ممكن الأفاده تايلند

[عطر فرنسي]

السلام عليكم ورحمة الله وبركاته
السؤال الاول:
عندي صديق يسأل اذا احد عنده فكره لي تايلند هو قطري الزوجه ليس قطريه هل يحتاج لي الزوجه فيزا وشنو الاجراء
السؤال الثاني:
ممكن يكون مكرر لكن زيادة الخير خيريين

بيكون 8 ايام سفر شنو الافضل الجلوس في بوكيت و بانكوك كم يوم كل واحد فيهم الافضل كاخبرة الي راح

السؤال الثالث:
شنو الفنادق الممتازه في بوكيت و بانكوك الجلوس فيها وتكون قريبه من سوق ومطاعم

السؤال الرابع:
شنو الاماكن الجيده الي يستحق زيارتها ف بوكيت وبانكوك

السؤال الخامس والاخير :
في حالة الرجوع كم ساعه قبل الواحد يكون في مطار

[ya3coub]

أحسن شي يتصل فالسفارة و يقولهم بحسب جواز زوجته شنو الإجرائات بخصوص الفيزا.

بخصوص باقي الأسئلة الأعضاء يفيدونك ان شاء الله

و قبل كم ساعه يكون فالمطار للإحتياط طالما مرته معاه قبل بثلاث ساعات كافية جدا لأي مطار دولي

[عطر فرنسي]

أحسن شي يتصل فالسفارة و يقولهم بحسب جواز زوجته شنو الإجرائات بخصوص الفيزا.

بخصوص باقي الأسئلة الأعضاء يفيدونك ان شاء الله

و قبل كم ساعه يكون فالمطار للإحتياط طالما مرته معاه قبل بثلاث ساعات كافية جدا لأي مطار دولي

هو يتصل لهم لكن لايوجد رد اعتقد لازم ينزل لهم السفاره شكرا على مرورك الكريم

[عطر فرنسي]

63 مشاهده مافي اي رد

[لـبـيـه]

على حسب جنسية الزوجه في جنسيات تدخل بدون فيزا نفس القطري وبعض الجنسيات من المطار وبعض الجنسيات فيزا من البلد

السوال الثاني بعد محتاج توضيح رايح سياحه او شغل او علاج

السوال الثالث عن تجربتي بانكوك عليك ب ذا لاند مارك او الماريوت قراب من شارع العرب الي فيها المطاعم الاسلاميه والأماكن الثانيه بالتكسي واسعارهم رخيصه

عن بوكيت عليك بفندق سليب وذ مي قريب المطاعم والباقي تكسي ورخيص

السوال الرابع بانكوك وبوكيت من كثر الرحلات والسفاري المجمعات الي فيها بتتعب عليك بلاكشاك الي في الشارع بالرحلات لاتاخذ من الفندق غالي

ويختلف اذا معاك أطفال ما انصح تروح بوكيت لانه اغلبها رحلات بحريه وشوي لك عليها من المناضر وبانكوك فيها ملاهي وسفاري وأسواق واااايد أشياء

السوال الخامس روح قبل بثلاث ساعات لانه الطريق يأخذ نص ساعه وزحمه مطارهم

[عطر فرنسي]

على حسب جنسية الزوجه في جنسيات تدخل بدون فيزا نفس القطري وبعض الجنسيات من المطار وبعض الجنسيات فيزا من البلد

السوال الثاني بعد محتاج توضيح رايح سياحه او شغل او علاج

السوال الثالث عن تجربتي بانكوك عليك ب ذا لاند مارك او الماريوت قراب من شارع العرب الي فيها المطاعم الاسلاميه والأماكن الثانيه بالتكسي واسعارهم رخيصه

عن بوكيت عليك بفندق سليب وذ مي قريب المطاعم والباقي تكسي ورخيص

السوال الرابع بانكوك وبوكيت من كثر الرحلات والسفاري المجمعات الي فيها بتتعب عليك بلاكشاك الي في الشارع بالرحلات لاتاخذ من الفندق غالي

ويختلف اذا معاك أطفال ما انصح تروح بوكيت لانه اغلبها رحلات بحريه وشوي لك عليها من المناضر وبانكوك فيها ملاهي وسفاري وأسواق واااايد أشياء

السوال الخامس روح قبل بثلاث ساعات لانه الطريق يأخذ نص ساعه وزحمه مطارهم

شاكر لك على الرد بالنسبه لسؤال الثاني رايح سياحه من غير اطفال بالنسبة الجنسية مغربية

[sara jsm]

وعليكم السلام اخوي ..

