كهرماء

[Riku3]

موضوع توثيق العقود قديم صارله سنوات .. والمحاكم ما كانت تستقبل اي شكوى بدون توثيق العقد .. ونفس الشي صار في تشديد على موضوع تأشيرات الاهل للاجانب وضرورة ان يكون عنده عقد ايجار موثق ..

"الضريبة" او "الرسوم" كانت في السابق تبتدي من 1% وتزيد كغرامة لين 2.5% حسب التأخير .. ولكن الان تم تخفيض توثيق العقود الى 0.5% ولكن صارت غرامة تأخير التوثيق 10,000 ريال !! .. يعني انت يا مالك لو ما صدقت العقد وتبي تشتكي على الي نصب عليك لازم تدفع للبلدية 10,000 ريال علشان ختم ..

المشكلة الان صارت ان كهرماء ما تقبل توصيل اي كهرباء لحين توثيق العقد وهذا صار ضد المالك للاسف لاني في السابق ما كنت اسلم المفتاح الا لما يحول الكهربا باسمه علشان اضمن حقي ..
اما الحين هو يسكن وعقب لين اوثق العقد بسبب اجرائات البلدية البطيئة والسيئة .. تتم الكهربا باسمي وتجيني فواتير وازعاج ورسايل انذارات قطع الكهربا عن الشقق .. والموضوع مب ذنبي ولكن من البلدية لان مب فاضي انا كل كم اسبوع اروح اتنقع في بلدية الدوحة علشان 3 او 4 عقود .. والا اطرش مندوب يذلونه وما يعطونه وجه لين يخلص .. وكل ما شخص طلع من الشقق والا عقد جديد لازم اسوي كل هاي من اول !! ..

بلدية الدوحة شغلهم بطيء وبدائي بشكل لا يوصف .. تروح تحصل زحمة والموظفين يتأخرون .. ووايد يقومون من على مكاتبهم والارقام ما تتحرك .. واماكن انتظار الزوار بعيد عن الكاونترات وتضيع وقت .. واجرائاتهم غريبة وروتينية ، واحد يدخل البيانات ويطرشك حق عامل يختم الاوراق وعقب تروح حق واحد يسجل البيانات على الختم .. وعقب تروح حق المدير يوقعلك الاوراق .. عسى ما شر 2018 وعايشين بعقلية 1993 .. بكل سهولة كان كل هذا يتم اونلاين مثل انظمة وزارة الداخلية الممتازة وتنتهي السالفة ..

ونفس العقلية في كهرماء .. موظفين تدريبهم ناقص وهالشي واضح لاي شخص يضطر ان يخلص اي معاملة في الرئيسي عندهم .. بس الفرق ان ديكور كهرماء احلى ..

انا مب ضد دفع رسوم مقابل تنظيم العملية لان في امور كثيرة مترتبة عليه في اكثر من جهة ..
لكن اتمنى اشوف شي على ارض الواقع مقابل هالرسوم من البلدية .. مثل تصفية البيوت المقسمة او مخالفة الي مأجرين ملاحق بشكل غير قانوني .. مب تعاقبوني كمالك بسبب بعض الاجانب الي يحطون كهرباء باسهم علشان يطلعون فيزة .. فوضع الرسوم بهالطريقة ما بتمنعهم لان ممكن يسويها ويدفع هالرسوم وبعد ما يخلص من استخراج الفيزة يتم فسخ العقد .

[معماري قطري]

لا تنسى يا بوجبر تدفع 1 % من قيمة الايجار حسب مدة العقد

مثل ماقلت 30 ألف تطلع في السنة 360 ألف تدفع عليها 3600

لو العقد 3 سنين يعني تدفع 3600 × 3 = 10800

أدفع 10800 عشان ختم وأقدر أشتكي في المحاكم !!!!!

ذكروني باللي يقول حتدفعوا يعني حتدفعوا

[معماري قطري]

القانون فيه ثغرات وبعض الساكنين يستغلونها في صالحهم والمفروض البلدية تنظر في إعادة صياغته

[جبر ال جبر]

تحديث للموضوع ...ارسلت المستاجر للبلديه وعطيته مبلغ التوثيق وقلت انا بدفعه وامري لله يوم راح قالوله انت عقدك من شهرين قالهم اي قالو تعال تدفع غرامه 10000 لانك متاخر قلت والله الشرهه على الي ابي اصير نظامي اتفقت مع المستاجر الكهرباء يبقى بسمي واذا فيه فواتير يدفعها*ووافق

[جبر ال جبر]

موضوع توثيق العقود قديم صارله سنوات .. والمحاكم ما كانت تستقبل اي شكوى بدون توثيق العقد .. ونفس الشي صار في تشديد على موضوع تأشيرات الاهل للاجانب وضرورة ان يكون عنده عقد ايجار موثق ..

