من بداية الحصار والقوانين الي صدرة ضد المواطن القطري الصراحه باقي بس يدفعون الكهربا والماي ويصرون أحسن من الأجانب
|
من بداية الحصار والقوانين الي صدرة ضد المواطن القطري الصراحه باقي بس يدفعون الكهربا والماي ويصرون أحسن من الأجانب
طبعا المسؤلين في الدولة مب هامهم شي لانه مضبطين امورهم وعيالهم.
يالربع انتوا مب فاهمين الموضوع
ما قالوا اللي يستقيل ما يشتغل الا بعد سنة.
نص كلامهم (تمسكت بقرار منع ترشيح المواطن الباحث عن عمل في حال تقدمه بالاستقالة من وظيفة سابقة إلا بعد مرور عام على الاستقالة)
يعني اذا واحد استقال ما يروح عندهم عشان يدورون له شغل الا بعد سنة، لكن اذا هو محصل وظيفة ثانية، يستقيل ويداوم ثاني يوم اذا مضبط مع الجهة الثانية. لكن التنمية الادارية مب جهة توظيف، هي تدور لك على شواغر، لكن اذا انت محصل عرض الله يحفظك روح داوم.
توه واحد عندنا في الوزارة استقال وداوم على طول في جهة ثانية
المشاركة الأصلية كتبت بواسطة بوخميس
اخوي خذ أوراقك احين وروح قدمها في اي وزاره كشخص عادي
اتحداك اذا ما قالوا لك لازم ترشيحك يجي من وزارة التنمية
واذا رحت وزارة التنمية بيقولون لك ما راح نقبل أوراقك اذا انت على رأس عملك
وإذا استقلت بنقعدك سنة عشان تدخل بالترشيح الوظيفي وندورلك على وظيفه
يعني مسكرين عليك من كل صوب وتنجبر على وظيفتك
اذا على قولتك "مضبط أمورك في جهة ثانيه " يعني عندك واسطه هذا شي مب محصلينه باقي القطريين عشان تقول فاهمين الموضوع غلط
واضح سوء قراراهم وفيه ظلم كبير للقطريين الي أصلا مب من كثرهم عشان يتعسفون معاهم بهالشكل
بالتوووفيق للجميع
التعديل الأخير تم بواسطة شي ثاني ; 01-06-2018 الساعة 01:50 PM
كلامك كله صحيح اخوي وانا رحت اقدم عندهم وقالوا لي من الاخر لازم عندك واسطه او من انك تستقيل من عملك وناتي باخلاء طرف وتتم بعد ذلك سنة كاملة من غير راتب او عمل!!! وقالوا لي افضل لك تتم على عملك كاصراف على نفس الدرجة 11 في بنك قطر الوطني خمس سنوات الان لاتقاييم عدله ولاترقية مع اني عندي شهادة بكالوريوس علوم ! ! ! وغيري ماعنده الا شهاده ثانوي معطينهم ترقيات وعلى العاشرة والتاسعة ومقدم على كذا وزارة من عام 2011 ولا حس ولاخبر حسبي الله ونعم الوكيل بس لنا الله
قال صلي الله عليه وسلم :" لا يلبث الجور بعدي قليلا حتى يظهر وكلما ظهر من الجور شيئا غاب من العدل مثله حتى يولد في الجور من لا يعرف غيره "
وقال أيضا "من أعان ظالما على ظلمه سلطه الله عليه"
قال تعالى : ( وكذلك نولي بعض الظالمين بعضا بما كانوا يكسبون)
وقال تعالى : (وَلاَ تَرْكَنُواْ إِلَى الَّذِينَ ظَلَمُواْ فَتَمَسَّكُمُ النَّارُ)
ايضا انت مب فاهم الموضوع بالشكل الصحيح
اذا من وزارة لين وزارة ليش تستقيل؟؟ قدم طلب نقل اذا الوزارة الثانية يبغونك.
اذا من وزارة لين جهة ثانية مب تابعة لقانون الموارد البشرية وزارة التنمية الادارية مالها أي علاقة فيهم
اطلع من وزارة وروح بنك مثلاً محد له شغل
تضبيط الأمور ما اقصد بها واسطة، اقصد انه هم يبغونك.
اذا واحد مب كفاءة ولا مرغوب في جهة ثانية ليش يستقيل؟؟
اخوي قولي في حال كنت في جهة خاصه وتبي تنقل على قطاع حكومي
كيف بتقدم عندهم ؟ مثل مثال اخونا ألي فوق ردّك
ثاني شي تقولي " اذا يبغونك " قلت لك اذا شخص عادي انت ما راح تقابل مدير الموارد البشرية او غيره
بتروح لموظف بسيط بيقولك ما استلم طلبات توظيف لان تعليمات وزارة التنمية
الكفاءات كثيره لكن مو ماخذين فرصهم ؛؛ ابسط شي مقابلتهم عشان يعرفون اذا مرغوب فيهم ولا لا
وإذا مب كفاءه في شغله الحالي, الأمثل انه من حقه يشوف مكان ثاني
وتعم الفايده للجميع
التعديل الأخير تم بواسطة شي ثاني ; 02-06-2018 الساعة 01:48 AM
فعلا مايصير يا ليت بوخميس يفتح موضوع ويستقبل طلبات الأعضاء الي توهقوا والحين ف بيوتهم ويدور لهم وظايف،،
بخصوص النقل اعرف كم واحد رفض المدير طلبهم وقالهم استقيلوا ماعندي نقل
سبحانك اللهم وبحمدك لا إله إلا أنت استغفرك وأتوب إليك
ومع هذا القرار، المدير الظالم راح يزيد يظلمه لان صار عارف بموضوع السنة
وصار عارف ان ما في قطري مستعد يقعد سنة في البيت بدون دخل شهري يعتاش منه
النتيجه، موظف معاند ما راح يقوم بواجباته ولا يأدي شغله بالشكل السليم
الكل متضرر
طبعااا قرار ظالم ......ملحظ لي حط هذا القرار اجنبي مبارك من المسووول التمنيه يا ليت يعاد في نظر مسووول يحاسب والاجنبي يقعد ف البيت يجرب قعد البيت ويقولنا كيف هي
ضوابط المشاركة
رد مع اقتباس