مشاركة روعة يبو ناصر ..يعطيك العافية
احمد ربك ماخلتك في البيت القديم
تُنسى ، كأنَّكَ لم تَكُنْ ..
من وانا في اول ثانوي كانت هوايتي ( المراسلة ) نفس هوايه اغلب الطيبين ..
وهالرسالة اوصلتني من العراق عقب الحرب .. الوضع كان مأساوي طبعاً ..
واغلب الرسايل كانت طلب مساعدات .. للحين محتفظة ببعض الرسايل منهم ..
وشكلي كنت ارد عليهم بس مب متذكرة اي شي منهم ..
عمر الرساله 14 سنة .. طبعا عندي الاقدم بس لازم ادورهم ..
تُنسى ، كأنَّكَ لم تَكُنْ ..
ما شاء الله
شي طيب ان الواحد ما زال محتفظ بهالأشياء، في الغالب الاوراق كلش ما تتم عندنا على طول تنظيفات مع نهاية الامتحانات ونقط الاولي والتالي.
جمعت طوابع وعملات (( خصوصا يوم كنت ادرس برع، طيحت عند محلات الليلام, ولقطت المحمه اللي عندهم كلها لين الله شاف لي)) وآخرتها اختفوا!! اشلون ....الله العالم.
تحياتي للجميع
السلام عليكم ورحمة الله
مشاركتي اليوم صور من ليسني والباقي تلفوناتي اللي استخدمتها ايام الشباب !!!
هذا الليسن الدفتر
من الداخل الكتابة بالاحمر يعني الكجة ( لازم تسوق مع واحد عنده ليسن يعني انت تحت التدريب)
بعد النجاح في الفحص يتم الصاق ورقة عليها كتابة باللون الأزرق
اما الجوالات فمن غير ترتيب زمني وهذا سوني اريكسون
وهذا بليب أو بيجر موتورولا ( كنا نحطه على الطاولة نشغله ويدور مكانه !!!)
وهذا نوكيا 2 ميجا بكسل مب سهل
نوكيا N95 اشهر جوال ذلك الايام 5 ميجا بكسل وشاشة كبيره اظن كان معاه فلم سبايدر مان.
وهذا نوكيا محترم اظن 6510 كاف وعاف لا يصور احد ولا تفضي بطاريته
وهذا اخوه 6610 بعد محترم مثله
ومع الموتورولا ناخذ استراحه ونواصل قريبا بإذن الله
تحياتي للجميع
التعديل الأخير تم بواسطة بوNasser ; 23-08-2020 الساعة 04:45 PM