"الضريبة" او "الرسوم" كانت في السابق تبتدي من 1% وتزيد كغرامة لين 2.5% حسب التأخير .. ولكن الان تم تخفيض توثيق العقود الى 0.5% ولكن صارت غرامة تأخير التوثيق 10,000 ريال !! .. يعني انت يا مالك لو ما صدقت العقد وتبي تشتكي على الي نصب عليك لازم تدفع للبلدية 10,000 ريال علشان ختم ..

المشكلة الان صارت ان كهرماء ما تقبل توصيل اي كهرباء لحين توثيق العقد وهذا صار ضد المالك للاسف لاني في السابق ما كنت اسلم المفتاح الا لما يحول الكهربا باسمه علشان اضمن حقي ..
اما الحين هو يسكن وعقب لين اوثق العقد بسبب اجرائات البلدية البطيئة والسيئة .. تتم الكهربا باسمي وتجيني فواتير وازعاج ورسايل انذارات قطع الكهربا عن الشقق .. والموضوع مب ذنبي ولكن من البلدية لان مب فاضي انا كل كم اسبوع اروح اتنقع في بلدية الدوحة علشان 3 او 4 عقود .. والا اطرش مندوب يذلونه وما يعطونه وجه لين يخلص .. وكل ما شخص طلع من الشقق والا عقد جديد لازم اسوي كل هاي من اول !! ..

بلدية الدوحة شغلهم بطيء وبدائي بشكل لا يوصف .. تروح تحصل زحمة والموظفين يتأخرون .. ووايد يقومون من على مكاتبهم والارقام ما تتحرك .. واماكن انتظار الزوار بعيد عن الكاونترات وتضيع وقت .. واجرائاتهم غريبة وروتينية ، واحد يدخل البيانات ويطرشك حق عامل يختم الاوراق وعقب تروح حق واحد يسجل البيانات على الختم .. وعقب تروح حق المدير يوقعلك الاوراق .. عسى ما شر 2018 وعايشين بعقلية 1993 .. بكل سهولة كان كل هذا يتم اونلاين مثل انظمة وزارة الداخلية الممتازة وتنتهي السالفة ..

ونفس العقلية في كهرماء .. موظفين تدريبهم ناقص وهالشي واضح لاي شخص يضطر ان يخلص اي معاملة في الرئيسي عندهم .. بس الفرق ان ديكور كهرماء احلى ..

انا مب ضد دفع رسوم مقابل تنظيم العملية لان في امور كثيرة مترتبة عليه في اكثر من جهة ..
لكن اتمنى اشوف شي على ارض الواقع مقابل هالرسوم من البلدية .. مثل تصفية البيوت المقسمة او مخالفة الي مأجرين ملاحق بشكل غير قانوني .. مب تعاقبوني كمالك بسبب بعض الاجانب الي يحطون كهرباء باسهم علشان يطلعون فيزة .. فوضع الرسوم بهالطريقة ما بتمنعهم لان ممكن يسويها ويدفع هالرسوم وبعد ما يخلص من استخراج الفيزة يتم فسخ العقد .

صدقت وهذا الحاصل واليوم المستاجر لو تقوله ادفع 500 ريال بس حق توثيق ولا رسوم قالك بطلع مع السلامه الامر الاخر والله اني دافع توثيق عقد من حسابي الشخصي فوق 4500 ريال من كم سنه اذكر في شهر 7 عشان اقدر ارفع دعوى على نصاب هارب برا الدوله وقالي واحد ونصحني قالي لاتخسر فلوسك طعيني يعني فوق انه كم شهر مادفع لك الايجار وخسرك وخرب عقارك بعد الحين بتخسر فلوسك ع محامي وعلى رسوم محكمه وع رسوم توثيق عقد ايجار ويليت بيرجع لك شي ترى انت تقط فلوسك ف البحر مافي فايده وكلامه كله صح وعقب جاني مستاجر جديد ونفس العقار وقلت لهم ياجماعه توني دافع فوق 4500 قيمه ختم يعني لايفيد ولاينفع خلاص انا نفس المالك ونفس العقار وتوني دافعها حق سنه خلاص ليش اسدد من جديد قالو هذا عقد يديد تغير اسم المتساجر ادفع؟
اتمنى من الدوله ومن الحكومه بالتحديد ومن الشيخ عبدالله بن ناصر ريس الوزراء بالغاء النسبه ويخلون قيمه التوثيق مبلغ رمزي والغاء موضوع الغرامه 10000 ياخي احنا في حصار وازمه سياسيه وفي مشكله حقيقه تواجه رجال الاعمال بشكل عام لازم اليوم الدوله تكون سند وعون لنا في اجتياز هالازمه بس تزيد الطين بله بسبب اقتراح فاشل من احد المسؤلين يضر شريحه كبيره من ملاك العقارات ويسبب ربكه في السوق احنا في غنى عنها

