ودّي وما ودّي :confused:

[سالم الزهران]

008

ما انسى التطعيمات اللي كانت تسويها وزارة الصحة.. كانوا يجونا في جيوب بيضا عليها شعار وزارة الصحة ومعهم حافظة فيها تطعيمات وطبيب ومعه طبيبة او ممرضة..اذا انزحموا من كثر الناس حتى سواق الجيب العم علي يدق سرنجات!

ضحاياهم كثير الله يسامحهم، انا جلست ممدد في الفراش حول شهر.. لازلت اتذكر الفراش اللي كنت مترقد عليه... ولا زلت اتذكر يوم حسيت بخفة وقمت امشي واسند ع الجدران.

يوم من الايام قابلت رجل يعمل في الصحة و وصلتنا السوالف لحملات التطعيم بالزمانات الفايتة.. يوم درى عن قصتي.. قال لي أحمد ربك فيه ناس لليوم مطرحين ما قاموا منها ولا زلت اذكرها ذيك التطعيمة.

الى اليوم ما اعرف سبب هل فعلاََ اللي أثر هي التطعيمة كمحتوى أو هي طريقة وموضع الإبرة..

عقب مدة عثرت على دفتر التطعيمات وقلت اباخذه واخفيه وارتاح من هالتطعيمات (فكرتي أن اللي ما معه كرت محد يطعمه)

المهم ضحوية وانا اشيل الكرت واروح في صخور ورى بيتنا وشافتني حرمه مسيرة علينا وقالت لي وش ذا اللي معك! قلت ورقة. قالت لا هذا كرت التطعيم وش تبغي تسوي تراك اذا لعبت فيه يعيدون لك التطعيمات!

حسيت انها فعلاََ تجملت فيني.. ورجعته لمكانه سالم غانم