هذا المكان الجميل في كتارا.. ممكن نقول صاير حزم ثاني بس صناعي بكتارا
حيل عجبني إن المكان كله مكيف يعني بعز الحر براد ما شفت كل شئ فيه بس بالعموم هو عبارة عن هذي الساحة يمنها ويسارها مطاعم مقاهي و محلات تجاريه
كنت بشارك في هالصورة بالحوار العام عن موضوع مجمع الحزم بس بوقتها ما حصلت لي الفرصة.
المكان بالوقت إلي كنت فيه كان رايق ...
و كان الجو بارد فعلا خصوصا يوم جلست بأحد المقاهي وكان يم الطاولة مكيف نفس إلي بالصورة جميل و بمساحة متوسطة
وحتى بالمشاركة السابقة واضحة بالصورة خلف الزينة المضيئة
أما الحزام الأسود على طول الممر هو لتصريف المياه.
طبعا تحت هالمكان مواقف فجاء ببالي كذا سؤال .. بخصوص تصريف مياه الأمطار والتكييف كيف لو تسرب الماء للمواقف؟!
أما التكييف ممكن إن الهواء البارد هو إلي يطلع من الفتحة والجهاز بعيد عن الفتحة نفسها وعموما مثل هالشغل الجميل لازم يكون بأمانه و إتقان عالي
ملاحظتي الوحيدة عالمكان كانت بالمقهى إلي جلسنا فيه إن أول طاوله وهي الأقرب لباب المقهى كان فيه تيار هواء بارد وشوي يجي هواء حار يعني تيار قوي حار حتى مو نفس الحرارة العاديه بالجو برا
فطلبنا تغيير الطاولة وأخذنا أول وحده عند الدخول بالمساحة الخارجيه المخصصة للمقهى وكان الجو بالمكان بارد
ما أعرف السبب بالضبط بس ممكن أحد فتحات التكييف يطلع منها هواء حار لعطل أو لغيره
^^^^
معليش تم التعديل على المشاركة أكثر من مره لأن رفعت الصورة الخطأ قد ما أقدر أتجنب ظهور أشخاص بالصور
لهذا السبب تم التغيير بالصور
مشكورة اختي يبي لي رحلة الى كتارا من زمان ما رحت اسمع عن هالاشياء بس