[Riku3]

تحديث للموضوع ...ارسلت المستاجر للبلديه وعطيته مبلغ التوثيق وقلت انا بدفعه وامري لله يوم راح قالوله انت عقدك من شهرين قالهم اي قالو تعال تدفع غرامه 10000 لانك متاخر قلت والله الشرهه على الي ابي اصير نظامي اتفقت مع المستاجر الكهرباء يبقى بسمي واذا فيه فواتير يدفعها*ووافق

صار معاي نفس الشي .. غيرت اول ورقة من العقد ( الي فيها تاريخ العقد ) ووقعته مره ثانية ونفس اليوم رجعت للموظف كأنه عقد جديد وخلصتها ..

عقلية الغرامات الخرافية هذي مب موجودة الا عندنا استغفر الله .

[Riku3]

صدقت وهذا الحاصل واليوم المستاجر لو تقوله ادفع 500 ريال بس حق توثيق ولا رسوم قالك بطلع مع السلامه الامر الاخر والله اني دافع توثيق عقد من حسابي الشخصي فوق 4500 ريال من كم سنه اذكر في شهر 7 عشان اقدر ارفع دعوى على نصاب هارب برا الدوله وقالي واحد ونصحني قالي لاتخسر فلوسك طعيني يعني فوق انه كم شهر مادفع لك الايجار وخسرك وخرب عقارك بعد الحين بتخسر فلوسك ع محامي وعلى رسوم محكمه وع رسوم توثيق عقد ايجار ويليت بيرجع لك شي ترى انت تقط فلوسك ف البحر مافي فايده وكلامه كله صح وعقب جاني مستاجر جديد ونفس العقار وقلت لهم ياجماعه توني دافع فوق 4500 قيمه ختم يعني لايفيد ولاينفع خلاص انا نفس المالك ونفس العقار وتوني دافعها حق سنه خلاص ليش اسدد من جديد قالو هذا عقد يديد تغير اسم المتساجر ادفع؟
اتمنى من الدوله ومن الحكومه بالتحديد ومن الشيخ عبدالله بن ناصر ريس الوزراء بالغاء النسبه ويخلون قيمه التوثيق مبلغ رمزي والغاء موضوع الغرامه 10000 ياخي احنا في حصار وازمه سياسيه وفي مشكله حقيقه تواجه رجال الاعمال بشكل عام لازم اليوم الدوله تكون سند وعون لنا في اجتياز هالازمه بس تزيد الطين بله بسبب اقتراح فاشل من احد المسؤلين يضر شريحه كبيره من ملاك العقارات ويسبب ربكه في السوق احنا في غنى عنها

عندي 3 قضايا من 2009 محكوم فيهم بعد سنتين من الجلسات والي شاكي عليهم خارج البلاد ومع هذا خذت سنتين .. وطبعا ما شميت ريحة الفلوس ولا بشوفها ..

تصدق من الاحباط مره واحد ما دفع الاجار 3 شهور وشكله مطول .. من المبلغ صك 20 الف اتفقت معاه يطلع من العقار بس وبنسى الفلوس .. لهالدرجة القوانين ضدك انك تتخلى عن فلوسك للنصاب بس علشان يرجعلك حلالك ..

وقبل سنة واحد ما دفع 3 شهور .. قلت خلني اجرب ارفع عليه بنفسي بمحكمة الايجارات لان الامور تطورت عندهم وصاروا اسرع ..
حضرت الجلسة ووضحت بالادلة ان قاعد في الشقة ورافض يوقع على تجديد العقد الجديد وما سلمني ريال واحد لمدة 3 شهور .. تصدق القاضي رفض القضية وشطبها لاني ما كتبت كلمة "شركة ذات مسئولية محدودة" في كتاب طلب الدعوة ؟ مب حرام ؟! .. عقب سلمتها حق محامي :/ .

[MAZEN37]

عندي 3 قضايا من 2009 محكوم فيهم بعد سنتين من الجلسات والي شاكي عليهم خارج البلاد ومع هذا خذت سنتين .. وطبعا ما شميت ريحة الفلوس ولا بشوفها ..

