صفحة 1 من 2 12 الأخيرةالأخيرة
النتائج 1 إلى 10 من 15

الموضوع: استفسار : كريما مارفل سوري

  1. #1
    عضو
    رقم العضوية
    11121
    تاريخ التسجيل
    Sep 2006
    المشاركات
    190

    استفسار : كريما مارفل سوري

    السلام عليكم ورحمة الله وبركاته،،

    اخواني الاعزاء بغيت مشورتكم في رخام كريما مارفل السوري ..

    انا رحت حق شركة افاق للرخام والجرانيت عشان اسوي رخام الصاله والمجلس
    حابه نوع كريما مارفل الاسباني بس الموظف اقترح علي المارفل السوري شفت السامبل الي موجود
    روعه مايقل عن جمال الاسباني وهو شرح لي ان الجبال طبيعيه مالها علاقة وين موجوده في اي بلد الله خلقها في سوريا / ايطاليا / اسبانيا بس كلهم نفس الشي الي يفرق اليد العامله فقط

    وسعره طلع لي اقل من الاسباني نسيت كم المتر لكن التوتل 125 الف ولو كان اسباني بيزيد على السعر 30 الف تقريباً

    الزياده صراحه ماراح استخسرها لو كان النوع السوري مب زين لكن لو مافي فرق بركب سوري
    ياليت تفيدوني ياجماعة

  2. #2
    عضو نشط الصورة الرمزية $الملياردير$
    رقم العضوية
    7313
    تاريخ التسجيل
    Jan 2006
    المشاركات
    839
    هلا اختي الله يمسيك بالخير .... انا معلوماتي بالرخام قليلة وأتمنى الشباب يفيدونك او يصححون لي .... بس عمري ماسمعت انه في رخام كريما مارفل سوري .... الكريما مارفل اكثر نوع من انواع الرخام في لعبة وفية درجات وفيه تجاري درجات ودائما السعر يفرق اذا هو كات تو سايز من السلاب اقصد اي حجم تبين ... او 30/60 وهذا الحجم يكون اقل سعر ويكون تجاري ....الأهم من هذا كله انك تركزين على التوريد وطريقة وصول البظاعة عشان العملية جدا مملة بعد الحرب انا واجهتني مشاكل في توريد الحجر ... وصار تاخير أتمنى تكونين دقيقة في هذا الموضوع وترتبين دُفْعاتِك على حسب الشغل ... الالتزام عملة نادرة هالأيام .... انصح بموزعين أفضل للرخام في قطر لان في بعض الناس يخاف على سمعته لحد الان .... وهم كثر ..... وابيك تسألين عن الكريما مارفل التركي احتمال يكون هو اللي عرضة عليك ويكون سوري .... والعلم عند الله ....

  3. #3
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    عليكم السلام ورحمة الله وبركاته

    صحيح كلام اللي يبيع أو فيه شيء من الصح بس عيب الانتاج العربي هو الغش أو خلط الجيد بالسيء وأوقات السيء جداً

    الرخام ألواح وللأسف الباعة خصوصاً العرب يدخلون ألواح فيها شوائب وضعف أو يقصون منها .. أحد الاخوان ركب درابزين رخام مع أعمدة رخام وشغل غالي لكن وقت التركيب تفاجأ مركبين تحت لون بيج للأعمدة وفوق يميل للرصاصي

    هالشيء خلاني ضد الرخام نهائياً ومع البورسلان لثبات جودته وقوته وأكيد لكم القرار

    لو تبين وبتتفقين خليه يراويج العينات على الطبيعة قطعة قطعة ويحط عليها ستكر موقع منه ومنج إن هذا اللي بيتسلم في الموقع وينكتب في العقد .. بعدين يكتب طريقة التركيب والمواد اللي بتستخدم ويحدد المساحة على المخطط بوضوح والفترة الزمنية والدفعات والمعالجة اللي بتنعمل للرخام للسطح والحماية إن وجدت ونوعيتها

  4. #4
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    والمشكلة للي ركب للدرابزين إن الدرابزين مفتوح على الصالة كلها يعني يبين للجالس

    كذلك واحد اتفق على حجر وركب جزء كبير منه ووقف التركيب فترات طويلة بسبب عدم التوفر من سوريا .. والمقاول يبي فلوسه بالكامل قبل ليكمل .. وهو في الغالب تكلفته للحجر والشغل ما توصل 50% من قيمة العقد يعني ربحه صافي 50% غير عن الغش .. يعني لو خذ أي شيء فوق ال 50% ضمن ربحه وما يهمه كمل الشغل والا ما كمل ولا تهمه سمعته وصراحة ما ودي اقولها البلاد انتركت سمردحة حق كل من هب ودب لا قوانين رادعة ولا حق للي له حق يطلع ولا فيه ترخيص ولا فيه تدقيق عقود والمجال مفتوح للعمالة السايبة

    حتى أصحاب الحلال والتجار يعينون مدراء مبيعات أوقات ما يبيعون ويبيعون بضاعة ثانية بالباطن حق ناس من ربعهم وينفعون ربعهم ونفسهم وما ينفعون صاحب الحلال اللي ياخذون منه راتب

  5. #5
    عضو
    رقم العضوية
    47237
    تاريخ التسجيل
    Apr 2014
    المشاركات
    370
    عليكم السلام
    عن تجربة اختي انا ركبت رخام اسمه ديانو بيج اعتقد اسباني او إيطالي والله ناسي من عند الرخام الذهبي ( جلال ) اسم كبير وصاحب سمعه ومعروف في قطر
    الرخام الي ركبته شريته تقريبا من سنتين المتر كان 320 ريال
    التركيب 60 ريال بدون مواد
    انتي تجيبين المواد ( اسمنت + رمل )
    وهذي الأشياء أي حد يقدر يجيبها لج مب صعبه نفس ماتخليته انا في البداية
    والصراحه انا ارتحت من الشغل ومن التعامل معاه حتى اني خذت منه جرانيت المداخل من عنده + مغاسل
    في رخام نوع ثاني اسمه بوتشيني إيطالي وحلو بعد ونفس السعر تقريبا وفي أنواع غير بعد ابيض وغيره
    والشي الحلو ان اذا رحتي المصنع يرويج السلابات وانتي تختارين السلابات الي تبينها على ارض الواقع.
    واذا عطاج السعر كاسريه .
    واذا بغيتي رقمه برسله لج او أي حد يبغي يواصل معاه.
    لكن لازم تنبهينه عن أي شي تبغينه الألوان او أي شي ثاني يعني كوني حريصه وخلي يسجل الملاحظات المطلوبة.

  6. #6
    عضو نشط
    رقم العضوية
    2613
    تاريخ التسجيل
    Jul 2005
    المشاركات
    889
    اقتباس المشاركة الأصلية كتبت بواسطة Bo3essa مشاهدة المشاركة
    عليكم السلام
    عن تجربة اختي انا ركبت رخام اسمه ديانو بيج اعتقد اسباني او إيطالي والله ناسي من عند الرخام الذهبي ( جلال ) اسم كبير وصاحب سمعه ومعروف في قطر
    الرخام الي ركبته شريته تقريبا من سنتين المتر كان 320 ريال
    التركيب 60 ريال بدون مواد
    انتي تجيبين المواد ( اسمنت + رمل )
    وهذي الأشياء أي حد يقدر يجيبها لج مب صعبه نفس ماتخليته انا في البداية
    والصراحه انا ارتحت من الشغل ومن التعامل معاه حتى اني خذت منه جرانيت المداخل من عنده + مغاسل
    في رخام نوع ثاني اسمه بوتشيني إيطالي وحلو بعد ونفس السعر تقريبا وفي أنواع غير بعد ابيض وغيره
    والشي الحلو ان اذا رحتي المصنع يرويج السلابات وانتي تختارين السلابات الي تبينها على ارض الواقع.
    واذا عطاج السعر كاسريه .
    واذا بغيتي رقمه برسله لج او أي حد يبغي يواصل معاه.
    لكن لازم تنبهينه عن أي شي تبغينه الألوان او أي شي ثاني يعني كوني حريصه وخلي يسجل الملاحظات المطلوبة.
    السلام عليكم ورحمة الله وبركاته ..

    اختي شوق هذي نصيحة لج وببلاش، أفضل من تتعاملين معاه بالرخام بحدود ميزانيتج هو جلال (الرخام الذهبي) ..

    واغلب الشركات اللي تشوفينهم في قطر يوردون البضاعة من عنده وهذا بإلسانهم وبعد شفناهم عنده ..

    جلال بنقالي الجنسية ولكنه طيب جدا وأمين وصادق فالتعامل، عنده خيارات كثيرة (إيطالي، إسباني، تركي، عماني، ...... إلخ) ..

    قبل فترة كنت في مطار مسقط، لو تشوفين الرخام العماني اللي مركبينه والله تعوفين الإيطالي والاسباني اللي عندنا، نظيف جدا جدا ولونه بيج فاتح مايل للبياض ..

    اللي اذكره إن جلال عنده رخام اسباني كريما ماربل وسعره بحدود 180 ريال للمتر المربع ..

  7. #7
    عضو فعال الصورة الرمزية سعود.
    رقم العضوية
    48691
    تاريخ التسجيل
    Apr 2015
    الدولة
    قطر
    المشاركات
    3,545
    اقتباس المشاركة الأصلية كتبت بواسطة الســـهم مشاهدة المشاركة
    السلام عليكم ورحمة الله وبركاته ..

    اختي شوق هذي نصيحة لج وببلاش، أفضل من تتعاملين معاه بالرخام بحدود ميزانيتج هو جلال (الرخام الذهبي) ..

    واغلب الشركات اللي تشوفينهم في قطر يوردون البضاعة من عنده وهذا بإلسانهم وبعد شفناهم عنده ..

    جلال بنقالي الجنسية ولكنه طيب جدا وأمين وصادق فالتعامل، عنده خيارات كثيرة (إيطالي، إسباني، تركي، عماني، ...... إلخ) ..

    قبل فترة كنت في مطار مسقط، لو تشوفين الرخام العماني اللي مركبينه والله تعوفين الإيطالي والاسباني اللي عندنا، نظيف جدا جدا ولونه بيج فاتح مايل للبياض ..

    اللي اذكره إن جلال عنده رخام اسباني كريما ماربل وسعره بحدود 180 ريال للمتر المربع ..

    صادق الرخام العماني من اجود واقوى انواع الرخام .
    عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”

  8. #8
    عضو مؤسس
    رقم العضوية
    21272
    تاريخ التسجيل
    Jul 2008
    الدولة
    قطر
    المشاركات
    5,844
    ,

    ,

    مرحبا


    بالتوفيق لك

    تقريبا انا جربت اكثرالاأنواع الرخام الي بقطر والجرانيت
    بالمشاريع

    الفرق كبير بين الرخام الأوربي والرخام أمريكا الجنوبيه
    والرخام من الدول العربيه

    والي يقولك مافي فرق للأسف ما عنده الخبره الكافيه الفرق كبير بين السماء والارض

    الرخام الأوربي من صخور قويه جدا وهو صخور ناريه وجبالهم قاسيه جدا

    الرخام من الدول العربيه 90% منه صخور كلسيه ويصلح حجر للمباني
    وقليل منه يصلح ارضيات
    مشكلته ( يتحفر ) ويتغير لونه للأسف مع الوقت على شكل بقع

    السعودي والسوري والأردني ( ما انصح فيه نهائيا ) الا حجر للواجهات المبنى وليس للارضيات
    راح يخرب خلال 5 سنوات بالكثير

    العماني ( فيه أنواع جيده ) من خلال تجربه لداخل المنزل ارضيات

    اما افضلهم للرخام
    1\ الإيطالي ولاسباني

    2- أمريكا الجنوبيه

    3- التركي

    4- بعض أنواع العماني وبعض أنواع المصري

    5- الإيراني وهو اسواء الموجود

    6- السعودي والسوري والأردني ( ما انصح فيه ارضيات نهائيا )


    اما الجرانيت فهو ممتاز خاصه الأوربي وامريكا الجنوبيه والجرانيت الهندي والجرانيت الصيني
    وهو يستخدم للدرج والبرندات الخارجيه وفيه قدره عاليه على التحمل
    ما يتغير لونه ولا يمتص الاوساخ نهائيا


    النصيحه الاخيره
    نشتري من محل معروف لان الغش سهل جدا في الرخام حتى الخبير ممكن ينغش فيه
    عادي رخام عماني ويبيعونه على أساس انه ( اسباني )
    للأسف هذا يحصل في محلات قطر

    من الضروري الشراء من المحلات الكبيره المعروفه

    انا برشح لكم مكان اليوم اسمه

    ( مصنع جاما للرخام )

    https://www.youtube.com/watch?v=LdiZu7LhB7s

    شغل ولا أروع ومكينات حديثه وصاحب المصنع قطري متواجد فيه




    ,

    ,

  9. #9
    عضو نشط الصورة الرمزية blueZircon
    رقم العضوية
    14035
    تاريخ التسجيل
    May 2007
    المشاركات
    775
    الرخام عالم يسهل فيه الغش التجاري. نصيحتي لاتتعاملين مع محلات طريق سلوى . روحي لموزعيين الرخام اللي بالصناعيه. انصحج انج ماتطبين الصناعيه خاصه شوارع موزعين الرخام لانه الداخل منها مولود والخارج مفقود.

    خلي احد من اهلج يمر على موزعيين الرخام اللي بالصناعيه وتشوفون السلابات بعيونكم لانه الرخام اللي ينعرض بالمعرض شي واللي يوصلكم بعد الشراء شي ثاني تماما.

    انا ابتعدت عن الكريما مارفل لانه مايعجبني شكله صراحه ، عندج اشياء مقاربه منها وممتازه من ناخية المتانه ونشبة امتصاصها للماء. انا خذت حق بيتي رخام رويال بوتشينو التركي من محل الامانه للديكور. راعيه قطري والنعم فيه ومتواجد دايما بالمحل ويشرف بنفسه على الزباين.

    في نقطه مهمه جدا، لاتستخسرين بتركسب الرخام ابدا لانه في عماله تركي لج الرخام المتر ب 60 وفي ب 120 . تركيب الرخام فن واهم اكثر من الرخام نفسه.
    Apple's User

  10. #10
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    الواحد أفضل له يترك الدوشة هذي كلها ويتجه للبورسلان وفيه أسعار معقولة وأحجام كبيرة وأشكال رخامية والأهم تجانس ودرجة وحدة من المصنعية ولا يحتاج حماية ولا عناية خاصة

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •