عليك بالعافية يبو ناصر، عاد انت سفيرنا في عصبة الأمم
التهمه: وقوف المركبة او انتظارها في الاماكن المخصصة بعبور المشاة أو على الأرصفة.
مع اني لو عرضتها على برنامج الحكم أو الفار كان بيّن ان التاير ما عبر الخط بكامل محيطه، يعني ما يحتسب الهدف أو المخالفة.
(( ان شاء الله الاخوان في المرور تكون عندهم روح رياضية وما يزعلون ويدبلونها علي، لو شافوا الصورة في المنتدى))
انا بدالك اقولهم اصبغوا خط المشاة عدل وتالي خالفوا الناس ..
مخالفتك ان ظل سيارتك على الخط مب التاير
جم مخالفتها هذي ؟ اول مرة ادري عنها
تُنسى ، كأنَّكَ لم تَكُنْ ..
رغم تحفظي على كثير من مشاركاتك يا اخت سارة ومعارضتي الشديدة لطريقة حسبة الالغاز والتصحيح الا انك ابدعتي في هذه المشاركة و انتصرتي لزميلنا بو ناصر ونا شايف انه يستحق المخالفة لكن اعتراضك بالنسبة لي مسكت ويستحق الغاء المخالفة و نشكرك على وعيك بأنظمة المرور و قواعد انعكاس الضوء والتشتت والظل ومعرفتك بالبنيان وباقي لج تصفين النية بس في موضوع الالغاز وعقبال ما نشوف جوائز حقيقية تصل للفائزين.. وشكراََ
افا بغيناك عون، صرت لنا ....... المهم انا ما اعترضت على المخالفة ودفعت بالتي هي احسن. بس التهمة ((وقوف المركبة او انتظارها في الاماكن المخصصة بعبور المشاة أو على الأرصفة)) كأنهم مبالغين فيها شوي. كنت واقف والاشارة حمرا، بس من من المشاة اللي بيتسلط و بيخلي خطوط المشاة وبيمر من صوب التاير.
عموما المخالفة 300 ريال والسداد المبكر يسويها 150 ريال، تييب نص كيلو لوز يا ساره.
فدا راسك يبو ناصر، لكن الحق يقال، لازم السيارات كلها من الدعامة الامامية تكون قبل الخط، انت ما شاء الله عليك تقيس من التاير لكن ما اخفيك احياناََ انا اوقف مثل وقفتك هذي و عزالله اني مخالف عود، رغم ان سواقتي هادئة لكن نجيب العيد في اوقات كثيرة