كهرماء

[جبر ال جبر]

شي غريب عجيب طالبين توثيق العقد الايجار ودفع رسوم زياده ليش ان شاءالله ؟ شالفايده من التوثيق خلاص خله بلاش بدون رسوم ولا تتحمل الرسوم كهرماء ليش على عاتق المستاجر او المالك؟ ومن الي المفترض يدفع هنيه بعد المشكله الاكبر!!!
يليت الي حاط هالقرار ينشل او يدفع حضرته رسوم التوثيق

[جبر ال جبر]

ع فكره الموضوع جديد توه وصار الالزامي

[bohilal191]

شالسالفة فهمونا

[mersal]

شي غريب عجيب طالبين توثيق العقد الايجار ودفع رسوم زياده ليش ان شاءالله ؟ شالفايده من التوثيق خلاص خله بلاش بدون رسوم ولا تتحمل الرسوم كهرماء ليش على عاتق المستاجر او المالك؟ ومن الي المفترض يدفع هنيه بعد المشكله الاكبر!!!
يليت الي حاط هالقرار ينشل او يدفع حضرته رسوم التوثيق

كهرماء مالهم علاقه بالموضوع لاني قبل اربع شهور روحت اوصل كهرباء لشقتي جاتهم تعليمات من البلديه عدم توصيل كهرباء الا بوجود عقد اجار موثق من البلديه وهذا العقد يوثق بقيمه نص بالميه من قيمه الاجار السنوي والمفروض المالك هو الي يدفع،، وسبب توثيق العقد هو قانون الاجارات الجديد لحمايه المالك والمستاجر من اي خلاف ينتج بينهم واي عقد غير موثق القاتون الجديد بخالف المالك ولا ينظر بهذا الخلاف بلجنه فض المنازعات ،،

[مضارب دوسري]

كهرماء وطريقة ارسال الرسائل الفتره الاخيره

مجرد احساس ووجهة نظر شخصيه

اتوقع مستقبلا نبدا دفع رسوم على الكهرباء والماء

كل ما اتمناه ان تم تطبيق ذلك ان يكون فيه دعم للمواطنين بحيث تتقاسم الدوله دفع الفاتوره مناصفه

وان تكون مجانيه للمتقاعدين والضمان الاجتماعي

ادري شطحت بس هذا اللي اتوقعه والله اعلم

لان نشوفهم قاعدين يرتبون امور كثيره مثل القوائم والاسماء حتى البيوت اللي باسامي متوفين يتم نقل اسم البيت وما الى ذلك
كل هذا بدا يصير الفتره الاخيره ومن يوم استلمت اول رساله مذكور فيها القيمه بالريال وكمية الاستهلاك بديت اتجهز نفسيا لمثل هالامر

[بوخالد911]

كهرماء وطريقة ارسال الرسائل الفتره الاخيره

مجرد احساس ووجهة نظر شخصيه

اتوقع مستقبلا نبدا دفع رسوم على الكهرباء والماء

كل ما اتمناه ان تم تطبيق ذلك ان يكون فيه دعم للمواطنين بحيث تتقاسم الدوله دفع الفاتوره مناصفه

وان تكون مجانيه للمتقاعدين والضمان الاجتماعي

ادري شطحت بس هذا اللي اتوقعه والله اعلم

لان نشوفهم قاعدين يرتبون امور كثيره مثل القوائم والاسماء حتى البيوت اللي باسامي متوفين يتم نقل اسم البيت وما الى ذلك
كل هذا بدا يصير الفتره الاخيره ومن يوم استلمت اول رساله مذكور فيها القيمه بالريال وكمية الاستهلاك بديت اتجهز نفسيا لمثل هالامر

الرسايل اللي تجيك منهم الهدف هو توعية أفراد الشعب القطري وبيان كمية وحجم الاستهلاك.

وكأنها رسالة بشكل غير مباشر اللي استهلاكهم فوق المعدل الطبيعي ، بضرورة تقليل الاستهلاك.

[جبر ال جبر]

كهرماء بدايتها كانت قويه ومطوره وعقب فشلت ،، موضوع توثيق العقد ماله داعي ياخي في عقد بيني وبين شخص خلاص انت كهرماء لك تاخذ تامينك 2000 ريال بس تبي توثيق خلاص انت روح واخذ الطلبات ووثق بحساب كهرماء انا مالي علاقه كمالك عقار او حتى مستاجر موضوع حفظ الحق ماتوقع ختم بيحفظ حقي واذا كان صحيح خله بشي رمزي شنو 1 %او حتى نص ف الميه مخاشرني بحلالي! ولا ضريبه هذي مقنعه انا تتخرب صفقات بيني وبيين مستاجرين لهذا السبب مايصير بعد في كل شي ندفع وش المقابل لذلك!

[مضارب دوسري]

الرسايل اللي تجيك منهم الهدف هو توعية أفراد الشعب القطري وبيان كمية وحجم الاستهلاك.

وكأنها رسالة بشكل غير مباشر اللي استهلاكهم فوق المعدل الطبيعي ، بضرورة تقليل الاستهلاك.

اتمنى ان هذا القصد فقط

[معماري قطري]

الرسايل اللي تجيك منهم الهدف هو توعية أفراد الشعب القطري وبيان كمية وحجم الاستهلاك.

وكأنها رسالة بشكل غير مباشر اللي استهلاكهم فوق المعدل الطبيعي ، بضرورة تقليل الاستهلاك.

كان عندهم فائض كهربي ويصدرون للجيران الضارين ما ادري شالوضع الحين

بعدين كهرماء تتكلم عن الترشيد وتحط ليتات شكثر على المحطات الفرعية

بعدين انتاج الكهرباء مرتبط بانتاج المياه وتحليتها وانتاج الكهرباء ما يتخزن وما ادري وشي الآلية لو يتخزن قليل منه لموازنة الضغط الاستهلاكي

وبعد بعدين المفروض يشوفون حلول اقتصادية مثل مدينة الطاقة الشمسية اللي كانوا يقولون عنها بتكون الأكبر في العالم

مستغرب ليش ما يسوون الخلايا الشمسية تغطي الشوارع بطريقة معلقة منها تظلل الشوارع ومنها استهلاك الكهرباء قريب للشوارع .. في دول اوروبية تم عمل تدفئة خاصة للشارع وقت الثلج لإذابته بالطاقة الشمسية المخزنة وكذلك للإضاءة ولإشارات المرور

[معماري قطري]

بعض المباني تم عمل مواقف لها مظللة بخلايا الطاقة الشمسية وتساهم في تقليل استهلاك المبنى وكذلك عندنا مساحة مظللة للسيارات واعتقد هذا بيكون حل مناسب بدل المظلات القماشية اللي تسرب مطر وتتشقق بسرعة

سمعت من شخص مطلع وشغال في الاعداد من سنوات عن بداية انتاج لهذه الخلايا وتصنيع في قطر وان التصدير بيكون ممكن بس ما شفت شيء للحين