تصدق من الاحباط مره واحد ما دفع الاجار 3 شهور وشكله مطول .. من المبلغ صك 20 الف اتفقت معاه يطلع من العقار بس وبنسى الفلوس .. لهالدرجة القوانين ضدك انك تتخلى عن فلوسك للنصاب بس علشان يرجعلك حلالك ..

وقبل سنة واحد ما دفع 3 شهور .. قلت خلني اجرب ارفع عليه بنفسي بمحكمة الايجارات لان الامور تطورت عندهم وصاروا اسرع ..
حضرت الجلسة ووضحت بالادلة ان قاعد في الشقة ورافض يوقع على تجديد العقد الجديد وما سلمني ريال واحد لمدة 3 شهور .. تصدق القاضي رفض القضية وشطبها لاني ما كتبت كلمة "شركة ذات مسئولية محدودة" في كتاب طلب الدعوة ؟ مب حرام ؟! .. عقب سلمتها حق محامي :/ .

هذا الموقف يصير كثير وتضيع حقوق المالك
علشان كذا
لازم قانون سريع ومن كهرباء
وهو
الحق للمالك قطع التيار الكهربائي على المستأجر فورا في حالة اثبت المالك عدم دفع الايجار
ملاحظه طلب توثيق العقار من كهرماء لازم يكون بمقابل وهو التعاون مع المالك وفي هذه الحاله بيخف الضغط على المحاكم لانه المستأجر بيلتزم وبيخاف
المشكله انه حلول المشاكل سهله جدا لكن لازم نعقد حياتنا

[جبر ال جبر]

صار معاي نفس الشي .. غيرت اول ورقة من العقد ( الي فيها تاريخ العقد ) ووقعته مره ثانية ونفس اليوم رجعت للموظف كأنه عقد جديد وخلصتها ..

عقلية الغرامات الخرافية هذي مب موجودة الا عندنا استغفر الله .

انشهد انك صادق المشكله مب في العقليات الي تقترح هذي عقليات نظريه و فلسفيه قاعد تحت المكيف ويدور في قوانين خارج الدوله ويشوفها مناسبه بدون مراعاه الظروف البيئيه عندك قبل التطبيق المشكله في الي ينفذ ويقولك اسمحلي قانون .. تقوله طيب بدفع الرسوم امري لله يقولك لا صبر عليك مخالفه!! زين ياخي انت تسكر عين تفتح عين الاسبوع قضى ياخي صيف اعياد ياخي مسافر المستاجر مايبي يدفع ريال واحد انا الي بدفع يقولك مالي شعل سستم المفروض تعاون وثيق تسوده الموده والاحترام مابين موظف الدوله مع المواطن ويحاول باقصى درجه ممكنه التعاون وياه،،،،،

[جبر ال جبر]

هذا الموقف يصير كثير وتضيع حقوق المالك
علشان كذا
لازم قانون سريع ومن كهرباء
وهو
الحق للمالك قطع التيار الكهربائي على المستأجر فورا في حالة اثبت المالك عدم دفع الايجار
ملاحظه طلب توثيق العقار من كهرماء لازم يكون بمقابل وهو التعاون مع المالك وفي هذه الحاله بيخف الضغط على المحاكم لانه المستأجر بيلتزم وبيخاف
المشكله انه حلول المشاكل سهله جدا لكن لازم نعقد حياتنا

الطيب لو يقطع المالك الكهرباء ع المستاجر انقلبت القضيه عليه حتى كهرماء نفس الشي والحين في مستاجرين يرجعون الكهرباء وهي مقطوعه بدون الرجوع لكهرماء وكهرما عندها خبر والي ياكلها المالك مع اني لو اكتب كتاب اخلاء مسؤليه يقولون لي وثق عقدك بعد،، او مستاجر اخر يدفع الفواتير ويقعد بدون يدفع لك انت كمالك ايجارك ،،، يعني يقدر يطلع له مخرج فهذا مش حل الموضوع الي تتكلم فيه صحيح فيه علاقه غير مباشره بالموضوع بس احنا بصدد الان موضوع هام ليش التوثيق شنهي فايدته عددلي الفوائد من ختم يعني الختم هو الي بياكد للدوله انه فيه مستاجر! زين احنا 40 سنه ناجر بدون توثيق والامور طيبه شيك رجع نقدمه للعاصمه وانتهى الامر ويطلع المستاجر الحين بندفع لك توثيق العقد موضوع الغرامه ليش بعد ان شاءالله اقدر اغير التاريخ وانادي المستاجر ونغير تاريخ العقد بس ليش تحطني في هالموقف وكاني اتحايل!