ودّي وما ودّي :confused:

[سالم الزهران]

057

موضوع زواج الشاب بوحدة سبق لها الزواج، مربك و نحن الكبار نحتاج من يقدم لنا مبررات فربما نكون أول المؤيدين.

بقولكم سالفة عن واحد من عيالنا وهو الأخ الأستاذ صالح، هذا ولد العم عقب تعين معلم حب اهله يخطبون له.. قال لهم أبي (ن) بنت جيراننا القدامى.. أبوه رفض قطعياََ وقال اخوانها ملعوزين الدنيا ومب ناقص اناسبهم.. (الأخ صويلح الغى الفكرة).. وابوه ما فكر.. وكلن استمر في حياته.. (انا بصراحة كنت مؤيد للأب).. البنية تزوجت و جالها بنت و في يوم زوجها صار له حادث و توفى (رحمه الله واسكنه فسيح جناته). عقب ست شهور.. جاني خبر أن (صويلح) يبي يفاتح اهله يخطبون له نفس البنت! حقيقة تعاطفت وعرفت انه انظلم و لذلك قلت له أني بدعمه وبكلم العم و فعلاََ قلت لابوه.. اقتنع أبوه على مضض.. وحصل العرس و الحين ماشاء الله عندهم ثلاث عيال.. وهذي سالفة وجدنا تبريرها..
وعرفنا الغلط و عدلنا من مواقفنا.. فانت يبو الشباب ونتي يا ست البنات حاولوا تشرحون مواقفكم (رفض / رغبة) لاهاليكم ولأخوانكم الكبار عشان تتضح لهم الصورة، قدموا انفسكم وطلباتكم بشكل مقنع (وسلامتكم).

[سالم الزهران]

058
<سيرةالحب>
عود على بدء، واتمنى يكون كلامنا يتطرق لشيء مفيد وما يكون تكرار لافكار ملينا من ترديدها.

الشباب يبحثون عن الحب ،الحلال طبعاََ، ومن حقهم لكن الحب اليوم وين تلقاه؟ كثيرين اللي ادعوه؟

ظن البعض أن الغني مثلاََ مفروض يعيش الحب في أكمل صورة ولكن الواقع فيه مآسي للأغنياء اللي يعيشون حياة مملة وصناعية لأن من يعيشون معه لأجل الحب، يعيش هو مع أموالهم فقط.. اي انه حب مزيف مدفوع الثمن..

الفنانين والأدباء والكتاب والفلاسفة قالوا (نحن أهل الحب وصناعه ومنظروه) وآخرتهم مصحات نفسية.

ملوك الجماهير من المغنيين من الشرق والغرب الذين يتساقط المعجبين أمامهم... لم يكن هذا هو الحب الذي بحثوا عنه... منهم من بقي اعزب ومنهم من مرض ومنهم من انتحر.

لكن لي شهادة انّ الحب موجود في مجتمعاتنا المحافظة (رجل وامرأة يخشون الله) ويعرفون القصد الحقيقي من حياتهم.

الحب موجود لدى الفقراء.. لدى القنوعين بالقسمة.. لدى اغنياء النفس.

الحب موجود في بيوتنا القديمة وبيوت أهلنا... يوم نجد نفس الفكرة لدى الجدة والأم و الحفيدة.. (هذا يصير وهذا غلط ما يصير). وليس اللي صار فينا اليوم من ادعينا العلم والثقافة وطوينا عاداتنا وتقالديدنا الحشيمة وفتتناها شوي شوي وقضينا على مفردات الحب والتقدير والحشمة معها.

اختم بقصة من واقعي الجميل (التاريخي)

كنا في جبل ننظر الى المراعي والى الحطابات (اللي يحطبون) في منتصف الثمانين ونا طفل.

قال جدي.. تشوف لي جدتك معهم؟.. وهو يتأمل فيني قوة النظر بحكم السن.. قلت له نعم هذيك اللي هناك؟

قال لا مهب هي.. (طبعاََ المسافة يمكن كيلو)

شوي الا يقول.. (شفها هذيك هي).. طبعاََ كنت حريص انه يطلع غلطان.. لكن يوم اقتربوا منا طلع كلامه صحيح.

قلت له جدّي شلون عرفت أنّ هذي جدّتي؟
قال لي بالحرف ( أعرف تلكاعها).

الترجمة : التلكاع هو المشي الحذر مأخوذ من اللفظ (تلكأ).

هذولا هم الأولين وهو بيتمون قدوتنا وياليت فعلاََ نقتدي بهم ولا ننجرف مع الحضارة المزعومة اللي جتنا من الديار الباردة.

واعتذر للإطالة.

[sara jsm]

يقول العقاد ..
(( الأصدقاء هم الأوطان الصغيرة ،،
الوجه الثاني للحب .. الحب الذي لايتغير .

:

الحب موجود في حياتنا بكل انواعه ..
والله يزرع فينا بركة الحب والايمان في كل شي ..

:

واصل اخوي .. الله يعطيك العافيه

[سالم الزهران]

الله يعافيك يا اختنا ام جاسم.. كل التقدير لج

[سالم الزهران]

059

نصيحة

شاهدت المختلسين والمرتشين والمزورين في الجهات التنفيذية والعدلية وهم في أوضاع من الطمأنينة لا يمكن أن تتخيلها، لأن ضرباتهم كبيرة يتحدث معهم القاضي والكاتب بكل (احترام و لين)..

