كراج صبغ السيارات الكلاسيك

[::محمد::]

السلام عليكم ورحمة الله وبركاته،
مبارك عليكم الحيا

عندي سيارة كلاسيك توني جايبها الدوحة .. وتشمخ الصبغ شوي بالشحن ..
المشكلة درجة اللون مب سهل تلاقيها .. بس بعد نتعشم انه نلاقي حد شاطر ..

تعرفون كراج فنان ممكن يحل المشكلة ؟

[بو شهاب]

جرب كراج المحتسب شارع 5 على ما اظن في الصناعية

[ya3coub]

اللون لون شركة كلاسيك ؟؟!!!

مرشوش الموتر فامريكا يعني مجدد ولا صبغة وكالته لأن مهما يكون مخزن اذا كلاسيك "فوق ال30 سنة عمر الموتر" اكيد بيتأثر و هل تبي تصبغ كامل ولا بس مكان الشمخ ؟؟

انا اتعامل شخصيا مع كراج كستوم ورك شوب شارع 29 كلاسيك او جديد شرط امريكي اهو يشتغل كل السيارات بس فنان فالأمريكي.

راعيه مسافر حاليا بس مر و اسئل عن واحد اسمع Jeff اهو اللي ماسك البدي و الصبغ و بيقولك اذا يقدر او لا او بيحاول و اسعاره مو رخيصه بس كواليتي

غيره المعروفين بالصبغ الخليج و مشيرب "وكالات الاودي سابقا"

[حليتان*]

عندك النورمندي شغله مضبوط اذا تبي بس اجزاء