ودّي وما ودّي :confused:

[سالم الزهران]

عندي دراجة و الكل يبي يطلعها من خاطري بس رحت اليوم و ما اتوب و طلبت لها قطع زيادة عن المطلوب




ودي اخليها و ودي فالجديدة بنفس الوقت

اخوي يعقوب.. جعلك من الفايزين في الدنيا والاخرة.. لا تصرف ثم لا تصرف ثم لا تصرف... والله لو انك صارف 20 الف على مشروع خزان ماي بالنيجر يشرب منه الناس والطير والبهايم.. لا تحس في نفسك براحة وسعادة وتشوف انك انقذت جزء من العالم و انك اصبحت مهم وسويت شيء مهم.. اجر و طاقة ايجابية لا تنقطع... اسأل الله ان يستعملك في طاعته واستوى عندك كل شيء ما يحتاج تزيد الا الشكر.. وفقك الله يا بشمهندسنا الحبوب.

[سالم الزهران]

061

اسعد الله أوقاتكم جميعاََ، الدنيا ونا اخوكم دار غرور.. الدنيا فاتنة تسلب العقول، الدنيا فيها مشاهد يعتبر منها اللبيب.

اليوم بسولف لكم عن رجل معرفة.. كان عنده محطة بترول .. كان صديق لخالي الكبير ومن هنا بدينا نمر عليه وتعرفنا عليه أكثر.
الله سبحانه فتح عليه وصار يقص في الجبال ويسوي مخططات حق الهوامير وتطور وصار عنده مؤسسة تطوير عقاري وصار من اصحاب المخططات.. عنده موظفين واجد رواتبهم تقترب من المليون بمجموعها.. لكن الاخ هذا متزوج مبطي وما يجي له عيال.
الرجل متواضع.. اخبر معه مرسيدس موديل 99 اللي يسمونه شبح.. وكانت تجلس معه ثلاث اربع سنين ما يغير... رجل بسيط ما يهتم للمظاهر الزايدة، ويده ممدوده بالخير.. ولا نزكيه على الله.

المهم الرجل تزوج من سوريا و الله رزقه بولد.. كبر الولد وصار يناهز العشرين..

انا ما عندي خبر الا انه لعرس وجاء له ولد.. بعدها انقطعنا ولا اعرف عنه شيء.. لكن قبل مده لقيت واحد من جماعته وسألته عنه.. قال بخير لكن مب الاولي ولا عاد عنده اشغال كثيرة.
ليش يا طيب.. قال ولده سوى حادث وتوفى... ومن بعدها الرجل جاه قناعة او انه تأثرت نفسيته واجد.

طيب ما عنده عيال غير اللي توفى؟ قال (لا.. الله يعوضه خير).

حقيقة تأثرت وقعدت اقول.. كأن سعادته بالولد وببلوغه سن الشباب كانت حلم... اللهم لا اعتراض بل رضى وتسليم.
فالرجل على ماهو متواضع واجودي على كثر ما حز في نفسي وأقول بلسانه انه وده لو كان ما معه ريال ويكون الله رازقه بعيال.. أو على الأقل ما دش في الاختبار الصعب هذا.. الله يعافي المسلمين جميعاََ ويعوضهم خير مما فاتهم ويرزقك اخونا هذا الصبر ويلهمه الرشد وعمل الخير.

[سالم الزهران]

062
طالعتُ اليوم خبراََ لاحد الوعاظ المشهورين في عربستان، وصاحبٌ سابقٌ الشيخ سلمان العودة فرج الله عنه. لكن شتان لان هذا الواعظ قد تغير طرحه، من حوالي عقد من الزمن، من دعوي الى فكاهي وقد كشف لنا أيضاََ عن مقدرة فائقة في إضحاك الجمهور تماثل أو تتجاوز قدرته الوعظية التي كان يبكي من شدة تأثيرها الناس.

ما يهمكم في الموضوع هو أن واعظ القوم هذا أكد تبرأه من قطر وتركيا وتسخير قلمه لدعم مشروع مبس ابو الهلل (مفرد هلله). وهي أصغر وحدة في عملة عربستان.

أثارني كيف أصبح مقياس الحق والباطل والوطنية والخيانة هو كره قطر وتركيا؟

كم هي ضخمة تلك الآلة الاعلامية التي تنهق أبواقها من ساحل عمان ويرتد صداها من جلاب عربستان.

آااه عرفت السبب... والله ما يكرهون فيكم شيئاََ أكثر من عقيدتكم الصحيحة الصريحة التي أثبتتها مواقفكم، ونسأل العلي القدير أن يلزمكم كلمة التقوى يا أهل قطر وأن يجعلكم أهلاََ لها دائماََ، فهكذا تصبحون في كنف الله و لا يضركم كيد من خالفكم.

إن كنت من المحظيين ولي دعوة مستجابة فسنرى من يحاسب هؤلاء الأوباش الذين تسلطوا عليكم من قنوات واعلام عربستان، وعسى أن يكون قريبا.

[ya3coub]

ودي بالزواج بس الرقالة صايدتني كل ما افكر فقط ما اقدر استخير فيني خوف

ابي و ما ابي

[سالم الزهران]

ودي بالزواج بس الرقالة صايدتني كل ما افكر فقط ما اقدر استخير فيني خوف

ابي و ما ابي

انت ما حصلت اللي تعجبك ولا كان طبعت ؛)
الله يوفقك وتلقي اللي تسر خاطرك.. ما هو انت يا تعرس يا تاخذ لك ماستر.

[ya3coub]

انت ما حصلت اللي تعجبك ولا كان طبعت ؛)
الله يوفقك وتلقي اللي تسر خاطرك.. ما هو انت يا تعرس يا تاخذ لك ماستر.

والله بصراحة ابي الأثنين

[سالم الزهران]

والله بصراحة ابي الأثنين

الله يوفقك.. والله انك تستاهل كل خير

[ya3coub]

الله يوفقك.. والله انك تستاهل كل خير

الله يجزاك خير يا أخوي سالم

[سالم الزهران]

حلمت البارحة اني و ولدي وخالي راكبين طيارة عجيبة ونازلين مطار قديم.. اشوف فيه مسجد وصالات وبينهم ساحات ازفلت، الا اشوف الجوازات بجيبي شكلهم صغير وممغنطة وتعتبر عكس الديكور مال الحلم، ونا اطلع جواز الا يشوفه واحد قطري ويقول.. ما شاء الله قدرت تجي، قلت له الاوضاع عندكم سهالات.. مب مثل عندنا! ونا اتوجه ع الصالة واحاول اعرف شنو المبنى اللي لازم اروح له.. بس عرفت اني واصل للدوحة جعلها الخير.

[Dana’1]

بعض القصص حزينه حياتهم لول فيها شده وقسوه احيان