انت عليك دين نص مليون وترتجف ؟ و الا متعثر مع بنك، أو عليك شيك!

الضباط والقضاة (مع احترامنا للمحترم) يفترون فيك اذا شافوك تخاف من النظام و تخاف من الحجز، يتفننون في اخافتك... لذلك.. توكل على الله وانصف الناس من نفسك و ان وصلت ذيك المواصيل فلا تستوي بريء... وقفل من صوبك، يفتحون لك حلول و يلقون لك مخارج


للأسف هذا اللي شفته.

[sara jsm]

الله المستعان

[سالم الزهران]

060

نزلنا مع عمي الله يرحمه الحراج، معنا تلفزيون عمي بانسونيك بنبيعه.. العم واقف حذانا و ولده والمهم التلفزيون عود.. لكن شاشته مظلمه.. كلما جانا زبون يعجبه التلفزيون ينشد عن سعره.. يقول له عمي ( تراه خربان ما يشتغل)؟
( تراه خربان ما يشتغل)؟؟
( تراه خربان ما يشتغل)؟؟؟
قال ولد عمي، اقول لك : ان تمينا جذي عزالله ما بعنا؟ لازم نصرف عمك.. رح قله اي شيء!

قلت له : عمي ذهين ولا تطوف عليه هالسوالف؟ وبالذات لو قلت له انا! هههه

لكن باقي عن اذان المغرب ربع ساعة؟ واذا جانا حد ف الربع ساعة ذي مثل دور الأمين وعلمه ان التلفزيون مظلمه شاشته عشان ابوك يتطمن.
فعلاََ ما نطق المؤذن الا عمي راح صوب المسجد.. وحنا بعنا التلفزيون منيه على أول واحد تلفزيون مضمون صافي ) .. وقبضنا الفلوس وعقب الصلاة، قال عمي وين التلفزيون بالسيارة؟ قلنا لا وين؛ انباع! قال اشلون خربان... قلتم للي شراه انه خربان.. (قلنا اكيد.. اشلون لعاد).
واكلنا الفلوس و حنا غاشين اللي شراه امية ف المية.. الله يجعلها صدقه عنه.

يوم نتذكرها اقول حق ولد العم من اللي له الاثم الاكبر ذاك اليوم.. يقول ياخي كنا صبيان وبعدين لو تم ابوي عنده والله ما ينباع لو عقب شهر.

ذكريات جميله بحراج سوق متعب... أو سوق المقاصيص مالنا

[ya3coub]

060

نزلنا مع عمي الله يرحمه الحراج، معنا تلفزيون عمي بانسونيك بنبيعه.. العم واقف حذانا و ولده والمهم التلفزيون عود.. لكن شاشته مظلمه.. كلما جانا زبون يعجبه التلفزيون ينشد عن سعره.. يقول له عمي ( تراه خربان ما يشتغل)؟
( تراه خربان ما يشتغل)؟؟
( تراه خربان ما يشتغل)؟؟؟
قال ولد عمي، اقول لك : ان تمينا جذي عزالله ما بعنا؟ لازم نصرف عمك.. رح قله اي شيء!

قلت له : عمي ذهين ولا تطوف عليه هالسوالف؟ وبالذات لو قلت له انا! هههه

لكن باقي عن اذان المغرب ربع ساعة؟ واذا جانا حد ف الربع ساعة ذي مثل دور الأمين وعلمه ان التلفزيون مظلمه شاشته عشان ابوك يتطمن.
فعلاََ ما نطق المؤذن الا عمي راح صوب المسجد.. وحنا بعنا التلفزيون منيه على أول واحد تلفزيون مضمون صافي ) .. وقبضنا الفلوس وعقب الصلاة، قال عمي وين التلفزيون بالسيارة؟ قلنا لا وين؛ انباع! قال اشلون خربان... قلتم للي شراه انه خربان.. (قلنا اكيد.. اشلون لعاد).
واكلنا الفلوس و حنا غاشين اللي شراه امية ف المية.. الله يجعلها صدقه عنه.

يوم نتذكرها اقول حق ولد العم من اللي له الاثم الاكبر ذاك اليوم.. يقول ياخي كنا صبيان وبعدين لو تم ابوي عنده والله ما ينباع لو عقب شهر.

ذكريات جميله بحراج سوق متعب... أو سوق المقاصيص مالنا

هههههههه ما شاء الله أخوي سالم

بعد فتره ما تبقى الصراحة اهم شي, عن نفسي اشياء كثير لازم اعرفها و اذا ببيع شي اقول كل عيوبه قبل مميزاته ما انفع للبيع.

بس ولا اني اغش احد

[سالم الزهران]

هههههههه ما شاء الله أخوي سالم

بعد فتره ما تبقى الصراحة اهم شي, عن نفسي اشياء كثير لازم اعرفها و اذا ببيع شي اقول كل عيوبه قبل مميزاته ما انفع للبيع.

بس ولا اني اغش احد

ههههههه يخوي يعقوب.. لا بغيت تبيع شيء اتصل علي و ففتي ففتي.. لاحول ولا قوة الا بالله

[ya3coub]

ههههههه يخوي يعقوب.. لا بغيت تبيع شيء اتصل علي و ففتي ففتي.. لاحول ولا قوة الا بالله

عندي دراجة و الكل يبي يطلعها من خاطري بس رحت اليوم و ما اتوب و طلبت لها قطع زيادة عن المطلوب




ودي اخليها و ودي فالجديدة بنفس الوقت