة من مديرهم القطري
اعرف وحده مقيمة عمرها 67 سنة ومازالت تشتغل .... سن التقاعد للقطريات كم؟ 55 سنة؟؟!!
متى يبلغ البنيان يوما تمامه .... ان كنت تبني و غيرك يهدم
ضوابط المشاركة
رد مع اقتباس