مكافحه الحشرات الفليت شنو تنصحوني

[ya3coub]

السلام عليكم و رحمة الله و بركاته,



أشلونكم جميعا بما انه خبرتي فالألكترونيات و السيارات.

أكيد في مجموعة كبيرة من رواد المنتدى معلوماتهم احسن مني من ناحية الفليت "مكافححه الحشرات"

الأهل مسافرين هالويك اند و ادري الوقت ضيق و ودي اسوي فليت للبيت كامل المشكلة جيكت الوسيط في انواع بالهبل و احترت بينهم في من 450 ريال لين 8000 ريال.

اللي يقول فيران غير عن النمل غير عن الزهيوية سوائا صغار او كبار.!!!

المهم انه ابي اسوي كلشي بودر و دخان و مرش و الخ المهم انه مافي اشي يدخل البيت, و فرصه محد فالبيت استغل الويك اند بهالشي.

شوركم و معلوماتكم اكيد بتفيدني.

فيلا طابقين و بنت هاوس و الحوش

[لبيبة]

وعليكم السلام ورحمة الله وبركاته،

كلم البلدية بيجون يرشون لك.

[الحياة الخالدة]

ينقل للحوار العام مؤقتاً ليطلع عليه أكبر عدد من الأعضاء

[sara jsm]

وعليكم السلام اخوي يعقوب ...


لوتجيب البلدية نفسها افضل لان دواهم قوي ..
اما الشركات اللي مليانه في الوسيط اغلبهم مصاروه وسوري على هالكلمة نصابين درجة اولى ...
اذا تعرف شركة فيها هنود او فلبن وحد مجربهم فممتاز ..
:
واماكن الرش يكون الله يعزك البواليع الرئيسيه والفرعيه وايضا الحمامات ..
والدخان ممكن للمجالس ...
اما غرف النوم والمطابخ ماانصحك ... لازم راعية البيت تكون موجودة ..
احنا نفرغ كل الكباته من المواعين وعقب نرش المطابخ ... فصعبه على حد مثلك هالامر..

[ya3coub]

وعليكم السلام ورحمة الله وبركاته،

كلم البلدية بيجون يرشون لك.

ألابلكيشن فجوال الوالد و اهو مسافر مو فالدوحة للأسف تواصلت معاهم قالولي عن طريق الابلكيشن الحين صار كلشي الكتروني.

[ya3coub]

ينقل للحوار العام مؤقتاً ليطلع عليه أكبر عدد من الأعضاء

أشكرج أختي الحياة

وعليكم السلام اخوي يعقوب ...


لوتجيب البلدية نفسها افضل لان دواهم قوي ..
اما الشركات اللي مليانه في الوسيط اغلبهم مصاروه وسوري على هالكلمة نصابين درجة اولى ...
اذا تعرف شركة فيها هنود او فلبن وحد مجربهم فممتاز ..
:
واماكن الرش يكون الله يعزك البواليع الرئيسيه والفرعيه وايضا الحمامات ..
والدخان ممكن للمجالس ...
اما غرف النوم والمطابخ ماانصحك ... لازم راعية البيت تكون موجودة ..
احنا نفرغ كل الكباته من المواعين وعقب نرش المطابخ ... فصعبه على حد مثلك هالامر..

أختي سارة الله يعطيج العافية عامل حساب هالشي الخدامات موجودين و خواتي بعد كلنا بنتساعد, بس حبيت اعرف من جرب اما مال الحكومة تقريبا مرة فالسنة او كل سنتين الوالد كان يجيبهم.

احنا قلنا علشان نريحهم و ايضا تكرمون حصلنا فالحمام زهيوي طالع يمكن من الحر ولا العادة خير شر ما انشوف شي فالبيت فقررنا انسوي هالشي احتياط و بنفس الوقت الوالد ما يشيل همه لما يرجع

[سعود.]

هذا حل نهائي لكافة الحشرات والفأران والروائح المجاري
ويفضل تنفيذه وقت البناء
حاليا تحتاج تكسير .

https://youtu.be/xV3rSIQIp1Q

[لبيبة]

ألابلكيشن فجوال الوالد و اهو مسافر مو فالدوحة للأسف تواصلت معاهم قالولي عن طريق الابلكيشن الحين صار كلشي الكتروني.

عادي حط الابلكيشن في جوالك وادخل ببطاقتك الشخصية واطلب منه.

[بومحمد55]

أذا تبي نصيحة مجرب

أنا جربت مبيدات الشركات وجربت مبيد البلديه مامنهم فايده

روح المحلات البيطرية وقولة أبي الجره سعره تقريباً 70 أو 80 ريال أخذه وأذا عندك صبيان في البيت عطههم وخلهم يرشون في المناهيل وزوايا البيت

والأماكن اللي أنت تبيها وشوف النتيجه لما ترجع .

بتشوف المعازيم مسدحين في كل مكان .

هذا من واقع تجربة

[بوخالد911]

ممكن تطلب الباس وورد حق الوالد وتدخل انت وتطلب

المحلات التجارية هدفها فلووووسك وبس
والغالبية حرامية وبياعين كلام وخاصة اللي يقولك : القضاء نهائيا !!!!!

لو اضطريت للشركات
ابعد عن المصريين الحرامية !!