بالنسبه للفيزا الواحد يروح السفارة بنفسه افضل لان عندهم اظن 3 ايام فقط حق اللي يقدمون على الفيز
وحط في بالك انها يمكن تطلع خلال اسبوعين ويمكن اقل بس الواحد يحط الاحتمال الابعد ..
:
باتكلم عن بانكوك .. فيها وايد فنادق رايقه .. اذا تبي صوب شارع العرب في فندق الماريوت واللاندمارك واماري هذولا قراب من شارع العرب وكل ماابتعدت بتلقى انظف واحسن مثل الانتر وكمبنسكي اللي لاصق فيه مجمع كبييييير اسمه باراجون خيالي من كثر المحلات والمطاعم والجمعيات وسينما ...
:
بالنسبه للاماكن السياحيه في بانكوك عندك سفاري وورد ( تشوف الحيوانات وتتصور مع بعضهم وعروض الدلافين وتاكل الزراف .... الخ )
ومدينه الالعاب دريم وورد بعد فيها العاب حلوة للكبار والمكان عائلي وجميل وتركب الفيل بعد ..
وعندك متحف الشمع ظريف المكان
اما المجمعات في باراجون و مجمع زن وفي ام بي كيه وفي لوتس في واااايد ..
واذا الجو زين عندهم حديقة كبيرة نفس الهايد بارك اسمها (لومبيني بارك ) فيها بط وسمك في البحيرة
واذا لكم في السي فود ((( في مطعم خيال اسمه سي فود ماركت ريستورانت)))


بالنسبه لرايي الشخصي بانكوك عائليه اكثر من بوكيت
وشارع العرب لاتروحونه بعد الساعه 10 المكان بالكامل يتحول
بالتوفيق اخوي ..

[naklan]

حياك الله اخوي عطر فرنسي
نعم اخوي يوجد فيزا للمغاربة وممكن تلقى شرح
في الرابط التالي
https://www.hipowerventures.com/فيزا...لرباط-و-الدار/
اما بالنسبة للقطري يدخل بلا فيزا
اما السكن في بانكوك اسكن حول منطفة نانا
علشان المطاعم العربية حواليك ماريوت جيد وإذا تبي
4 نجوم اسكن في اماري بلوفارد او قراند 5 بلازا هذولا في
وسط نانا وهذا رابط لفندق جراند
https://www.agoda.com/grand-5-hotel-...0-f7bb12bddaa6

اسعار بولفارد وجراند اقل من 100 دولار حول 2500 بات
اما بوكت فانصحك لا تأخذ فندق اقل من 5 نجوم وبريت عالي
فوق 9 لن الفنادق حتى ال 5 نجوم لك عليها شوي
وعندك للحجز اجودا او بوكنق كم

موفق اخوي

[معماري قطري]

وعليكم السلام اخوي ..

بالنسبه للفيزا الواحد يروح السفارة بنفسه افضل لان عندهم اظن 3 ايام فقط حق اللي يقدمون على الفيز
وحط في بالك انها يمكن تطلع خلال اسبوعين ويمكن اقل بس الواحد يحط الاحتمال الابعد ..
:
باتكلم عن بانكوك .. فيها وايد فنادق رايقه .. اذا تبي صوب شارع العرب في فندق الماريوت واللاندمارك واماري هذولا قراب من شارع العرب وكل ماابتعدت بتلقى انظف واحسن مثل الانتر وكمبنسكي اللي لاصق فيه مجمع كبييييير اسمه باراجون خيالي من كثر المحلات والمطاعم والجمعيات وسينما ...
:
بالنسبه للاماكن السياحيه في بانكوك عندك سفاري وورد ( تشوف الحيوانات وتتصور مع بعضهم وعروض الدلافين وتاكل الزراف .... الخ )
ومدينه الالعاب دريم وورد بعد فيها العاب حلوة للكبار والمكان عائلي وجميل وتركب الفيل بعد ..
وعندك متحف الشمع ظريف المكان
اما المجمعات في باراجون و مجمع زن وفي ام بي كيه وفي لوتس في واااايد ..
واذا الجو زين عندهم حديقة كبيرة نفس الهايد بارك اسمها (لومبيني بارك ) فيها بط وسمك في البحيرة
واذا لكم في السي فود ((( في مطعم خيال اسمه سي فود ماركت ريستورانت)))


بالنسبه لرايي الشخصي بانكوك عائليه اكثر من بوكيت
وشارع العرب لاتروحونه بعد الساعه 10 المكان بالكامل يتحول
بالتوفيق اخوي ..

ذكرتيني بالأماكن الحلوة

آخر مرة سكنت في كمبنسكي وكان خيالي صراحة وانصح به أما شارع العرب يصلح لدول الحصار بس

بوكيت رحتها مرة ثلاث أيام وذاكرتي ضعيفة أذكر شفنا الشو اللي يسوونه وفيها فعاليات كثيرة بسهولة يعلمونك بها الفندق

فيه جزيرة قبل بوكيت اسمها كوسوموا أو شيء قريب من هالإسم سكنا مرة في فندق سوفتيل اعتقد على البحر كل غرفة معاها مسبح خاص بها وكانت حلوة وايد صورت تقرير عنها كامل من سنتين على ما اذكر

[بـن عدوان]

انت قولي تبي في السفر نظام اجانب ولا عرب وبجاوبك