شالانسب برايكم الايفون او السامسونج

[نفسي عزيزه]

الله يجزاك خير .. اخجلتم تواضعي!

للعلم ترى كلامي ذي من تجربة للاندرويد من بداية ظهوره و للحين .. تقريبا أي تطبيق بتحصله في الاندرويد و غالبا مجاني عكس الايفون و برامجه اللي أكيد تحصل منها الممتاز لكن غير مجاني و احيانا ما يتوفر خارج أمريكا .. غير انك تقدر تنزل البرامج بدون الاعتماد على موقع الشركة .. و غيرها من المميزات و أهمها وجود ترقية حقيقية في المواصفات الفنية في الجوال عن اللي قبله و هذا عكس الايفون تماما اللي التغييرات بسيطة و ما تنذكر!

ما اقول الايفون مب مميز .. فيه ميزات لكنها محدودة و خاصة على مستوى الجهاز كجهاز .. اما بخصوص نظام التشغيل فميزاته جيدة لكنه مب مرن للمستخدم الخبير اللي مثلي (<< وخروا عن الهكر!!)

ويجزيك بالاحسن يارب
هههههههه مدير حقيقي انت

والله يالغالي المفروض حد فاهم مثلك فهالانظمه ينزل بين فتره وفتره موضوع اتنقشر فيه هههه او يعني بطريقه حلوه عن النظام او البرامج او اي شي مميز بالاندرويد عشان الناس تعرف شالي صاير واتعود من كثر ماتشوف المواضيع

لان انت مثقف وعارف ان ربعنا بقطر حب التقليد واحد خذ تميمه تكرم الكل وراه
واحد كذ كروزر الكل وراه مع العلم وايد فورويلات ونعل الله يعزك بس احنا اذا مسكنا الشي تعال شيله عنا هههههه

الكزس وصلت نص مليون والعالم دبغ فيها الفكسار وصل ثلاثميه وشي والعالم ضرب نعل عليه

ثلاثميه وشي اخذ الرنج اقل مواصفات العادي ابرك هههههه

الموضوع والخلاصه نحتاج تثقيف لنا كلنا وانا اولهم

تسلم يالمدير انت كذا —->

[معماري قطري]

موجود حاليا بشارع ال شافي بمحل الدكتور حمود اسم المحل دكتور فون بس ماعرف الاسعار بكم

انا يا اخوي مب مستعجل يجي على راحته وأقنعني ولدي بأن الدفعات الاولى تكون صناعة أمريكية بعدين يجي صيني .. وهو سوى الطلب ودفع

[الحياة الخالدة]

هذا هو الصراع الأزلي بين الاثنين ههههههههههه

http://www.qatarshares.com/vb/showth...4%CC%ED-%BF%BF

[لبيبة]

انا يا اخوي مب مستعجل يجي على راحته وأقنعني ولدي بأن الدفعات الاولى تكون صناعة أمريكية بعدين يجي صيني .. وهو سوى الطلب ودفع

كله Designed in California, Made in China

لو صناعة أمريكية، سعره بيكون مضاعف،

ومبروك مقدما.

[SouthK]

ويجزيك بالاحسن يارب
هههههههه مدير حقيقي انت

والله يالغالي المفروض حد فاهم مثلك فهالانظمه ينزل بين فتره وفتره موضوع اتنقشر فيه هههه او يعني بطريقه حلوه عن النظام او البرامج او اي شي مميز بالاندرويد عشان الناس تعرف شالي صاير واتعود من كثر ماتشوف المواضيع

لان انت مثقف وعارف ان ربعنا بقطر حب التقليد واحد خذ تميمه تكرم الكل وراه
واحد كذ كروزر الكل وراه مع العلم وايد فورويلات ونعل الله يعزك بس احنا اذا مسكنا الشي تعال شيله عنا هههههه

الكزس وصلت نص مليون والعالم دبغ فيها الفكسار وصل ثلاثميه وشي والعالم ضرب نعل عليه

ثلاثميه وشي اخذ الرنج اقل مواصفات العادي ابرك هههههه

الموضوع والخلاصه نحتاج تثقيف لنا كلنا وانا اولهم

تسلم يالمدير انت كذا —->

لا ترفع لي ترى أصدق!!

المسألة مسألة ذوق شخصي .. الايفون شريت منه أول اصدار و قعد معاي يوم عقب الجيلبريك (لانه كان كا يشغل اي شريحة غير شريحة شركة at&t الامريكية) عقب حذفته بسبب عمر البطارية و النظام اللي كل شي فيه مسكر!!

اللي يستخدم الايفون متمسك فيه لأنه تعود عليه مب لأن الجهاز زين .. اذا على المواصفات ممكن تسوي تلفونك الخاص بمواصفات عالية و يكون سعره اقل من اي جوال مشهور!

مسألة التقليد مب بس في قطر لكنها في كل مكان و لان مجتمعنا صغير فالتقليد ظاهر بشكل اكبر .. احنا للاسف كسالى جدا حتى في امورنا الشخصية و اعتمادنا على المألوف من باب انه هذا المتوفر و هذا غلط كبير .. اسمع وايد كلمة "أبغي افتك" كأن اي شي يسويه الشخص صاير ثقيل على نفسه مب كأنه له و بإختياره و لمصلحته!

بما انك جبت طاري التويوتا فبقول لك موقف صار في شركة التويوتا .. كنت رايح الشركة سنة من السنين و ناوي على vxr و كان سعره ذاك الوقت على ما اذكر 180 ألف فقلت للموظف و كان أخ عزيز عن سبب رفع السعر و اجاب بكلمة سهلة اوجزت كل النقاش: لأن احنا نقدر! و في الاخير ما خذت الموتر و من عقبها ما قربت جنب التويوتا أبدا مب عيب في السيارة و لا من قلة فلوس لكن دام السعر يحدده مزاج التاجر فما لي حاجة به و عن نفسي مب كل شي دارج امشي وراه!

للعلم كلمة الشيك المفتوح و الصيانة السهلة هدمها رفع سعر السيارة السنوي و لو تشوف شركات ثانية بتلاقي خدمة معقولة بسعر مقارب للصيانة و مواصفات ممتازة للسيارة بسعر تنافسي و حال السيارات هو نفسه حال الجوال! و أخص بالكلام ذي شركة الميسان مع اني لي معاهم مواقف سلبية لكن الحق يقال.

و اشكرك على كلمتك الطيبة و لي بإذن الله موضوع باذكر فيه برامج للجوال السامسونج و عسى يفيد الاعضاء.

[SouthK]

هذا هو الصراع الأزلي بين الاثنين ههههههههههه

http://www.qatarshares.com/vb/showth...4%CC%ED-%BF%BF

الاندوريد و بس!!