السلام عليكم ورحمة الله وبركاته
أحد الأخوة يستفسر عن الدكت سبليت
ممكن تعطونا تجاربكم وخاصة
للماركات (( جري ، هايسنس ، توشيبا ))
والاهم نصايحكم قبل التركيب
السلام عليكم ورحمة الله وبركاته
أحد الأخوة يستفسر عن الدكت سبليت
ممكن تعطونا تجاربكم وخاصة
للماركات (( جري ، هايسنس ، توشيبا ))
والاهم نصايحكم قبل التركيب
فقط
عليكم السلام ورحمة الله وبركاته
والله يا اخوي انا افكر في النظام الأمريكي للدكت سبلت .. يسوونه في كبت ألمنيوم على قاعدة واقف قرب تصريف ماي وسهلة صيانته .. مب معلق في السقف في كسرة في الحائط حول 40 سم أو حولها حسب حجم الوحدة الداخلية .. منها تطلع الدكتات جنب الحائط وداخل التجويف وتمشي في السقف .. عندهم وحدة وحدة تكفي البيت كله لكن عندنا نحتاج كم قسم لكل قسم وحدة
أشوف بيت واحد من الربع متكلف فيه جبسه مكان التكييف كله مخترب من الماي .. بعدين حاول تكون الدكتات عندك أقصر ما يكون والفلتر يكون قوي ما يدخل غبار ورطوبة ويساهم في الفطريات في الدكتات .. وقلل الوحدات قد ما تقدر لغرف النوم الرئيسية مثلاً والمجلس الباقي خلها سبلت عادي أفضل لك
الشركات والله ما عندي خبرة فيها بس لو باروح أكيد باروح حق الشركات الكبيرة مثل فوجي الريس وجنرال وجري أشوفها شركة انولدت كبيرة
بعد أفضل لك بوايد لو تسوي عقد عن طريق استشاري ومناقصة ومتابعة من استشاري وأهم شيء مختص بالميكانيكل مب بتاع كله
أتمنى نسمع من الاخوان تجاربهم
أمس بالصدفة حصلت مهندس تكييف تابع حق جتكو وسألته عن النظام اللي أقصده فوق قال موجود بس ترين ويحتاج تخطيط مسبق وأكيد صيانته أسهل لوجوده على الأرض وتصريف مياهه سهل ولا يخرب السقف
انا من تجربتي الشخصية ركبت دكت سبيليت الي المكاين الداخليه ( indoor Unit ) تترمب في الحمامات اعزكم الله . ركبتهم عن طريق شركة كاريير والصراحة شغلهم شغل محترفين .
التعديل الأخير تم بواسطة khalid-63 ; 06-12-2018 الساعة 01:07 PM
يجيك معلق في السقف ومشبوك بالدكتات وموصول ببايب الغاز من الخارج .. نفس السبلت بس فيه دكتات عن الازعاج .. ألحين السبلت فيه نوعيات صوتها هاديء وبأقل من نص سعر الدكت سبلت .. الشكل اشوفه مقبول وبعضهم حتى قطعة ديكورية .. صورته لوح جبس مخفي لكن المكينة فوق الجبس فيها موزع الهواء ( مروحة )
انا من اللي تعب ندور الجودة والرخص ... لاحظ أخوي أن المساحة الاكبر تحتاج الى دكت سبليت في نظري الصالة المفتوحة على المجلس والمطعم .... عندك تصميم مساحة تزيد عن 400 متر للطابق الواحد المفتوح وتحس ان في الصيف ما يكفي من سبليت .... لكن نصيحة المهندس لأي شركة تكييف يحسب مكاين داخلية أكثر والتمديدات والتهوية المقابلة احيانا ما تحتاج لها ... وهناك الفرق في السعر مابين شركات الوكالة والشركات الموزعة مع التركيب والصيانة ...النوع : جنرال - ميتسوبيشي- كارير- جري .. ... حط في بالك نقطة الكهرباء لتكييف الدكت زيادة الحمل الكهربائي وبوكس كهربةالتكييف لحاله حتى مايحصل تردد ضغط تيار الكهربة مع الأضاءة للمنزل ... اعتقد المناطق الجديدة الحمل الكهربائي اقل حسب تخطيط كهرماء .... بمعنى منطقة عين خالد 100 الى 150 امبير للمنزل الواحد المناطق الجديدة يمكن اقل من 110 اممبير ...
السلام للجميع ......:nice: