ودّي وما ودّي :confused:

[sara jsm]

ما كنت بشتري بس سألت راعي التمر وقال لي جرب قلت له صايم.. رجع خذا كيس وحط لي فيه ربع كيلو تقريباً وقلي خذ هذي من عندي.
.

والله كل اللي مروا علي جذي .. فيهم طيبه وحبوبين ويدخلون القلب
اكيد هالنقصه مطرشها لي
متابعه لك اخوي بوزيد .. صور كل اللي تقدر عليه ...
مشتاقه وايد 💔 .. حسبي الله على اللي كان السبب

[سالم الزهران]

والله كل اللي مروا علي جذي .. فيهم طيبه وحبوبين ويدخلون القلب
اكيد هالنقصه مطرشها لي
متابعه لك اخوي بوزيد .. صور كل اللي تقدر عليه ...
مشتاقه وايد �� .. حسبي الله على اللي كان السبب

الله يعجل بزوال الظالم
متأذي منه البعيد شلون اللي يتأثر مباشرة بتصرفاته..
كان الله مع الصابرين

[سالم الزهران]

027


مرة ونا صغير يمكن ثمان سنين كنت في المرعى وفيه ماء قريب سمعت عنده اصوات رحت لقيت بنات نازلين وموجهين جهة البيوت عرفت منهم ثنتين وحده بدت لي اجنبية .. طلعت بنت تصير لهم جت زيارة مع اهلها وطبعاً خرجوا يتمشوون.

نزلت المحل اللي كانوا فيه ولقيتهم ناسيين (بكله)،، كان شكلها غريب لونها أصفر وشكلها كنه طير .. المهم حطيتها بجيب الكوت (جاكيت).. حنا بالديرة لول الأجواء كانت باردة والكوت يتم معك على طول .

رايح جاي والبكلة معي وفتحت المخيلة أنها للبنت الضيفة لأن شعيلة واختها يخب عليهم مثل البكلات .. يادوب مطاط ابيض ومعقود .

المهم أن عندي شيئ أفضل من لا شيء ممكن تفكر فيه في ساعات الرعي الطويلة وتتخيل الأشياء اللي عند عيال المدن ومن هالسوالف اللي تطري على اليهال. .اللي بزمنا طبعاً .

الحاصل فقدت الشيء الثمين وجلست ادوره في البيت ومستحي أنشد عنه ولكن عبثاً مالقيت شيء..بعد مرور سنة كنت في الجبل..والله يشهد اني حسيت نغزة في ظهري يوم جيت أسند على صخرة وراي.. تحركت الا فيه شيء مأذيني في الكوت.. قمت أحاول اطلعه وحركته بأصابعي حتى وصل جنب السحاب وطلعته من شق كان هناك .

طلعت البكله .. وطلع جيب الكوت انشق وطاحت في طياته وتمت هالشهور حتى تحركت ناحية الظهر وسوت فيني الحركة اللي خلتني أكتشف وجودها بعد شهور طويلة.

هالسالفة لها حول 30 سنة وتجاوزت مرحلة السرية وطرت لي اليوم للتغيير من جو المشاركات لذلك لا تنشب لي يا ولد العرب ...

[sara jsm]

طلعت حرامي شباصات ههههههههههههههه

[سالم الزهران]

قلت لقيتها يا أم جاسم..
بعدين ذاك الوقت حتى علبة العصير الطايحة بالأرض نقعد نفكر من هو اللي شربها .. لازم نكشف اللي قاعد يشرب عصيرات من ورانا .. كنا نبطل علبة العصير سوى كنا فايزين بسباق الجايزة الكبرى مب علبة مرندا...ولا مؤاخذه :d

[ولد العرب]

027


مرة ونا صغير يمكن ثمان سنين كنت في المرعى وفيه ماء قريب سمعت عنده اصوات رحت لقيت بنات نازلين وموجهين جهة البيوت عرفت منهم ثنتين وحده بدت لي اجنبية .. طلعت بنت تصير لهم جت زيارة مع اهلها وطبعاً خرجوا يتمشوون.

نزلت المحل اللي كانوا فيه ولقيتهم ناسيين (بكله)،، كان شكلها غريب لونها أصفر وشكلها كنه طير .. المهم حطيتها بجيب الكوت (جاكيت).. حنا بالديرة لول الأجواء كانت باردة والكوت يتم معك على طول .

رايح جاي والبكلة معي وفتحت المخيلة أنها للبنت الضيفة لأن شعيلة واختها يخب عليهم مثل البكلات .. يادوب مطاط ابيض ومعقود .

المهم أن عندي شيئ أفضل من لا شيء ممكن تفكر فيه في ساعات الرعي الطويلة وتتخيل الأشياء اللي عند عيال المدن ومن هالسوالف اللي تطري على اليهال. .اللي بزمنا طبعاً .

الحاصل فقدت الشيء الثمين وجلست ادوره في البيت ومستحي أنشد عنه ولكن عبثاً مالقيت شيء..بعد مرور سنة كنت في الجبل..والله يشهد اني حسيت نغزة في ظهري يوم جيت أسند على صخرة وراي.. تحركت الا فيه شيء مأذيني في الكوت.. قمت أحاول اطلعه وحركته بأصابعي حتى وصل جنب السحاب وطلعته من شق كان هناك .

طلعت البكله .. وطلع جيب الكوت انشق وطاحت في طياته وتمت هالشهور حتى تحركت ناحية الظهر وسوت فيني الحركة اللي خلتني أكتشف وجودها بعد شهور طويلة.

هالسالفة لها حول 30 سنة وتجاوزت مرحلة السرية وطرت لي اليوم للتغيير من جو المشاركات لذلك لا تنشب لي يا ولد العرب ...

ولا بعد تقولي ابي اجرب العود منك والدهن العود والورد الطائفي وروح الورد والورد البلغاري والدهن الورد الاستنبطولي ومخلطات الاميري وعود فيتنام

كل هذا تبي تجربه بعد

زين انك اعترفت لنا يالله قم منااك

[ولد العرب]

قلت لقيتها يا أم جاسم..
بعدين ذاك الوقت حتى علبة العصير الطايحة بالأرض نقعد نفكر من هو اللي شربها .. لازم نكشف اللي قاعد يشرب عصيرات من ورانا .. كنا نبطل علبة العصير سوى كنا فايزين بسباق الجايزة الكبرى مب علبة مرندا...ولا مؤاخذه :d

يعني ديرتكم
لو واحد يعاطس في ليل

وتردون عليه الصبح يرحمك الله يابوفلان

يادافع البلاء

[سالم الزهران]

ولد العرب.. مرحبتين.. انا من آخر جيل لحق حياة الزراعة الأولى وشاف فترة قبل وبعد الكهرب وحتى مكان ميلادي مسجل القرية القديمة ولا أعرف واحد من أخواني أو من أترابي مسجل له نفس مكان الميلاد.. مثل لو انت من مواليد روضة جديب وأخوك اللي بعدك مسجل مواليد حمد.

[سالم الزهران]

028

يوم من الأيام كنا نروح جبال قريبة منا للكشتات والقنص.. طريقها لازم جيب ولايوجد فيها بشر غير أثنين رعيان غنم من اخوانا اليمنيين.. الديرة اللي فوق الجبال كبيرة متعددة الحصون والمزارع والبيوت واللي يدهشك فيها وجود أكثر من مقبرة والمدهش حقاً أن القبور عددها كبير جداً وشواهد القبور (نسميها ترايس جمع تريسة) باقية على حالها كأن الزمن توقف عندها. هذا الشيء جعلني أتساءل كم كان عدد السكان؟ ألف ألفين.. هذا شيء يدلك عليه كثرة حصونهم وبيوتهم وآبارهم اللي يسقون منها.

صار بيني وببن راعي اسمه حسن معرفة وكنت أمر عليه اذا كشتنا ذاك الصوب ويتغدى معنا وناخذ من الأخبار وش اللي يواجهه.. المهم معرفتي بحسن اليماني تعمقت وكنا نسوي خبز التنور سوى ونجلس نسمع استراحة الخميس على الراديو مع بعض وأحياناً يجيبون أغاني يمنيه و نوع من تلسية الشباب لول نرجو الله المغفرة.

السالفة الحقيقية تبدأ يوم اشتكى لي حسن من أشياء كان يشوفها ويقول أنا يمني مش أي حد ثاني مثلاً عشان أخاف لكن النوم يجيني بصعوبة.. أحياناً يجي رجل يوقف عند طرف البيت ونا نايم على السطح وينادي.. واذا قمت أو ذكرت الله اتوقعه حلم.. لاني ما أشوف شيء لكن صار يتكرر معي وأسمع أصوات نداء مستمر أحسبه عمي وأجي القى محد... كنت بسولف لكم يوم تسألوني بس خفت حد يضحك علي أو يتهمني بشيء.

افترقنا ورحت وسافرت ورديت الديرة وانتهز الفرصة أبي أرتب لطلعة ونبي نفس الربع لو قدرنا نجمعهم.. وأثناء الترتيب.. سألت أخوي عن حسن الراعي.. قال لي (راح).. قلت خسارة الأجودي.. قال أحسن له يروح الرجال تعب ومرض.. هنا التفت لأخوي وقلت شسالفة وشلون مرض.. قال لي خوي خذ علمه من عمي فلان.. هو اللي وداه الحدود عشان يسافر.. يوم أقابل عمي ونشده ابغي اتبشر عن الأخ حسن قال لي نعم وديته الحدود والرجال مرض وعمه وداه وجابه مستشفيات وشيوخ ولا نفع.. رجع كلم أهله باليمن وقالوا جبه لنا الحدود.. وطلبني نروح نوديه الحد لأني تقاعدت من ذيك الجهة.. واليمني اللي تنشد عنه مسكين والله أنا وديناه مربط بغترته.. خلاص تجنن... حقيقة حزنت عليه ولازلت اذكره كلما ذكرت محلهم.. والله يعافية ويرد له صحته وين ماكان.

[sara jsm]

لاحول ولاقوة الا بالله .. الوحدة تخلي الواحد يفقد عقله ..
وفي مثل عندنا يقول ( الجنة بدون الناس ما تنداس ) فما بالك في الصحراء
الله يشافيه ويعافيه يارب