-
تميم المجد
009
تعرفت على اثنين اساتذة سودانيين بعام الالفين في الجبيل، احمد معلم حاسب آلي وأمير معلم انجليزي، صرت اخذهم معنا الطلعات والجمعات اللي كنا نسويها على الشاطيء. استوت علاقتنا قوية وكنت أروح لهم شقتهم وكان سوالفهم ما تخلص.
من سوالفهم، مرة طلبوني جهاز كمبيوتر ومريت وعطيتهم ونسيت اقول لهم ع الباسوورد، رحت عنهم اسبوع ولا كان معهم جوالات عشان يتصلون فيني. المهم رجعت عقب اسبوع تقريباً عشان اخذ جهازي ولقيتهم ما شغلوه!
استغربت منهم وقالوا لي شلون نشغله وعليه باسوورد؟ جربنا كل انواع الباسوورد كتبنا اسمك مافي فايدة! قمت أضحك بقوة عليهم وكان يوقولون لي شفيك .. قلت كلمة السر هي (1) بس انقر على نمبر ون وعقب انتر.
قاموا يلومون بعض شلون مافكروا فيها!
سالفة ثانية : كان عندهم دولاب ملابس قديم وذيك الأيام نووا يغيرونه واسمعهم يسولفون عن الدولاب الرهيب اللي حصلوه بالسوق وكيف إن سعره مهاود ...الخ بس مشكلته من يوصله لهم للشقة.
سافرت وتركت الجبيل و تميت حوالي ثلاث سنين ..رجعت للجبيل في زيارة قصيرة ومريت الشقة لقيت بابها مفتوح؟
وقفت برع وطلع من عندي أخ عربي سألته (هذي شقة السودانيين) قال نعم (فلان وفلان)! عرفت انهم لازالوا في شقتهم! بس ليه تاركين الباب مفتوح؟ المهم قررت أدخل .. دشيت وبنظره سريعة تأكدت أنها شقتهم وأكبر دليل دولابهم المكسر باقي على حطته ! جلست انتظر محد ؟ صادني نعاس وقلت بريح شوي ودقها نووومة
كنت متلطم بالغترة... السودانيين ردوا وشافوا واحد نايم بشقتهم ومتلطم فخلوه راقد ... الحاصل قمت وتوضيت وكانوا ينتظرون بترقب يبون يعرفون منو ذيه اللي طاب عليهم !
عقب قمت جو يشوفون واذا الوجه بالوجه وسلام واهلين و يازول ومسافة طويلة ومن كلام السوادنة اللي تخبرون..رجعوا يلومون بعضهم ليش ما قوموني؟ قلت شكنتم تبون ووين رحتم وتركتم الباب مفتوح!
قالوا رحنا جبنا الدولاب الجديد؟ اتاريهم في نفس اليوم ذاك ونفس التوقيت كانوا رايحين يجيبون الدولاب... ويقولون لو نعرف انه انت اللي راقد كان قومناك تشيل معنا ههههههه والله كان نقومك يا زول ههههههه
يالربع عشان تغيرون دولاب يبي لكن ثلاث سنين !!
التعديل الأخير تم بواسطة سالم الزهران ; 30-10-2018 الساعة 05:34 AM
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس