موظفين الموارد البشريه بجامعات المدينه التعليميه !

[Flowers]

الموضوع باختصار كل مااقدم لوظيفه بجامعه من جامعات المدينه التعليميه نورث ويسترن ولا كورنيل ولا تكساس طلبي ينرفض مع اني قطريه ( والمفروض في تقطير للوظايف الاداريه) وعندي لغه وخبره ايضا بمجال الاداره. اعرف كثير قطريين وقطريات نفس حالتي ينرفضون بدون سبب مقنع.
اذا عرف السبب بطل العجب : روحو شوفو من قاعد عالمكاتب بالموارد البشريه بهالجامعات كلهم مصريين واجانب ويوظفون بعض ، جدامي سمعت وحده تكلم الموظفه المصريه تقولها ان زوجها بيجي يبي يشتغل تقولها الموظفه : بس ابعتي لي السي في وانا هاظبطه!!
ليش ماتشيلون هالاجانب اللي همهم الاول الفلوس وتحطوون موظفين موارد بشريه قطريين ؟؟ يخدمون اهل بلادهم ويكون قلبهم على مستقبل البلاد وتعليم اولادنا ، لحد يقولي الموارد البشريه يبيلها خبره، شكثر شباب متعلمين قطريين وخريجين ويصلحون لهالوظايف ، الحين المستقبل للشباب اللي عندهم افكار وقادرين يبتكروا مب حق المحنطين الاجانب اللي عندهم خبره!
وينكم ياهيئه الرقابه ؟؟

[معماري قطري]

شعار هيئة الرقابة من راقب الناس مات هماً

[ضوى]

اييييه الله المستعان بس هذيلا مثبتين عالكراسي بمسامير ولا اي شي يجلعهم

[مجنونة قطر]

أتمنى من الجهات المختصه النظر في مثل هذه المواضيع لان أحنا من عقب الحصار ماعاد نتحملهم خلاص في ناس اهل قطر عندها خبره وكفائه ليش اخليهم
وفي بلادنا يسبونا وماخذين كل شي والمناصب والاماكن المهمه في البنوك وفي الوزارات
شنو الحل ؟؟؟؟

[غايه الطواش]

التوظيف في هالجامعات يتبع الجامعه الام مايتبع كيو اف , اذا توظفتي تعتبرين اجنبيه وتشتغلين بعقد

شكلج توج صغيره , اقري سياسات الجامعه وبعدين قرري

انصحج ماتشتغلين في حدى هالجامعات

[JN000N]

اسمله عليج خل يثبتون الموظفين القطريين الي خلوهم سايبين بدون مسمى ودرجة عقب سنوات عمل وعقب يوظفون يداد
على فكرة ما يشجع الاجانب على هالخطوه الا القطريين الي معاهم لان القطري ما يبي قطري يناقسه

[حمد 2002]

انا ماعندي لغه بس عندي شهاده جامعيه من جامعه قطر ،،

موظف حكومي بخبره اقل من عشره سنوات او حوالينها ،،

اب لعدد معين من الأطفال //

طموح بس يعتريني الكسل احياننا ،،

افضل العمل والنوم بنفس الوقت ،،

لو قدمت على هالجامعات بيقبلوني كموظف ،،

وهل اجيهم بسيارتي الجمس الحمره ولا الكروزر القديم موديل 1999 لكي يقبلوني أي يوضفوني عندهم !!

وهل تسقط حقوقي كسنير حكومي الان والار أي اذا توظفت عندهم ام احتفظ بكل الامتيازات التي لدي الان !!

[Flowers]

التوظيف في هالجامعات يتبع الجامعه الام مايتبع كيو اف , اذا توظفتي تعتبرين اجنبيه وتشتغلين بعقد

شكلج توج صغيره , اقري سياسات الجامعه وبعدين قرري

انصحج ماتشتغلين في حدى هالجامعات

انا مب بس اعرف السياسه عدل لا ، انا رحت وقعدت مع هالموظفين وعرفت طريقه تفكيرهم ، وقعدت مع ناس اجانب مقدمين على وظايف وعرفت انهم فقط رايحين لانهم من نفس الجنسيه وعندهم واسطه بالاتش ار.
التوظيف لعلمج يكون من قطر والشخص اذا انقبل يمضى عقد مقدم من الجامعه الام.
ليش تنصحين مااشتغل هناك ؟ لان البيئه اجنبيه؟ هذي بلادنا والوظايف فالاتش ار معظمها تصلح للقطريين يعني اذا بتشجعين القطريين يشغلون هالوظايف شوي شوي البيئه الاجنبيه بتختفي وبيكون الوضع احسن واريح، لا مب تاركه لهم المكان مابيطفشوني

[Rider]

الموضوع باختصار كل مااقدم لوظيفه بجامعه من جامعات المدينه التعليميه نورث ويسترن ولا كورنيل ولا تكساس طلبي ينرفض مع اني قطريه ( والمفروض في تقطير للوظايف الاداريه) وعندي لغه وخبره ايضا بمجال الاداره. اعرف كثير قطريين وقطريات نفس حالتي ينرفضون بدون سبب مقنع.
اذا عرف السبب بطل العجب : روحو شوفو من قاعد عالمكاتب بالموارد البشريه بهالجامعات كلهم مصريين واجانب ويوظفون بعض ، جدامي سمعت وحده تكلم الموظفه المصريه تقولها ان زوجها بيجي يبي يشتغل تقولها الموظفه : بس ابعتي لي السي في وانا هاظبطه!!
ليش ماتشيلون هالاجانب اللي همهم الاول الفلوس وتحطوون موظفين موارد بشريه قطريين ؟؟ يخدمون اهل بلادهم ويكون قلبهم على مستقبل البلاد وتعليم اولادنا ، لحد يقولي الموارد البشريه يبيلها خبره، شكثر شباب متعلمين قطريين وخريجين ويصلحون لهالوظايف ، الحين المستقبل للشباب اللي عندهم افكار وقادرين يبتكروا مب حق المحنطين الاجانب اللي عندهم خبره!
وينكم ياهيئه الرقابه ؟؟

أختي فلوراز قري موضوع التقطير وشوفي ردود الاعضاء وبتعرفين السبب

[مجنونة قطر]

سواء كانت الشركة الام مب من قطر او من برى الي له الحق بالنهاااااااايه بكل شي ( القطري ) ماعتقد اذا كانت الشركة الام خلاص احنا نخلي كل شي لهم
في قانون ادارة العمل والي يبي يشتغل ليش لا في كيو اف او غيره