*حيرة* هل هالسيارة كوجوده؟!!

[كرواتيا]

من فتره ادور سياره ببعض المواصفات ومادري اذا فيه او لا احتاج النصيحة لان تعبت وانا ادور كل ماحصلت سياره طلع فيها عيب او شي من الي ابيه ناقص



ابي سياره للدريول للبيت تكون عمليه

- نص فورويل ماتكون عاليه وايد عشان الشيبان
- فيها مكيفات ورا
- قويه وتتحمل
- سعرها مايتعدا 80 الف
- قطع غيارها متوفر ومب غاليه



شفت الراف فور الجديده مافيها مكيف ورا
شفت الفورتشنر الجديده لقيت صناعتها اندونيسيه
المازدا مايمدحونها الناس

النيسان اكس ترايل يقولون وخروا عن كل النيسان حرارتها ترتفع وعله


نصايحكم هل المواصفات الي ادورها متوفره في اي سياره؟؟؟

[أبورودي]

شوف الشيارات السوباروا ممتازه ويابانيه ومكيفها قوي جدا وانصحك تاخدها مستعمله حتلاقى سعرها منخفض جدا

[ضوى]

لكزس ار اكس 350 وايد عمليه وصرف البترول اقتصادي خذها مستعملة سعرها بيكون تمام

[عازف]

تويوتا برادو او فورتنر

[بوخالد911]

كارنيفال - كيا

أكاديا - جمس

[Jspec]

المازدا سمعتها سيئه لانه من موديلات 1990 لين 2010 كانت شركة فورد متحكمه فيهم وعمدا خسروا الشركة لصالح فورد .... لكن من موديلات 2011 وطالع تغيرت الجوده بالكامل ورجعوا مثل قبل واحسن لانه تم فصل الشراكه مع فورد وصارت مازدا شركة مستقله بروحها
اسعار معقوله وجوده ممتازه وتصاميم حلوه (وعلى فكره هالسنه دخلوا شراكة مع تويوتا لتصنيع سيارات مع تويوتا لموديلات 2020 ومابعد)

السوبارو ممتازه جدا ووكيلها في قطر ممتاز جدا جدا (هو نفسه وكيل الجمس) وعندهم موديلات حلوه (خصوصا الفورستر والليجاسي ستيشن)

شوف شركة سزوكي بعد يمكن عندهم شي مثل الفيتارا الجديد (فورويل ناعم حق المدن وارتفاعه زين عن المطبات) او دايهاتسو

[ابو عبدالله.]

الفورچنر تويوتا وايد زينه وشكلها حلو حتى لو صناعه اسيويه

الجوده عاليه مثل الهيلوكس وفيها اربع و سته سلندر وفورويل ومكيف زين

الامريكي سته سلندر اعطاله وايد وكمبيوتر وسالفه ما تبي تتسندر معاها

النيسان قطعه اغلى شوي من التويوتا . لكن زين الموتر

يضل التويوتا افضل بالنسبه لي كخيار

اسعارهم زينه للمستعمل. مثل البرادو و الفورچنر. الاجناب يبيعونهم بسعر حلو.
دور في موقع قطر ليفينج بتحصل وايد وموديلات 2016 و 2014 وفي اجدد و اقدم معروضين بالهبل

[ضوى]

الفورجنر بيدمرها الدريول لو انها كامري باقول اوكي بس هذي لا ماتصلح الا لاستخدام المرة الدريول بيدمرها وبيلخلخها

[بوخميس]

عندنا اكس تريل 2016

امورها طيبة وحرارتها عادية

ما فيها خراب وقطعها الاستهلاكية رخصية، وتقريباً نفس الالتيما من داخل

انصحك بها فيها نوعين دفع أمامي وفورويل

[ya3coub]

من فتره ادور سياره ببعض المواصفات ومادري اذا فيه او لا احتاج النصيحة لان تعبت وانا ادور كل ماحصلت سياره طلع فيها عيب او شي من الي ابيه ناقص



ابي سياره للدريول للبيت تكون عمليه

- نص فورويل ماتكون عاليه وايد عشان الشيبان
- فيها مكيفات ورا
- قويه وتتحمل
- سعرها مايتعدا 80 الف
- قطع غيارها متوفر ومب غاليه



شفت الراف فور الجديده مافيها مكيف ورا
شفت الفورتشنر الجديده لقيت صناعتها اندونيسيه
المازدا مايمدحونها الناس

النيسان اكس ترايل يقولون وخروا عن كل النيسان حرارتها ترتفع وعله


نصايحكم هل المواصفات الي ادورها متوفره في اي سياره؟؟؟

أخوي او اختي كرواتيا,

اول شي ذكرتو عملية و بعدها المواصفات كالأتي
- نص فورويل ماتكون عاليه وايد عشان الشيبان
- فيها مكيفات ورا
- قويه وتتحمل
- سعرها مايتعدا 80 الف
- قطع غيارها متوفر ومب غاليه

و بعد هالمواصفات قلتو لنا الي شفتوه و كلهم من الـــ"جديدة"

كسيارة جديدة بهالسعر ما ارشح إلا شركة رينو, اللي حالها من حال النيسان في عندهم سيارة الداستر و سيارة عملية جدا جدا جدا بس اللي اعرفه فالموديلات الحالية وقفو المكيف ورى و سعرها من الوكالة جديدة من خمسين الف ريال.

في اللي اكبر منها سيارة اسمها رينو كوليوس حلوة و عائلية و كشخه و فوقها مكيف ورى اشوفها احسن اختيار الجديدة منها بحدود الثمانين ألف ريال تحتها بشوي ابتدائا.



سيارة جديدة من الوكالة بضمانها و وكيلها المانع حالها من حال النيسان اشوفها انسب شي فالقيمة اللي تبيها

صور داخليتها