‏‎المبالغة في حجم وتشطيب بيت العمر وخصوصا بالسلفيات

[حمد 2002]

جيب لي بيت جاهز ب مليون وميتين

في والله ب 900 الف ريال تقريبا بيت جاهز مساحته 90 متر تقريبا بمنطقه غزه = مدينه خليفه ،،

[حمد 2002]

وجهه نظري

بناء البيت يبيله سياسيه ومخ من صاحب البيت وليس الاستشاري لانه الاستشاري الخريطه الي يعطيك اياها ماعطها مليون شخص غيرك والدليل على ذلك تشابه الطابع العمراني بدوله قطر بشكل كبير جدا ،،

خل عندك مخ وانت تبني مثلا عدد اولادك 6 وهم صغار بالعمر لاتبني دواعيس وحمامات مشتركه وتالي اذا كبروا الاولاد ويبون يعرسون تتوهق وتكسر الى اخره لو يبون يسكنون عندك مممم بمعنى اصح خل عندك بعد نظر ل 15 سنه قدام او اكثر وراعي بالبنيان اولادك وعيالهم وركز على سعه البيت ولاتركز على الديكورات لانها تاكل الفلوس على الفاضي واتبع المقوله التاليه (( الديكورات تقدر تسويها بعدين لاكن السعه والمساحات صعبه تسويها بعدين )) وابنى لاودك ملاحق كبيره من البدايه غرفتين على الاقل مع حاماتها ونتوا بكرامه ، وابني مصعد = سلم كهربائي لانه مهم جدا لانك ماتضمن بالمستقبل يمكن تصير معاق وماتقدر اتروح فوق الا بالمصعد وووو احرص على ان تكون غرفتك تحت وغرفت عيالك فوق لانك بتشيب وصعبه كل مره تروح فوق واذا كنت تحت تراقب البيت وتكون المسيطر به وتراقب الرايح والجاي .. عندي اضافات بضيفها بعدين لانه رمضان وصايم وبس ..


تحياتي

حمد 2002

الخبرات السابقه :-

خبره سابقه في بناء بيت 1 للأهل ..

[معماري قطري]

في والله ب 900 الف ريال تقريبا بيت جاهز مساحته 90 متر تقريبا بمنطقه غزه = مدينه خليفه ،،

وايد غالي تطلع تكلفة المتر ب 10000 ريال والمساحة صغيرة وايد .. غرفة عادية 5 في 4 مساحتها 20 هذا كم غرفة فيه وكم صالة وحتى أرضه اتوقع صغيرة وايد .. في النهاية ما اظن أرض صغيرة 150 متر مربع مثلاً لها سند ملكية منفصل

[معماري قطري]

هههههه معماري مشكلة النخل أطول من الفلة
شكله مخطط بيخرف من السطح

الواشنطونيا تطول بسرعة اخوي نكلان .. وانا من محبيها عندي 6 يتسابقون بعضهم أطول من البيت حالياً

[ولد العرب]

وايد غالي تطلع تكلفة المتر ب 10000 ريال والمساحة صغيرة وايد .. غرفة عادية 5 في 4 مساحتها 20 هذا كم غرفة فيه وكم صالة وحتى أرضه اتوقع صغيرة وايد .. في النهاية ما اظن أرض صغيرة 150 متر مربع مثلاً لها سند ملكية منفصل

معيض 2002 له بعد نظر يامهندسنا يقصد 90 متر * خمس ادوار شفت مخ معيض منطقه عماير

[معماري قطري]

معيض 2002 له بعد نظر يامهندسنا يقصد 90 متر * خمس ادوار شفت مخ معيض منطقه عماير

ههههههه لازم تعذره رمضان ولازم توقف القصف المعيضي

[ابو عبدالله.]

هههه الشباب اشتغلوا غشمره

انا ضد فكره تركيب مصعد
اولا مكلف. فوق 100 الف من الاساس لين تركيب المعدات

المصعد ممكن يركب بعدين و توجد مصاعد ما تحتاج بناء. تعال و ركب جاهز من الصاله الارضيه لين البنت هاوس وتركب خارج البيت و تفتح الطوف بكل طابق

صيانتها مكلفه اذا مش من النوع الغالي وبعض الشركات تجيك صيانه بكذا الف لو حتى سنسر خربان واذا حاججتهم خلوك ترن مده لين بروحك تعتذر لهم و تترجاهم يجون لان هم وكلائه وما له قطع غيار الا عندهم

[حاتم سيد]

الوسط خير الأمور الوسط ، وكن متأكد أن كثرة البهرجة والأعمال داخل المنزل تأتي بنتيجة عكسية على الشكل العام ، الزوق البسيط السهل يتماشي مع كل العصور وكل الأوقات ، ولك تحياتي على هذا المقال، لانها اصبحت عادة سيئة عند كل الشعوب العربية وهي التظاهر أمام الناس بأنك تفعل الأفضل والأمييز

[معماري قطري]

هههه الشباب اشتغلوا غشمره

انا ضد فكره تركيب مصعد
اولا مكلف. فوق 100 الف من الاساس لين تركيب المعدات

المصعد ممكن يركب بعدين و توجد مصاعد ما تحتاج بناء. تعال و ركب جاهز من الصاله الارضيه لين البنت هاوس وتركب خارج البيت و تفتح الطوف بكل طابق

صيانتها مكلفه اذا مش من النوع الغالي وبعض الشركات تجيك صيانه بكذا الف لو حتى سنسر خربان واذا حاججتهم خلوك ترن مده لين بروحك تعتذر لهم و تترجاهم يجون لان هم وكلائه وما له قطع غيار الا عندهم

مسوي الدرج مريح جداً أي حد يجربه يلاحظ لكن تمنيت لو ركبت مصعد وقللت تشطيب الدرج وحجمه .. حطيت تكلفة مصعد في الرخام والدرابزين بس والخرسانة لو سويته شوي أصغر كنت باكتفي بنص الكمية

اللي يتابع مراجعة المخططات المعمارية يلاحظ اني انصح بالدرج البسيط وبدون درابزين والمصعد بيته في تجويف الدرج .. منه يكون دعامة للدرج وحاجز بدال الدرابزين .. ومثل ما ذكرت المصعد ممكن نسوي تأسيسه ونركبه أي وقت بعدين

[معماري قطري]

الوسط خير الأمور الوسط ، وكن متأكد أن كثرة البهرجة والأعمال داخل المنزل تأتي بنتيجة عكسية على الشكل العام ، الزوق البسيط السهل يتماشي مع كل العصور وكل الأوقات ، ولك تحياتي على هذا المقال، لانها اصبحت عادة سيئة عند كل الشعوب العربية وهي التظاهر أمام الناس بأنك تفعل الأفضل والأمييز

صحيح المفروض نفكر في الأساسيات والأولويات ونخلصها والأهم نبتعد عن نظرة الناس ونسوي شيء لنا ومقتنعين به .. كذلك التقصير بنلاحظ نتائجه بسرعة مع نشأة وترعرع الأبناء ونيتهم للزواج

أتمنى الدولة تشجع على عمل نظام شقق ودور ثالث وليش ما يكون رابع وحتى ممكن الرابع نفس نظام الكويت شقق علوية بمدخل خاص وممكن تؤجر أو يسكنها أحد الأبناء