الناس ما يرضيها شئ يا سالم .. لا الرجل الناصح إلي حتى ممكن يروح لأماكن الشباب وتجمعاتهم و يناصحهم بالمعروفالمشاركة الأصلية كتبت بواسطة سالم الزهران
رجل كان يترك كرتون أمام باب المؤذن فيه هدايا للصغار اللي يصلون الفجر.. عقب صار يترك كوبونات لمحلات تجارية ومكتبات.. وتتوزع على هالاطفال عقب الفجر.. واقل كوبون اظن بستين ريال، والأراء منقسمه فهناك من يقول.. افسدتم نية العيال والاغلب يقولون جزاه الله خير.. لكن هي مب مستمرة تنقطع اسبوعين ثلاث وترد.. ونا من صوبي اقول الله يخلف عليه.. والدنيا زواله.
و لا المبادر بأي خطوه إيجابيه مثل تشجيع العيال على الصلاة بالمسجد مثل صاحبكم
و لا حتى إلي بيسكت كاف عاف وفي حاله ...
وهذا هو حال البشر.
الله يجزي صاحب المبادرة خير الجزاء و إلي أنا متأكده منه ان العيال بعضهم أو كلهم حتى راح يذكرونه بالخير ويدعون له
لأن زمان بالشرقية كان إمام الحي الله يرحمه يعطي العيال الي يشوفهم بالمسجد فلوس و مبلغ بسيط بس كان لها معنى معنوي كبير بنفوسهم ومع إن العيال بالحي ماهم في عازة لكن كانوا حيل ينبسطون إنهم نالوا كلمات الإطراء و الفلوس
و الحين هم رجال و أخوي واحد منهم و الله إنه يذكره بالخير ويدعي له .. الإمام توفي من سنوات و قت توفي الشيخ العيال كبار شوي يعني دخلوا بداية الطعش ...
توفي بحادث في نهار رمضان وبس وصل الخبر للحي كله بكوا عليه الأطفال قبل الكبار
الله يرحمه ويغفر له ويرزقه الفردوس الأعلى بالجنة
سبحان من سخر له من يذكره بالخير ويترحم عليه ويدعوا له
|
رد مع اقتباس
