الله
عيل فلوسكم شكنتوا تسوون فيها؟
انا كنت اذا ما افسفس فلوسي قبل نص الشهر ما ارتاح!!
والحين لا الادمان زاد
صرت اجابل الكمبيوتر واطلب اون لاين
اما امازون او علي بابا
واطلب اي شي اللي احتاجه واللي ما احتاجه
حتى مره طلبت من امازن uk مشط حق لحيتي وشواربي سعره £5.49
ويوم وصل تفاجأت انه صغير لدرجة انه حتى ما يصلح حق الحواجب
يالله الواحد يتعلم من تجاربه
ههههههههههه
احنا كنا نخش فلوسنا تحت البلاط
تُنسى ، كأنَّكَ لم تَكُنْ ..
انا ما اشتري الا شيء محتاجه وبتخطيط مسبق والحمد لله تقاعدت وانا ما عندي الا قروض حسنة من الدولة قرضين خلصتهم وباقي الإسكان مال أول 2000 ريال كل شهر
تصدق توزيعات البورصة للحين عندي في حساب سحبت منها مبلغ بسيط دخلته السوق بعد والباقي على جنب وحسابي مال الراتب اعطي منه العيال خصوصاً اللي ما يشتغل ولصرف البيت بس يبقى منه بين الثلث والنص أحياناً ولازم بتطير التحويشة هالأيام محتاجين سيارة
أما المشط خدعة