رأيكم في الباركية

[التاجرالصغير]

السلام عليكم يا اخوان .. حبيت استفسر عن رأيكم في الباركية ..هل هو عملي ونظيف هل يطلع نمل او ممكن انه مع الماء يزلق ..

الله يعطيكم العافية ابغي اعرف ايش المميزات والمساوئ قبل لا أركبه في بيتي ..

شاكر لكم جميعا

[الســـهم]

عليكم السلام ورحمة الله وبركاته ..

مافيه أي مساوئ تذكر فيما عدا الصوت إذا تمشي عليه، أنا مركبه في جميع غرف الملابس وصالة العائلة ولله الحمد ما اشتكيت منه نهائيا ..

[Riku3]

مسوي في المكتب عندي وما واجهت مشاكل مع النمل او الحشرات وطبعاً نتجنب ان يجيه ماي .. صارله 6 سنين وشوي راحت لمعته وصار باهت شوي .. جبت شركة متخصصه للباركي للتلميع بس ما عجبني شغلهم ..

بس تنظيفه ممل .. يطبع مكان الرجل او الماي ولازم مسح مستمر ويطلع صوت وانت ماشي طبعاً .. شخصيا ما حبيته .

[معماري قطري]

نوعيات وعلى حسب نوع الخشب وفيه تدخل الصناعة والاضافات الصناعية

فيه أنواع مقاومة للرطوبة وتثبت بلاصق قوي ما تسمع لها صوت خصوصاً الغالبية يركبونه على بلاط شعبي .. ولو البلاطة فاكة تحصل الدوس يوصلها وتطلع صوت

اللي بيركب انصحه يركب على سكريد اسمنت بدون بلاط ويشوف نوع زين

البدائل للباركيه هي الباركيه البلاستيكي أو البورسلان بتشكيلة الباركيه أو البلاط بتشكيلة الباركيه

الموردين رافكو ومفروشات الخليج ونابينا وأكيد فيه غيرهم واتوقع ايكيا عنده نوعية جيدة

[التاجرالصغير]

جزاكم الله خير...

[معماري قطري]

الله يجزيك بما دعيت

شوف موضوع يوتيوبيات البناء حطيت كم يوتيوب عن الباركيه

إحنا ركبنا لغرفة وحدة ووايد زين طلع عن طريق مفروشات الخليج وهم خبرة قديمة في السوق