بكل إختصار أستبشرنا خير بمنع التدخين في المجمعات التجارية لكن عودة التدخين مره أخرى للمجمعات وبتكلم خاصه عن رويال بلازا لي في منطقة السد اتردد من فترة لاخر على هالمجمع وشفت اكثر من شخص يدخن في احدى كوفي شوبات قلت يمكن حاله شاذه لكن بالأمس تدخلت ولقيت اكثر من كوفي شوب يوجد به اشخاص يدخنون وجالسين في الممرات وين الجهة الرقابيه عن هالمجمع او هي بداية عودة التدخين للمجمعات
صدقت هلك من ذي عندك فلاجيو صوب اي بوابه تحصل المدخنين مسوين مدخنه يخي حشش دخن بعيد عن الابواب مايصير عندنا رضع يهال هل معقوله كل ما ادخل المجمع عند الابواب يدخنون يخي دخن ماقلنه لك حر بنفسك بس مب عند باب المجمع او قريب منه. اتمنى وضع احد يراقب ويعطي مخالفات وتركيز علي الابواب الخارجيه في اي مجمع
نفس الشي فستار بكس اللاند كنت مقاطعته والسبب العدد الكبير اللي يدخنون فيه ولما كلمت اللي يشتغلون قالوا احنا نقول لهم ممنوع بس ما يسمعون الكلام !!
أستغرب من هالوصخين اللي يدفعون فلوس على شي ما منه أي فايدة وريحته خياس ويضرهم ويضر اللي حولهم ويدخنون بدون ذرة ضمير وأدنى مراعاة لغيرهم
التدخين فمكان عام وفيه ناس سلوك وقح يخيس الريحة ويلوث الجو وينجبرون الناس يشمون هالدخان وياه وهم غير مدخنين وبعضهم مرضى وأطفال ومسنين .. والمفروض فالقانون يعتبر اعتداء لكن عشان الاقتصاد اللي يقوى من المدخنين وأمراضهم العالم كلهم ساكتين ويتفرجون وبالعكس يبينون لهم إن هالشي سلوك طبيعي ووايد عليهم يكتبون عالعلبة إنها تسبب الأمراض والوفاة وكنه تصريح لنشر المرض والقتل !!
اشتكو عليهم في البلدية
وعند إدارة المول لا يحق لهم التدخين
في الأماكن العامة وإزعاج الناس
اعتقد ان يجب ان يخصص المول غرف خاصة للتدخين
بعيد عن ازعاج الناس في الأماكن العامة وعلى المداخل
الي صارت تكتض بالمدخنين وبالعمال الي يشبكون
على واي فاي المول للاتصال بذويهم
تجري الرياح كما تجري سفينتنا نحن الرياح ونحن البحر والسفن
لا يمكن للإنسان أن يحتفظ في يديه بأكثر من كرتين من ثلاثه ؛ الصحة والمال وراحة البـــــــــــــال
لا اله الا الله وحده لا شريك له العلى العظيم
المشاركة الأصلية كتبت بواسطة ابوالعبد
المصيبة اخوي الحين اقولك مب عند الابواب داخل المجمعات بدا يرجع التدخين
أظن ياخوي الشكوى في وزارة الصحة مب البلدية كما ذكرت لكن وين المفتشين لي عندهم ضبط قضائي ليش مايمرون ويشوفون بعينهم
اتمنى اختي صوتنا يصل عن طريق هذا المنتدى لانه فعلا اذا لم تستحي ففعل ماشأت يتفاخر بسجارة وشايف رجولته فيها ولو يفكر فيها شوي بيحس انه لي يسويه عيب
بالنسبة للتدخين عند الابواب لان حاطين حاويات للزقاير عند مداخل المول
فا المدخن على باله انه هالمكان عادي التدخين فيه لان هم وفروا له حاويه
و بخصوص ان التدخين رجع داخل المولات اعتقد بسبب وجود محلات بيع التبغ و مطاعم وكوفي شوب يقدمون الشيشه داخل المول
بيطبقون القانون إن شاء الله بس قبل 2022 والا لو اللجنة مرت تفتش
يسوون قانون بدون آلية تنفيذ وبدون أدوات
أحد الإخوان يذكر لي منظر غريب في فيلاجيو .. يقول رحت امشي وشفت رجال كبير يلحق وحدة متسترة ويحفظها الرقم غصب ولاصق فيها فترة طويلة .. مثل ذيلا وين الأمن عنهم وششغلة الأمن في المولات .. زينة بس
ضوابط المشاركة
رد مع اقتباس
